一場熱到爆，又淋到傻，比雷嚇到死的廣州賽

由於之前兩日都落大雨，都擔心會變泥鴨，但結果今日出門居然天公做美～！今日北上人唔多，因為好多人都去左迪士尼跑歡樂跑，而且下午有OAHK AGM，原本深圳大學都有10個去，但最終全部上曬北京，我擔心得小貓三四隻會冇大會交通，結果就在教練研討會捉左幾位教練去，就係咁，我們一行10人就有車去啦～！

去到皇崗，等了很久也不見邱鍾華，以為佢唔到，幸好係遲到～！由於B佬與租車公司與司機溝通出現問題，我們就在皇崗呆等了成個鐘才出發！

最後車終於到，佢架16人車與香港的16座小巴係唔同的，我都係第一次見！

去到大夫山森木公園已經10時50分！按過往經驗大會11點就會有賽員出發，放低行李看看份賽員出發時間表才知道-天啊！我的出發時間係11時02分，即係話我要立即走啦！由於賽事中心似個公園，加上時間趕急關係，我沒有換OL衫及護脛，穿起小黑牌定向褲，飲啖水便出發，就係咁惡夢開始啦！
出發時天氣熱到死，加上沒有做熱身，串步難跑，P.1點是在大路轉入林，見到個林已經後悔沒有護脛，按地圖顯示，我在第二條小徑入去會好０的，好!數啦! 第一條，第二條，依有問題啦～原來地圖圖功差，有石屎的路與山上小徑的圖例係一樣，無留意好容易睇錯，但點都好都找到P.1了，再去P.2打bearing過去，但只見到 57號，但我要51號，仲以為佢放錯，再由大路入多次，再找，見到了！但隻手被有刺植物界傷了～很痛啊！

P.2 去P.3　可以由林上去，但我呢副身勢，點入林呀，結果都選擇由大路上去，一路行，身上的汗就已經流到落地，條樓梯係用石做，凹凸不平加上有好多青苔，兩邊又冇扶手，穿OL鞋行的時候，突然間會有滑一滑的感覺，嚇死！當時我諗如果中途跌倒一定滑到落底～痛死！P.3在頂位路邊唔難見，但唔知點解有好多中學生會在早一個山咀周圍找？

P.3去 P.4係先落而後上，由於係樓梯，所以都好小心！P.5係圍牆角，所以唔難找，但起初我在落樓梯時過左龍，之後才找回P.5．P.6我起初行錯的，因為落到草原，好以唔識分東南西北咁，之後見到好多人走左去某一邊，而我遠望那邊亦見到岩壁，結果找到了！

P.6去P.7：係張圖累死人，離開P.6向公路方向，實際會見到間石屎屋，但望地圖呢，唔見！死啦，唔通又定向位，不過指南針又冇錯，到底點呢！最終我都係行了過去，去到分叉位再望張圖，發現在公路邊有個方形一點，這點比三角形的石圖例還小，天啊～！難道建築物真的那麼細？

P.6去P.7：又開始上山，但在中途會打P.7，沿路上都有向左望，但唔見P.7，一路上之後發現等高線密了，應該行過，落少少再望，在岩壁對面有條小橋，過了小穚打完P.7啦！

打完P.7再繼續上山打P.8，突然間落起大雨，係好大好大！由於太突然，我潛意識地在樹下停了一回，雨依然很大呢，但看到周圍仲有賽員上山，我也繼續了～！P.8是在山頂位置，我未去到之際，個天又突然打雷，仲係不斷打不斷打～！站在山頂位置真係好驚～！打完P.8我沒有繼續了(因為我怕死)，我由P.8旁的小徑急急落，落山時都有點怕，因為諗起份保險唔知有冇包括雷，周圍都係好高的大樹！落山時見到有兩位拿著雨傘的途人，我請他們載我一程，結果我就在他們的雨傘下去到一個有涼亭的地方，留下來了！
在亭內，我大約留了15分鐘，因為出面依然好大雨，而且亦打緊雷，突然間我又醒起自己的背包應該會濕透，糟了～！（因為我只蓋了raincover便匆匆離開），見雨小了一點，我便在打雷的情況下由大路回賽事中心，但路真得很遠，周圍又冇建築物，我個心都又驚又怕，行了很久，最終回到賽事中心！
回到之後，我們的物資也有部份濕了，而心情什麼也沒有了，等了其他人回來，我便到洗手間換衫，換完衫後，吃點東西，拿著雨傘再去找回我未到的控制點～因為還有張奪分圖玩～！

今次未能完成賽事，但亦沒有失樂的感覺，或許是安全至上吧～但其他人也繼續完成賽程，邱鍾華還責怪我反正是回程，為什麼不打埋餘下的控制點！ ＝＿＝

劉志泉與張鏡佳也是被我叫埋去的，希望他們沒有責怪我那次邀請吧，至少佢兩位也完成賽事！

在等候的時間，CATI定向服專人把招先生的定向衫送來，我打開一看啊很美啊，是紫色與藍色的配搭，而且是世上獨一無二的，價錢只是人仔一百三十五元，超值！於是我也對負責人說訂造一套，設計及顏色自選，就係咁，我應該在不久的日子會有一套獨一無二的定向服啦！

乘車回程時，天氣已經轉晴，而且還有太陽，但不知是誰黑仔，一返到皇崗一落車又落起大雨，我諗個天真係唔喜歡我了～！

原來這一家~YAOC

早前因為一次的機玄考合的情況下，我就加入了這個大家庭！起初吸引我來的是有人對我說加入之後一定物超所值，每年一次的周年大會聚餐十分豐富，我就因為餐飯而入會啦！（文迪，你沒有騙我！！）
起初還有點擔心，第一次比賽時鼓起勇氣走到他們那裡，便是那場青衣色級賽，但其後的比賽再次相遇！擔心的感覺沒有了！

周年大會在formal的程序下，通常都係informal的議式，雖然有半人人我還未認識，但幸好，有一半人我也認識了，大會原本六時開始，好在去到還未開始呢！第一樣當然去繼會，之後就去睇下件新會衫啦～！我唔知應該穿乜碼，於是周圍八下其他人，亞B話佢穿細碼，我懷疑了一會，再問Habour，佢話佢著中碼！其實我知中碼合我，但不知為什麼穿起舉手投足總是沒有一種安全感－露臍！結果最終填了大碼！ 或許透氣的闊身衫適合我。

<呢三位靚女來年度都會同我一齊跑E組>

在這裡我重遇到一位定向友－Jacky Kowk，佢冇玩童軍之後想繼續定向，結果入了！哈！好野又多一位熟悉的面孔啦！在這裡就像一個種溫馨的家庭，Bruce會長會為我們提供很多定向資訊和技術提點，Alice夫人又好好心幫我們統籌和報名，出發前又有許多溫馨提示！哈，我就喜歡這種感覺～大家庭的感覺！

在報告事項後，接著播放了三段在這一年內的短片，有比賽中的，有亞太賽的，也有真情流露的，那三段片我也喜歡，不是因為居然有我份，而是看到他們在比賽場上有認真的一面，比賽後亦有歡樂的一面，兩者亦同時被紀錄，對於比賽及賽後有一種共鳴感覺，真的很感動呢！

接著是選舉幹事，今年亞B入選了，當然Bruce和Alice是眾望所歸啦！

最後來個人人有份的抽獎環節，結果大獎居然冇人中，其實我最初想要2號，但唔知點解出到去，就舉起兩隻手話22號啦！不過我的獎品也不錯，大會資助來年度一場色級賽及一場排名賽，即係話我又慳了$90元，單是這裡已經物超所值了～！

一場遊行風波

遊行在香港已經成為了一個逢大時大節都有的一個環節，或許在香港人的一生中，至少總有一次！

自古遊行本來就係為了對社會上某種現象表達不滿的一種集體性反應，參加者也只想利用和平的方式去表達情緒，得到社會上人士的關注！

近日有新聞報到「警員遊行」，坦白講最初以為因為他們工作過度，希望增加休息時間，又或者係他們的裝備未能保護自已，要求添置．但最終兩個原因也不是～！我不是自私，但對於他們的要求，我實在未有任何認同感，甚至有點反感～！一直以來，警務人員的新酬一向不俗，一位中五程度的警察員的起薪點也較大學生從事其他職業的高（當然工作性質是不同），自從金融海嘯之後，各大商業機構不斷裁員，政府對社福界及教育界的資助亦設更多重的關口，政府人員亦須減薪或凍薪，在這情境下要求政府加薪，一般人會有同感嗎？？莫非．．．在海嘯下他們也投資失．．．．．？？

在這一場風波後，唔知會否又有消防員，救護員或許是其他政府人員又出來呢！但在這個事勢，他們要得到社區人士的認同，難了！

熱烘烘的HKOC定向賽-圓墩

昨天的事已經過去，今日九點起身，收拾物資準備下午的比賽。下午一時正小巴站集合之後便搭車去青龍頭，跟佢地一齊去有個好處─就係可以有順風車上山．結果真係有車上去！換完衫之後按大會指示應該仲要行一段路，但係我從來冇想過段路係咁痛苦……

今天天氣好熱，我們由洗手間開始起行，先沿水渠石屎路行左一會，當時我仲記得會長幫我地來張大合照，不過快樂好快便完結啦，有人發現小路有個燈籠，故此相信係大會的提示，我們便沿上山小路上去，條路好窄，而且有好多石之餘仲係不斷上山的路，幸好當時已經換左鞋，否則一定痛苦萬分～！或許是未熱身，加上天氣熱到死，故此上去段路好辛苦，雖然個心係好想停，但又唔敢，因為後面仲有好多人上緊山～！所以見仲係有氣有力的時間就爬快兩步，等痛苦的感覺快０的完．好彩都好快上到目的地！不過會長夫人就……………

遠望一遍綠色的草地上有許多牛牛，感覺很舒服，就連剛才的痛苦經歷也減少了，放下物資休息了一段時間，大會最終於下午二時三十分開始出發．（當時我相信已經有30度或以上）

數位會員出發後我都出發啦，基本上我的目標係追到亞梅（因為我見佢第一個出發），拎起張圖見到第一個pt係沿路見過的，所以好多人都一支箭跑去，之後又一大班人開始行啦（大會今次唔係用一分出一個，所以拎圖拍咭就可以走）．頭兩個pt都係一大班人打的，我都知道如果再係咁，我會變左集體賽，所以打完pt2便快少少閃人啦！

人數少了，走也舒服得多，而且在pt3比我遇到梅，打完pt3我更一支箭跑走，以為可以增加距離，點知pt3去pt4那段上山的路山，我們又重遇了….因為上山太太太辛苦啦！打完pt4 去pt5時在中途花了一段時間，因為以為自己行過龍，誰不知仲未到，打完pt5入pt6我由山頂落去打佢，原來pt6比想像中低，個山仲好斜，早知由底條路去啦～浪費了不少時間，pt7去pt8我慢慢行，因為梅都係唔急，行的時候拎張圖出來睇，就係呢一刻，有過跑過的教練AA就話“落到大路先睇圖啦！”被佢話完，立即收埋張圖，跟隨佢加快落山，去到馬路，佢就消失了，我沿小路毫不思考便從東面的小路找pt8 ，打完出來向pt9的方向去，在這時候，有許多人迎面跑來，當中亦發現亞梅～即係話佢又追到我啦！我又加快少少閃人，但去pt9的時候，我發現山勢與地形有點令人懷疑，結果在找上山路的時間，亞梅與時光機又來到，我們便打算由崖壁上去打pt9，打完pt9，過了公路，由大石縫中落山，再由小路上山，辛苦死～！在途中看到有個pt50，當時明知不是自己，但無意識地，張隻手伸去打了一下～白痴仔！仲要比人見到＝．＝！去到pt10都定了一回才前進，因為見張圖有一面已經冇顯示，即係話如果outmap就死啦！所以好小心咁set map!由pt11去pt12時，張圖花到我原全睇唔到，結果我就選擇跟前面人仔去，打完pt12 再去埋pt13返終點啦！完成時間95min，慢到死～！

返到去唔見梅，事後之知佢pt9　之後行錯方向，去事啦～！在跑的回程時，比我遠處見到架汔水機，以為有可樂飲，好開心咁走去，點知部機係“虧”gei（呢句說話係去自會員Dennis~ 因為佢都跟左我去買汽水），我唔服於是走去更亭問，個位先生話星期三仲有人買汽水，應該用得，之後講多兩講，又多位民安隊人員來加口，佢地仲好好人咁比我入屋仔倒水飲，而且仲話拎隻紙柸比我飲水tim~！因為我當時係有水，只係想飲汽水，所以都如實地告訴他們並感謝他們熱情招待～！

由於上山條路唔好行，所以同糖由大路走（但原來真係好長），離開event centre時都比我見到史提芬同曾sir返來．曾sir從澳洲回港數天，本想同佢講多兩句，但一跑完都唔知佢去左邊，結果我跟大隊走！

之後去荃灣食茶餐，聽查理斯講左少少YAOC　從前的故事．不過我可以好肯定的說一句，現在社福界的狀況和他們當年是無乜大分別！！

檢討：

圓墩唔難玩，只要你有氣有力；今場自己冇乜比賽意識，全程都係行多；9去10中途見人停我又停，停左至少5分鐘，仲好無聊咁大叫飲可樂～呢個行為唔可以再咁低能；要控制下自己唔可以明知唔係自已pt都伸隻手去打左佢；冇乜做路線選擇，見大路就去，結果比人追到唔少時間；一定要練跑，因為上山真的很辛苦啊！

六月二十日前的一天

如何謂之”堅強” ，當接到死訊的時候，仍很冷靜，面容上看似很傷心，一時間失去所有東西，有點不知所惜，但流不出淚水，這一刻看以堅強。但當要將死訊轉告別人時，淚水湧出了～！今天我哭了…….

朋友們請放心，我今天宣佈死亡的是我工作的一台電腦．學校的資源不斷改善，但錢總會用在學生的設備或教材器具身上，而且用的錢與項目一向劃清界線，例如：學生添新電腦的錢，只會花在學生的電腦上，不會將該電腦另給教職員使用！所以我呢類小角色，用的就是老爺機，看那張維修貼紙，就知至少有五年，話說這裡所有資料係唔會有什麼外界儲存系統，如果要作備份，你可以儲放在大server 內，但當然容量有限，唔知幾時我的容量已爆了！唔放server　你可以燒碟，這裡不是每部電腦可以燒碟，如果我要燒，我要由四樓房間落一樓教員室的資源房間燒碟，你要用外界的手指或其他工具存放再放到一樓電腦，其後再燒錄，十分麻煩～！所以非必要，我不會燒碟！而且光碟亦非即取即有，佢地會問你係乜組用，輔導組？學生支援組？唔同組入唔同數，如果某組冇預算買碟，你唔使指意有人比你用～！

一返到去開唔到機，call左個TSS，修理唔到，佢拆左部機，轉左部notebook比我，到下午三時我心急想知電腦情況，因為如果入面０的野冇曬，我真的不知如何是好．但最終佢地話電腦已經死了，我問佢地點算，所有資料在電腦內，佢地冷淡的回應，令我感到在這裡有點無助，或許這群電腦人員只會幫校內老師，對於我呢位另類人士，根本無責任協助～！這刻我討厭他們極了，因為身邊有位同事，所以我忍住淚水，繼續對答，我問那麼可以幫我把機送到一些可復修公司復修內裡的資料嗎？因為全部也是校內的重要資料，學期完結前，有部份要送EDB做評估．那資訊科技員回應，你可以自行找公司嘗試。聽佢咁講即係話佢唔會做，這一刻，我對佢狠之入骨，而且感到這裡人情冷暖～！

最終落樓與校長報告，在報告這一刻，我哭了出來（不知為什麼，只知很難受）校長知道後，震驚一回，看到我的反應，她再問也沒用．結果call了樓上資訊科技員問，責問了一輪後，又找資訊科技的老師再談了一回，最終那位電腦人說將資料送到TSS的公司嘗試進行復修，而校長亦命佢為我購買一部新電腦．校長沒有責怪我，因為也不是我的錯，但我知她也十分苦惱，雖然我想告訢他有部份重要的資料已有backup但不知道為什麼，總是說不出口，現在回想起也很後悔沒說．

自私的說句，我真的希望下星期可以停課，因為有多點時間給我作資料重做及搜查，因為今年要埋數的報告也不少，有多天沒有學生，我可以輕鬆點呢～！

在這黑仔的一天，我聽副校說去買張六合彩，唔知會唔會．．．．．．．

我記得從前在SA成日比亞Sir話，話我唔適合做“人的工作”，又話呢樣處理唔好，個樣又有問題，當時我知歷年有唔少人比佢罵到喊，我都唔明，一個咁資深的社工，可以說話咁XX，原全XX同事感受．但我也沒喊過一次，而且每次比佢話完我都會多謝佢．可惜最終在一次內部interview加supervision 的時候講到心路歷程的一刻，淚流出了，估唔到現在來到這裡也有一次！ (XX＝內容隱藏～擔心”山水有相逢”)

我知道我星期一要加倍努力了～！這裡的人情冷暖真的很淡薄，由校務處職員到教職員大部份也是同一類人．

唔知點解總是感到20/6又會有些意外會發生，明天跑山希望能安全回來啦！請保祐我啊！

天下奇聞

“為我們提供等別服務，陪我們沐浴吧！”這是三個大男人在一房間內與一位小姐的對話．如果那位小姐想保持清白，可以點呢？

起初在西鐵上聽到有一段新聞，當時第一個反應是，點解咁少的事會在新聞內播放……再從報紙上了解才知道，一位為了保持清白的女子，殺害了當中一名男子，其後自已自首，但被法院判了“過份．．．．．罪名成立”是天冇眼，應是天冇眼才對，就如公正女神對眼也是矇著的，但現在卻……..由於多番群眾壓力，所以那名女子雖有罪，但沒有被罰～！眾人看似感覺好了，但我真感到可悲，到底法律在那？外界也可影響判決？那名女子如果有罪，但另外沒事的兩名男子呢，怎可放過他們？那名女子如果不是這樣做，她可以逃出他們的魔掌嗎？逃不過，事後告佢他，也告得入嗎？

規則只會規範那些守規的人，對於不守規的人跟本也沒有用！法律也是一樣！

天氣難測，人比天更難測

今個星期的天氣變幻莫測，早上好好天的時候天文台可以話黃雨，在晴朗的上人過後又可以係雷雨密佈的下午，唉～！總之一句天氣難測～！

今個星期六日有三場比賽，一場星期六的深圳賽，星期日上午有元朗區長跑，下午亦有場屬會定向賽．結果為左保留星期日的實力，又唔想星期六淋一日雨先去跑星期日的比賽，w結果我只選擇了星期日的二項活動．按天文台的預告，星期六日都係有雷雨．

基本上我一心以為星期六會下大雨，但係結果天晴，太陽好好～！深圳比賽班人回報話跑公園，曬死～！唉～難得好天，就唔好話陽曬啦．聽返之後，都有點後悔冇去～！星期六一直好天氣，所以我都估計星期日也可持續，但昨晚深夜時分來了一段可怕的雷雨，心想明天都有可能不妙，結果起身時候，又放晴，仲聽到好多的蟬叫！

出門口前知道有雷，但個天咁好，下午應該都有得跑，今日早午好熱，開跑15分鐘之後已經想死，我都唔明大會，30幾度都攪活動，結果好似有人不適送院！跑完後，入左運動場沖涼，舒服曬～！十一點半收到東南電話，話有順風車，但佢話現時仲掛緊雷，好有機會取消，之後又收到Bruce電話，話大會也樂觀下人場比賽可以，但可惜最終也大因雷暴警告而要延期至下星期六下午．失望～！但今天整天天放晴呢～！

結果去左睇戲，但後座冇位，要個傻瓜坐前兩行＝＿＿＿＝．朱利亞羅拔絲，我第一次認識她是在N年前的My best friend’ wedding．估唔到到現在她依然十分吸引．

回家時在車上看到一段新聞－“某書院遷校某村民不滿”───村民在訪問中表示『他們反對，因為政府沒有在此為他們提供學校！他們也關心班學生，但反對在他們的地方上收容他們』，史上最差勁的藉口吧！是什麼意思呢？大家心照啦～！最後看到村民與學生還來個擁抱，當然做戲做全套又真的沒錯！

那麼班村民對空置的地方有何建議呢～？結果最多人回應的是『起旅舍好～可以振興旅遊業！』　

如果明天要與班學生分享這段新聞時，我只可以對他們說『千萬不要做錯事，即使知錯能改，但機會係唔會人人有，而且唔會時時有！』

六月份的第四天

原來已經廿年了，有什麼記憶？廿年前的那一天，對於一個剛進小學不久的我來說，真的沒有多少！依稀還有一張坦克車的電視畫面，但隨著年紀的增加，不知不覺，感覺會越來越強！

中國人真的很奇怪，眼見我國在世界上有出色的表現時，大家也會以自己身為中國人而驕傲；同時亦為這個令自已驕傲的地方而感到激怒！

或許原因只有一個，就是我們也愛“妳”～我的祖國！

沒想到廿年後的那晚是我第一次到的，坦白說，擠滿的人海，真的很感動！最初我還害怕有那種“嘉年嘉”的感覺，但當聽到那段錄音時，淚水已忍不住了！那一刻，真的很心痛！

告訴我，到底錯在那裡？是因為我們太愛“妳”嗎？

“反貪”不是一直倡導的嗎？在國內的大街小巷也不時會發現文明人，文明社會等字眼，反貪不文明嗎？我十分痛恨那些連四川震災的款項也不放過的小人，同時亦痛恨那些只講武力又滿口仁義道德的偽善大國！

對於全世界，我相信要一個國家去向全國人民認錯，真的是件不容易的事，就如美國攻打依拉克搶油田，殺人民可以如此理直氣壯，日本從來未就侵華事件作出道歉一樣，真的很難！就是因為難，所以全國人民也不斷在期待！

然而過了廿年也沒有改變的起息，但我們仍要把精神薪火相傳下去！

即使如此，我也相信我們也不需要那偽善的大國作出任何干預～！

“人類對抗權力的鬥爭，就是記憶與遺忘的鬥爭” 米蘭．昆德拉＜笑忘書＞

突然的幸運

昨晚完了一個只有四位家長出席的講座後，我都唔知道佢地到底所謂的堅持會係點．堅持來者不拒，堅持有殺錯冇放過，堅持去讓學生一次又一次的犯錯，堅持去對EDB讓步．．．．堅持太多，或許會無到無鈴兩可．．．．．

今日收到紙要做周年面談，大致上我個位係新設，冇得同人比較，只講效率的話唔錯，但談起自已的遺憾，總有一點：至今還有一名我負責的學生還未開口與我說過一句話，即使連一個積極的表態也沒有．．．．．或許是我太可怕啦～！

夜晚走左去練跑，仲以為個天唔鐘意我，點知去到又冇落雨，真好彩～！

原本我是逢星期四才跑呢，但因為個場由明天開始封場保養，結果還是再去一趟，去到拎匙的時候，職員告訴我明天還可以繼續跑，因為佢地局部封，所以我們也可以一直用，聽了之後，之前還愁要移地點，結果唔使啦～！真幸運啊～！幸好今晚有去，否則都唔知道．

好想改變自己的跑姿，因為我的方法是好容易累的，睇了班田徑人士的姿態，開始改進中....講起練跑，基本上唔係我發起的，話說發起人想找人陪跑，結果好心的我答應了，但好奇怪，第一次我們也準時跑，第二次位發起人話唔記得帶褲返屋企取，結果最後半個鐘才到，第三次發起人的媽媽身體不適，沒有到，第四次發起人話自已唔舒服，又沒有到，第五次發起人話自己病未清，也不來，明晚是第六次，唔知又會唔會．．．．．．．我相信巧合呢樣野，但太多的巧合的話就可能會係有預期的了！！

好快到20號，到時重新開個網誌blog唔再用facebook呢個先～!