8SKC 原野烹飪

今日係原野烹飪，一早收到亞Sir短訊話唔舒服，但有7個 Venture到！好！今日童軍原野烹飪VS Venture hea BBQ.．

同平時一樣，活動前一日，個晚一定收到唔少電話，再三叮囑下，原來結果都係一樣！

約佢地八點半，當然，習慣遲到的一定會遲到，在等人的期間，有位啄木鳥仔走過來向我投訴Miss,某某冇帶摺刀，佢係我地個隊負責帶摺刀的！話畢，基本上摺刀係童軍的一個必要的工具，一人要有一把！結果成隊啄木鳥比我炳．接著開始要解決問題，我問某某你昨晚發現唔見左，點解唔叫其他人幫手帶？佢笑了一下．接著我又問你們一隊沒有用具，那今天怎辦？他們沒有回應．我再問，你們現時可否想想有冇人幫到你們？使唔使問人借？佢地反問我，可以問邊過．佢地都冇問我借，所以我唔主動借比佢地．結果我叫佢地致電問下班Venture，有冇可以帶上山借，聽完佢地又問我可以問邊個Venture ….花了一段時間，最終叫左隔海鷗借左一把比佢地用！

去到目的地，比左場地資料，時間資料，注意事項後，開始比賽～！

海鷗已經開始工作！啄木鳥仔見隔離拾樹枝，又走去拾！其餘兩人開始想處理個蛋糕粉．30分鐘後形勢冇變，忍唔著走過去問，你們做緊什麼？食物呢？用具呢？起爐個個呢？．．．．．．提點了一回後（希望記得啦），再始做野啦～！

起爐的真的好人，自己個爐都未得，就已經將粒炭精比左海鷗！幫左一輪後，個爐終於起火啦～！這邊廂幫緊起火，那邊廂又話開唔到椰青，接著就係幫佢地洗雞，切雞，叉雞，切魚，燒魚.........！我冇氣啦！幸好，有班Venture係度，否則我會激死！每一樣野都由頭教過，但最終都唔係由佢地做，我嬲係因為佢地係原全唔會思考，只係會叫人幫手～！例如：燒燒下魚枝竹燒斷，佢地就會大叫，Miss點算～！我當然會答佢，咁你地想點？佢地話唔知，我就會好惡咁同佢地講，咪用過另一枝竹lor!佢地又接著問，咁現家條魚點呀？點樣可以拎０的食物出來呀？Miss條魚熟未呀？＃％＄＠……………….做到中段，突然有人話Miss 我放棄啦！我的即時回應係”我都未放棄你，你做乜放棄？”有時我真的唔明白佢地諗乜！

最終所有食物都完成啦！兩隊所有食物都係成功的，有菠蘿飯，椰青飯，有燒魚，有燒雞，有洋蔥蛋，有朱古力蛋糕….其實活動前，都教過一次，提了無數次，但一樣都係犯，就好似洋娃蔥蛋，兩隊都好自然咁拆掉所有洋蔥皮～！

基本上，今日由起爐到製作再到將食物移上“木台”，我都唔係好介意幫手，最介意係－－－佢地全原唔思考咁答你“我唔知！”．．．所以我發誓，三年內我唔搞原野烹飪，否則我班童軍仔會比雷．．．． 當然由其他人搞同佢地自己搞另計啦～！或許一定係我有問題，一定係～！好！八月個Camp一定要佢地用腦～！

唔知幾時，幫佢地開竹的時候，弄傷手指，到依家都好似仲出血．．．打左出來後，又好似冇乜點激氣la wo ~ ! 發誓又好似毒左０的～！

40周年特刊投稿二~同根.同心.童軍

來到了南葵涌第八旅已經將近兩年，原來時間已經這麼久．還記得最初加入第八旅時，童軍團仍有三名的領袖，但當我加入不久後，接著一位又一位的領袖在旅團上的離開，總有一點氣妥！心是否就樣這樣下去？幸好仍有支撐大局的領袖們，因為我們便是第八旅的領袖吧！

第八旅的童軍成員對於我來說只可形容為各有特色，每位童軍的行為和性格總是不一樣，當有活動進行時，各種古怪/意想不到的事情總會發生，例如：用電飯煲＋cookset煲飯，用手試火等一些危險動作，所以每次也總會不放心！

雖然他們總是給我怪怪的感覺，但當他們發動“馬力”時也不會輸涉．還記得零八年的技能比賽，我也沒想過他們總於認真起來，大家一條心的作出訓練，令我也十分感動－那時候我知道我不能停下來了～！

南葵涌第八旅要到現時四十年，我相信也不會是沽名釣譽吧！只因在團內仍有同根的領袖及成員一齊同心，才能堅持到現在～！或許這就是童軍精神吧！

南葵涌第八旅領袖趙麗君

在大大大雨中的小洲村廣州賽

一早雨已經下不停，但已經報名，賽會有冇話取消，加上我已經病入膏肓，冇得救，所以都照樣北上比賽。今次是廣州春季聯賽第三場，基本上我三場都有跑！由於今次係成市短途賽，故此，背囊內沒有OL鞋，亦沒有OL衫，只有兩件T-shirt及一條短褲，背囊十分輕鬆！懶得就懶的我連涼鞋都唔帶多對，結果出事啦！

本身以為咁的天氣，北上的人唔多，但結果九成九報名的都有到，四十幾名定向人北上啦～！其實在我心目中，定向人都一向準時（無計比賽係要準時），但八點集合，等到開車時間仲未見B佬就知仲等緊人，車上已經聽到有人埋怨唔準時啦（我都有埋怨），最後見到要出現的人啦～點知一睇，我即時講左句：「吓！又係佢地呀？」呢兩位人士一般定向向唔係咁識，所以冇乜反應，但我記得佢地就係第一場廣州賽中要等左好久至返來的一pair，唔知今次又點呢？？去到有人話我知個位男士仲被安排最後才出發，我都心知不妙，幸好與我有同樣想法的人好醒，一直叫位男士1小時內要回來啊！

在車上有的休息，有的談天說地，好似小學生去旅行咁，成車人基本上見慣見熟，但又唔係全部識曬，感覺好得意！無意中仲比我聽到後座有人講自已的儲蓄方法，我聽到的時候都好想回應一句，我都有每日入錢落錢箱的習慣，最後用入面的錢去做／買我想要的野～！當然我唔會打破佢，最多用個鎖鎖死，條匙比左亞媽～一年比番我開一次！

賽事中心好似話交通方便，但係我地自已包車去的就迷左一陣，其實已經到左個地方附近，但係點都好似兜唔到去咁，幸好最終都到左啦～！因為天雨的關係，賽事中心在天橋底，我們就好似活在室內間，好安心放底行李等比賽．

今日我有帶帽，如果唔係帶眼鏡＋落雨就淒涼啦～！起跑後再看張圖，好難看，找了一回才看到起點，再望多眼才發現pt 1 ,看看距離3.1，控制點數目26,問你死未！pt 1 去 pt2 我迷了一回，冇計好似未習慣張圖，而且周圍都係路，好驚！結果 pt1 去pt2我用左成5分鐘，死未！ Pt 2 至pt4 開始順啦！去pt5，我用橋的等徵入村找，但找不到，周圍望也沒有，再走出大路定位，發現冇錯，於是再入多次，但都找不到，向前望遠少少發現有point雖知不是，但都望一望，結果比我發現它是pt 6，再比較地圖，知道pt5在那．結果我又用多了6分鐘，之後一直都開始返來啦！冇乜點錯！但聽到周圍的村民說話，“咁大雨都跑，唔怕淋病”；“你睇下個靚女跑到濕曬都跑wo!”；”佢地咁大雨都跑，都唔知為乜？“等．．．．．．其實我聽到時，我都有諗，到底為乜！去到pt19開始有個星形定向，我仲記得打完pt25的時候，比我遇到B佬，我仲開心咁叫佢快０的返去啦（因為我打多個就完啦），點知佢回應我，我一早跑完，而家玩奪分！唔知是否我興奮過龍，由pt25 去pt26簡了入村的小路去，唔由沿水大路去，點知又出事，我都唔記得自已有冇數街口，最後死死地氣出大路由終點方向打回pt26才回終點！結果這個pt我花了4分鐘，作死！

返到去，唔係好多人，都估佢地出曬去玩埋奪分，我都用毛巾抹抹頭手，飲啖保礦力，就打算跑埋奪分先，其間見到飯與Jeo回來，便等埋佢地一齊出發！踓然越野式我唔係好記得路線，但奪分式睇返point就知點去，我的路線係32(1)-33(2)-59(3)-63(2)-64(3)-56(5)-65(3)-54(2)-52(5)-53(2)-57(5)-46(3)-47(2)-49(3)-48(3)-42(5)-37(2)-36(1) 時間係30.31，分數54；但多了31秒，應讓減5分，其實奪分式時都做了白痴仔，因為我有條橋過錯了，其實那橋在越野式時也沒進過，我都懷疑過，但也過了去！當發現回頭時，比我遠遠見到飯，跑出去想叫她時，她已消失了！當正常返之後都唔算太認真，因為佢唔計分，而且仲大雨過之前！！

賽事結束後，去換衫，衫同褲加埋可以拎到至少1公升水，由上到下，內到外都濕曬．換完衫後，我們去了一間食店午膳，問了兩圍定向人的菜後，才決定我們那圍的菜，好在有其他人加入飯局，所以才清了所有送菜，他們的菜好好味，我們也吃得很飽，埋單時仲驚人，只是每人20元人仔，抵到爛!

回程時，我與飯對成績，佢用了45分鐘，我用了55分鐘，佢吃驚地問我為什麼，我告訴她我錯的地方，再與她對每point時間時，3個錯point加埋真的有10分鐘，唉～！短途賽，錯一已死，何況我唔止！成績最快是堔圳大學，佢用28分鐘完成，佢2圈等於我1圈，你話有冇面！＝＿＿＿＿＝

在車上聽到JW講佢地在奪分式時順道遊覽，冇計這裡真的有水鄉感覺，周圍四面環水，仲有很多橋！JW佢地看到清代古井和蠔屋，但我在比賽時真的沒留意呢～！

今次跑完很滿足，而且這裡亦很好玩，有機會可以再來！其實落雨又有乜野好怕wo ~!

Cheers,

Julie ^_____^

下面是转帖于CATI定向越野俱乐部论坛-定向天地

5月24号小洲村定向赛事5月24日天气沉沉，阴雨绵绵，但是我们的定向爱好者热情不减，如此恶劣的天气更加体现他们对定向越野的疯狂、发烧程度，真系好high啊！风雨不改的定向越野约定在绿树成荫、花果成串的小洲村，那有现代化的住宅楼，祠堂、庙宇、小拱桥之古迹也不少，吸引了一批批的中外游客参观游览。这对我们的运动员都是一次不错的游览啦！11点左右，比赛就要开始，运动员纷纷在赛事中心附近做起热身运动，这样的天气又这么长的赛程真的是一次不小的考验啊！小洲村挺大，楼房林立，小街小巷纵横交错，我们的点标就挂在角落里，某家的窗户边，又或者小巷尽头，要找到它真的不太容易啊！又下着雨，更添几分难度，但俗语有言有挑战先有动力！确实！我们的运动员都好有激情噢！比赛中，无论大的小的，老的幼的就这样淋着雨，读图、找点、打点，好佩服啊！小小年纪在读图找点的汗水中还要一路淋着雨，这肯定成为她们难忘的一次经历！更让人肃然起敬的是一批几十岁的参赛选手，经历过无数人生风雨的他们，今次比赛可能只是小菜一碟，但对他们的身体真的是一次大考验。雨中奔跑，年老心不老啊！！！让我们为他们致敬！真的好佩服我们的参赛选手，他们热爱热衷定向，对定向乐此不彼。因为有他们定向才如此精彩，有他们就有定向更加光明的未来！

下面我们一起来目睹我们精彩的比赛：

[分享]5.24小洲村-雨中的旋律-http://orienteer.ing.blog.163.com/album/#p1

每個人心中最重要是有一團火

讓我說一個比喻，有一餐廳，只會提供兩類食物給客人，一種是給有牙齒的人吃的飯，另一類是給沒有牙齒的人吃的湯．就只有這兩種，一直以來，有牙齒的人亦只會吃飯，沒有牙齒的則只會喝湯，所以吃飯的必是有牙齒的人，而喝湯的就只有沒牙齒的人，一目了然！

不知由那時開始，來了一群沒牙齒的人，他們是不知道自已是不健全的，因為他們的父母及身邊的人從來也不會告訴他們－原來他們與別人不同，直至有一天在餐廳上，有一位送湯的侍應說他們是沒牙齒！自從知道自己是與別不同後，那位沒牙齒的人一直情緒不定，而他的父母更到政府當地投訴那間餐廳！

我的工作就是為那群沒牙齒的人設計多款健康的湯，所以一切與沒牙的人的事也由我負責，由於被人投訴，故此餐廳也只好交代及防止此事再一次發生！不知是餐廳老板好人還是多一事不如少一事，她沒有找出那位涉露資料的侍應，只是找提供沒牙齒的人的健康的我去完成一份報告，交代事件及處理程序，以及草擬一份指引，如何協助一群侍應去保障顧客的身份！

故事完了，因為這樣我上星期三開始便忙到要命，因為政府施壓，故此要盡快交代，為了完成報告，星期三下午三時才進食我的午餐呢！但可惜趕完後少知道，餐廳老闆也只是星期四才找人送上去，唉！我真的不知為何這麼賣命！星期五要草擬份指引，基本上我毫無想法，結果我在東抄一些，西抄一些的免強完成，但由於內容有很多需要修改的事項，結果當晚七時我還未離開，但老闆佢講完自已的意見後，走了！

在知道他走了的那剎那，我真的感到自己真可憐呢，幸好那時還有我的拍擋在！星期六，因為有個活動，結果我要返工，老闆當然要出席，我提早了返去，因為想交埋份指引，工作完成後打算去觀禮！簽到時候遇到老闆，我解釋因為工作後便去觀禮，所以今天早回來先交指引，活動進行時，我期待他看完份指引，但事與願違，活動結束後，我正想離開時，他找著我說份指引有一些意見，要再改！

回到自己的工作室後，我真的感到好可憐，為何會有這樣的人，此刻我討厭極了，當然最終我也趕不到去觀禮！今天繼續返工，但仍有點慬慬於懷上星期的事情，希望心中的那團火還未熄滅吧！

一封來自OAHK的邀請信

致：各合資格賽員
2009-2010年度『邀請』賽員參加精英組通知

根據2008-2009年度香港野外定向排名聯賽成績，閣下之成績達到M/W 21A 組別 800分或以上 或 M/W E組別 700分或以上。技術委員會現邀請閣下加入為2009-2010年度『精英組』賽員。請閣下於2009年6月13日或之前 填妥以下組別登記回條交回本會，並提醒有關組別一經登記後，不可作任何更改。若閣下選擇為『精英組』賽員，總會將於閣下續會時自動註冊為M/WE組別。若有任何查詢，請致電25048112與本會職員聯絡。

香港野外定向總會體育幹事
洪家儀
2009年5月14日

城市定向2009 - 龍城攻略

今日天氣相當好，一早知父母今天唔得閒比我地陪，所以好放心咁一早出門口．地點係馬頭圍遊樂場，基本上對於我呢類新界人來說，這裡應該是我第一次到啦－失禮失禮！去到之後，首先當然領取T-Shirt同號碼布先啦，我見到排我前面０個個人同大會講佢組員未到齊，結果我只見大會比左成組的衫佢之外，就只係剔左佢的名，到我領的時候，大會工作人員又問我，到齊人未，我立即回應－人齊（其實得我一個），見佢三個人名都剔齊，兼比埋大會衫我，就好安心咁走啦！

拎完衫去食早餐，原本會長發出留言叫我地早０的去，但佢倆個就遲到，當時離遠見到夫人時，佢同亞糖在電話中的一段對話，都好好笑！（話時話，今次係我第一次用這個YAOC屬會名義跑，而且成班會員我都係第一次見到咁多個人仔）

食飽，換埋衫再去到大會場地，見到好多好多熟悉的面孔－定向人．或許今次是母親節，而且當天仲有龍舟/A.S.等比賽，所以總覺得參加人數並不是太多。

城市定向與野外定向唔同，由於地區大，所以大會比搭車，但當然要付出等車時間同車費啦～！我今日只係帶左張八達通同指南針，水都冇，因為跑到口渴，可以用八達通到便利店買水食呢～！但結果個指南針當然冇用啦！

我的隊友係會長Bruce同埋首席女將 Alice B ，佢兩個都好跑得，所以當我知道隊友係佢地之後，我都加緊練跑（但結果都好似冇乜分別）！

起跑之後，我們已經靜下來商討路線！我們首先向南面紅磡那邊進發，沿路打埋其他點，其後再搭車向北走到新浦崗那兒，再向西走打埋樂富等地方！大家有共識後，便出發，由於地圖沒有顯示起點位置，跑跑下，張都好似唔見左起點，正置唔郅張圖，仲要比人罵～！去到第一個目標點（馬坑涌道2分point）唔見有人，但街名，路名連大厦名都對，那麼人呢～！放錯位？屢尋不果之後，放棄了，過對面遊樂場打另一個4分，去到同佢地講話放錯point，佢地叫我地同大會講，天呀！比賽緊點講呀，用電話，Disq wo？之後走的時候，我見佢地Call返去問，比賽之後，有人之後打到個point，應該係佢地再放好位置！但我們沒有那分數了～！

我們一路先向馬頭角方向去再落土瓜灣海心公園取5分,離開時遇到朱sir叫我加油, 我也來不及回應已經走了 , 向紅磡方向走, 打埋4分4分1分5分，曾經在途中遇到黃埔小巴，會長突然有上小巴的衝動，但由於停在雙黃線，結果我們還是繼續跑～！跑的過程，愛麗B好輕鬆咁跑得好快，可能會長見我體能不及，所以佢都盡量放慢成隊速度！當然我唔想只做陪跑，故此都要找下一些工作做－用對眼去找point的位置！打完紅磡碼頭的5分, 我已經開始慢了!

沿華信街打2分時，有個point又好似唔見左，其他組都周圍找！隊友兩位好快就跑去另一邊看看，我保留體力，依然在Searching，最終發現了！我大叫我的隊友，但反而幫了其他組．．．之後都一路繼力跑，紅磡道2分-寶來街4分 –紅磡南道2分1分-紅菱街4分-寶華利街3分 又出事啦 ~如果在公園，難睇少少，放丫一點也不出奇，始終佢地唔係專業，但市區有埋街名同大厦名，都放錯point於另一條街，都唔知點解。如果係比賽，兼有咁豐富的獎金，好心佢地負責賽區的人做好０的啦～！之後打埋對面的1分同遠少少的5分, 我們便開始乘車北上新浦崗啦!

打完紅磡，再戰新浦崗，我們搭巴士去，幸好有Bruce，否則我一定唔識搭車！在車上我們繼續計劃路線，希望打完最遠的5分點先，但時間已經過左一半，好有危機，固此將個圈縮細，最後餘下15分鐘搭車走。在車程中, 我們路經一個4分 , 結果下車打了它, 其後再等車上新浦崗 , 一落車 , 先在東啟德遊樂場打5分 – 彩虹道遊樂場4分- 體育館1分- 黃大仙下村 4分 – 摩士公園 2分 – 九龍寨成公園4分 1分 (但個1分放了在渟內 , 不付合地圖顯示)，我們本計劃打完九龍城寨公園便搭車走，當時我真的很高興，但愛麗B話行多少少去埋5分，結果佢就一支箭咁跑左去，我來不及反應，剛好一輛85C把我們分隔，佢倆繼續跑，我唯有站在馬路旁等過馬路．過到對面，跑/行了不久，見佢地反轉頭，我只有問一句，是否打了，他們叫我跑回頭，已經打了！終於我們可以慶高彩烈地乘巴士回程了！但當時除了我們，還遇到另一組，他們比我們早少少出發，所以在等車的過程中，大家也擔心遲到！！最終遇到85A，但點都上車啦，其實時間唔係餘下太多，所以知道落車就要跑跑跑！

我一落車便向前跑，冇望隊友，因為找知佢地一定追到我，去到最後燈位，已經見到很多其他賽員他拼命跑回終點，可惜剛遇上燈位，條馬路又好濶，唔敢亂過，等了很久，終終轉燈！拼命跑，過到對面，會長話仲有30秒～！上到球場才發現終點在場中間（該死！）我最後一個到達後，成隊完成了～

比賽期間，其實我特別留意紅綠燈，因為在冇車的情況下，衝燈是必然的，所以我都唔記得衝左幾多支燈啦～！此外，我便加留意紅綠燈的變化，其實當衝過馬路時，我係好驚佢地兩個過左去，而我只留在對面等轉燈，因為這樣，距離會拉開，所以去到燈位前，我都會盡量加速！

今次成績共118分, 在公開組43隊中排名第10 .!

四天假後記

一連四日假期開始，今日30/4睡到10點，終於比我看到煙姿水粉大結局（基本上我一向都冇電視緣，總之大結局一定看不到），看完後下午出街，因為今天非假期，所以街上冇乜人的感覺很好！晚上約人練跑，但約7點，結果佢8點30分到，唉～！當人到的時候，我都差唔多做cold down啦！我喜歡在運動場練跑多於跑步機，除了有自然涼風的感覺外，周圍都有好多人陪你跑，而且著跑鞋在運動場跑的時候，有種“彈彈下”的感覺！深水po運動場的設施不錯，所以我也喜歡用這個場地！

1/5開始放假，我都唔明點解會仲有人鍾意買野食去燒野食！同我去燒野食的一般分兩類人，一是童軍人，與他們燒野食我唔介意買野去，因為我地會玩埋其他野，例如焗下蛋糕，燒下叉；另一類係非童軍人士，志在燒，故此我會較願意去一些有人服待自助式燒烤場，但今次我這班中學朋友仔就係後者兼做前者的野…….我唔會主動起爐，因為一定會有自動獻身的男士，但係……..很久沒有與他們相聚，一聚又談起很多中學時代的趣事，感覺不錯！在燒烤期間，收到一消息，明天長洲之旅取消，但一心想去的我又點會心死，結果我又就地捉了幾位陪我去啦！

2/5，9點已經出發，人山人海，佢地的觀光友真係觀光友，周圍走，而且還與周圍的人一樣興高彩烈的看飄色，我本也以期待的心去等，但當出現後我才發覺一個字“悶”，就好似我一直也不喜歡迪士尼的巡遊，看來人多的地方唔適合我～！

3/5上廣州跑定向，地點是黃山魯森林公園，之前去過一次，所以唔太陌生．上車之後，收到B佬一個消息，佢報左我跑W35E，天啊！我自問冇乜點做錯事，點解要咁對我！我自問冇咁的年紀同經驗去跑這組啦！即使它與W21E路程一樣，但要我20幾歲去掛著W35的號碼布去跑，我總有萬分不願意！當然B佬在比賽前亦要大會更正，但一直都未知是否可更改！去到場地，第一時間陳安立通知我大會已改回W21E，但號碼布照掛，即時更正沒那麼簡單，我的出發時間及成績紀錄是否改了呢！相信大會還未想到，但由於擔心他們會安排我在最後才出發，故此我先發制人建議大會讓我用回原有的出發時間，即使同組有另一人出發！終於那位負責人批准了！我見佢忙，再沒追問他成績如何處理－因為我相信成績處理依然未改，仍記錄我跑W35呢！最終我花了108分鐘才完成！但成績係DNF（賽事篇後補）!

第二場廣州賽後記-本年度第一個DNF

之前的事在日記篇記了（前因後果請向前翻），不再提，只談比賽！今次我跑W21E，距離3.9，升160；數字上，這比上次兩岸四地還小！一開始取圖，小心地沿泥坡走，但一直走也找不到pt1-32，結果還走入了荔枝樹白林，本想找回起點，重新正置地圖，但當時我也不知自已走了那裡，結果當然找不到，但行行下比我預到31，心想32必在附近，但可惜我也找不到，時間一分一分地過，我不知不覺去到pt2 , 我當然不死心，但這個時候更比我遇到Alice，佢繼續向前走，而我就向後走～！

我利用pt 2去找pt 1但好可惜，我依然未找到！而且又再一次比我遇到31！時間花了成18 分鐘（呢個時間班勁人已經去了第5個pt啦），我最終放棄了pt1 （所以一定DNF）繼續去打pt，由pt2 去pt3心情仍未穩定，而且實際地上更多了一條擬似小徑，幸好我最終安全找到了pt3，之後一直也很順利．由於有來過一次的經驗，所以今次在田中亦沒有迷路，pt4去pt5我由小路去，去到見到很多賽員在田中cut過來，不知道那裡是否快些！之後一直亦很順利！打完pt8，要出公路，當時我見到有一名賽員在公路下面（沿水塘邊跑），當時我曾暗地想他必定是跑錯了（但結果我才知道有很多人也跑那條擬似捷徑）！

打完pt10，難得有寶礦力水站，一定飲飽才離開！飲飽跑步真的很辛苦呢！打完pt 13又比我遇見Alice，追回她了！今次我又再一次爬過10多條等高線再落成10條的山（我記得上一次爬過時，曾Sir從地圖上看曾經講過唔會咁做）但今次我又做多一次，因為pt14就在對面呢！打完pt15 再看圖已經想死，因為pt 16又在一次在山的另一邊，不過今次可以繞山而行！但最慘係你未去到pt16的時候，你已經遇到終點線，這個時候，又係意志的考驗，要繼續還是放棄回終點呢？最終我花了108分鐘才完成，但用距離計比平時，時間用多了不少，今次的賽程似一個反寫“3”字，一早已知DNF．

但一直心有不甘，為何找不到pt1 ，幸好教練Bruce帶我再尋多一次，最終看到它，無奈亦被問在這小小的地方，怎可能花20分鐘打圈？唉！我也不知道呢？或許如Ivan所言，當遇到31時該確定自己在那，但可惜，我真的看不到地圖上的地洞（因為佢與等高線相連）呢！所以我當時連31的位置在那也不知道！！！！！！！！！！！！！！

下一場如無意外，都會繼續，因為失敗，所以仍要繼續，希望B佬唔好再第三次報錯組啦！