7月4日上午本身有個公園定向活動要幫手9時15分要到九龍公園，但臨出門口，見到電視顯示-雷暴，打電話比其他同組教練，東南兄話個雷要掛到8時30分，互相研究了一會，就等到8時30分先算，結果到8時30分個雷話掛到11時30分....咁即係...... 於是打電話問問主教練陳生，但好可惜，打極都冇人聽， 但理性話我知， 我係唔會出門口啦 ~! 得東南兄提醒 可以問問其他公園的教練，於是打比Bruce， 佢回覆話佢地個場取消，電話一完 , 收到主教練電話 ， 佢問我有冇出門口 ， 當然我答佢冇 ，之後佢就話活動取消啦 ~!
＜看到張相我才發現，當天我們每個人件衫係唔同顏色，好靚啊！我今次的拍係邱鍾華～一位由我開始玩定向到依家都幾年都仲係精英組的賽呢～！不過我諗佢都唔會再敢拍我 ！
去到場地，邱鍾華問我跑第一定第二棒，其實我想跑第二，因為冇咁大壓力，但佢話第一棒可以跟人容易些～就係咁我答應跑第一啦～但講明唔係因可以跟人－因我都唔會跟人除非我迷路又或者到位唔見point我就會跟人去，否則路線一向自己決定。
一出發張圖好似望唔到個起點，但見到成班人落去樓梯，我就決定跟落去先再定位～呢個就係錯的開始。 （開始尋緊個起點）
落到大路，原全定唔到位知道洗手間但地圖又好似望唔到，遠望見到個球場，以為係地圖近 pt.1附近個個，但結果唔係，7分鐘之後，才發現我的位置．．．．．去到真的pt.1我已經
花了10分鐘啦～！之後都再始入番圖啦，但係去到pt.5我又lost啦～！尋極都唔見，但又好似正確，又花了9分鐘去尋～這裡的19分鐘基本上快的已經完左第一棒啦！我去到pt.5 仲有成13個point未到，隊友啊～一定咒罵我呢！但接力賽就係咁，無論跑得幾慢都好，仲有隊友等緊你啊～所以都繼續堅持．之後的point都好花，加上又天黑，打打下唔知點解又打返轉頭，好在發現得到．最終安全接棒，但花的時間應是別人的雙倍！
在交棒之後我都不斷自責，下一棒誓要將時間取回來，結果20分鐘後，邱邱鍾華回來了，一出發睇清楚張圖，雖然都仲未定位，但都要花少少時間適應，第三棒pt.1我未入圖，但之後都好順了，唯獨是有些point入了花槽，不容易被發覺．結果呢棒完成時間係22分鐘，但都補唔到40分鐘的時間，回來時邱鍾華已經唔等我集體出發～！就係咁，呢位E組賽員就與獎牌無緣~!
看到有很多的獎牌，真的很羡慕，不過自已錯，冇得恕～！雖然冇獎但都等埋佢地其他有獎人士領獎～！
在這刻我其只是想起邱鍾華也沒有獎～唉！不過佢都好好，冇話我，還說我沒disq回來．（上次的灣仔接力賽都係敗我我身上）。
但看到別人領獎時，心裡總是酸酸啊～！下次要鎮靜，努力呀！但首要條件係有人仲肯和我一組！
我的第二棒．．
沒有留言:
張貼留言