我就係因為B佬一句：路途遙遠，請準時，今日七點開始搭車，七點半已經到皇崗～應該七點四十五分集合，八時正開車。
但今早成班人等了又等，都唔見主持人。據過往經驗，呢位老人家好似一次比一次遲！不知什麼原因，呢位老人家一到，個天就落起大雨啦～！旅遊巴八時十五分開車，經過好多條的收費高速公路，也經過過3個洗手間，或許是大家都唔識路，結果我們環繞了整個廣州一圈，之後差不多去到西樵山遠遠看到望海觀音，其後又再在佛山市內繞了又繞，最終巴士定向完了，一番電話聯絡後，大會工作人員來接我們。
我們的賽事中心是疊北公園，但是個公園入口同個門牌細到～你唔講我都唔覺佢存在。十二時四十五分到達公園，去到時已經開始肚餓。
由於我們遲到，所有賽員都已經出發，我們唯有自助式～自行拎圖，自行出發。放下了行理，飲啖水，就出發啦！
城市定向我都會唔識跑，成日都好似跑跑下唔見左要去的地方。
起點 去pt.1唔係大問題，之後打完見到pt.2要過對面河，以前都去過水鄉的地方，但都有好多橋，但今次要見到橋就難啦！要返去好遠的地方才過到對面，一時跑呀跑，結果又跑過龍啦！花了一點時間才定到位，但又花了八分鐘了。
Pt2去pt3 都冇乜大問題，先出返大路沿河再入去。
Pt3去pt4我先過河，由大路去，去打pt4時已經見到唔少賽員，又遇見埋夫人，當時我心想，我比他們慢了很多呢！但之後才發現我跑那條路不是最佳路線。
Pt4去pt5再去pt6都唔係大問題，只要你肯跑。打完pt6回頭見到幾隻狗兇我，我大叫周圍的村民幫我，幸好安然離開。
打完pt7見到Bruce，佢話我件衫好易認，我下次都要諗諗唔著呢件衫啦。
由pt7去pt8跑緊的途中，有位好好人的賽員邊跑邊話我知去pt7要擒欄過，我當時邊跑邊聽，冇講多謝之餘仲話比佢知我已經打完pt7，但去到pt8我先知佢講乜。在實際地上，在pt8之前，有工程進行，條路加了圍板，而一面是屋的不能通過，另外兩面都係河，咁可以點過？再看地圖已經沒有退路，唯有兜大圈去打，但好唔抵！於是開始找下圍板之間有冇洞可鑽過去，但好可惜，我身形係絕對過唔到（其他人都係唔得）。之後見到條河與圍板外圍好似可以通過，結果我好小心咁擒出臭河隻手捉實圍欄，隻腳踩實石屎再擒過圍板另一邊，結果好成功～過到對面。不過如果失敗的話，我都唔知點，條河係黑色兼有好多沉積物！想起已經想嘔。
<參考圖片>
順利打完pt8之後去pt9，其實pt8去pt9係可以唔駛過河，但因為過河去會短些，結果過了對面，但之後要過要找番條橋過對面打pt9返而仲慘，又有教訓啦！
Pt9去pt10係條大long leg，吸收了之前教訓都好左，pt11個point 係位於黑暗之地，去到差不多位置，比我見到夫人，見佢周圍找，於是都知唔係前面，我再向左面望了一望，在黑暗中，比我見到個point，好在視力還好，否則都見唔到個point。Pt11去pt12都唔係大問題，但去pt13就好似冇睇圖，跑了條絕頭巷，仲要比夫人影左相＝＿＿＝。
之後去的地方都有與夫人相遇，唉！有人陪行，連圖都唔係好想睇，pt18係跟夫人打的。
打完仲唔知死，亂跑去終點，結果又要跑返轉頭打終點。去到終點，休息了一會，但又落起大雨，又休息多一會。在終點，有班小朋友，同佢地一齊影相，班小朋友好得意。等了一回見到小黑，結果就跟埋佢返賽事中心啦！
途中，夫人話我們似唔似被工作人員救的賽員～如果冇人問，周圍班人見到我倆跟小黑回來，仲以為我們因迷路而要帶回賽事中心tim~!由於在途中買了罐汽水飲，好似好憂閑咁～結果就比人問是否放棄賽事啦～當然我係唔會 ＝＿＿＝
等了一回，有九成的賽員都回來，結果我們也去食飽飽先！我們一台5人叫了一碟炒河粉，一碟番茄炒蛋，一碟青菜炒肉片，後加一碟涼瓜炒蛋及炸蛋後，食得都好飽，點知埋單先知道每人6蚊人仔，講出來都冇人信。
食飽之後，我們就一大班人離開啦，今次回程由另一條路去，花了3小時回到皇崗已經比去程快了。小插曲：
- B佬遲到的原因~佢由深水步去到大欖轉車站，本想搭紅色小巴去落馬洲，點知落起大雨，佢又冇帶傘，忽然突發奇想入元朗搭77小巴。但佢搭左架入天水圍而唔經元朗的車，入到天水圍佢又唔識搭，結果遲大到。其他人健議佢出門口帶多張地圖，或巴士資料，但我話佢帶多把傘已經解決曬啦!
- 由疊北公園入去，大部份都係舊街，最靚的居然係佢地個公共洗手間，但金玉其外，入到去，有兩格，格是開放式(即係冇門) ，而且分格仲係得我三分之一高(即係話你的一舉一動係會比所有人見到)。原全唔慣，我去的時候係要另一位背對背用先安心。
- 之前話呢處係水鄉，但去到見到條河係黑色的，而且全村的橋又唔多，一點水鄉特色都冇．．．．．．
- 我們回程時，一向都會問有冇人未上車，有人未上車請舉手。當然未上車的人係唔會舉到手啦，就係咁以為人齊，結果開車走人，但點知在入高速公路前B佬收到電話話有人未上車，結果我們在收費站入口附近等埋佢，好彩的係我們差少少便上高速公路，那麼便不能再回頭等佢。唔好彩的係，佢要乘的士去到收費路口上車。蔡琪話佢知道邊個未上車~因為佢地同一張桌食飯。但開車時佢又唔講，我覺得好好笑！
- 在回程時的車上播放了一些陳百強的音樂碟，由於電視螢幕細，都唔係好睇清螢幕中的人物是否陳百強，結果有人就話歌是陳百強唱，但演出的人物就是A貨；有人聽到就話演出者唔係A貨，係真人；經一輪討論後，有人建議不再討論～因為沒有結果，各人不再討論．靜了一回，突然又有人又話係陳百強，笑死我！
＜看到張相我才發現，當天我們每個人件衫係唔同顏色，好靚啊！
入到去，已經見到靚到爆的新娘子啦～不過去好忙，都唔去走埋去先，睇下佢地個場先，個場有０的似酒店，佈置都唔錯，不過個台有０的細，應該係加上去的！但個台則有個馬車，我地都有走埋去影影相！開場啦，大家埋位，打開大門只見到個新郎走入來，原來新娘子由個台升上來啊～但要佢著住條裙同高根鞋去落條樓梯就有難度啦～佢都行得唔穩，心想如果係我，我都已經出醜啦～！