但係之後再出來才發現原來亞源佢咁早在廚房，原來只係煮比自已食．．．可惡到極！
可憐的我地，係要等呢位人士食飽啦，我地至有得食．．．咦？點解好似身份調轉左ga ??
之後我們確定“只係拎早餐出來的人是亞源”！一講到呢part 源兄個樣開始唔滿意la wo !
吃飽之後，我地在個靚靚露台前面影張大合照，就開始搭車去比賽啦！
我地在巴士站送別了亞源後，便搭的士去賽事中心啦～
今日的賽事中心係南門，我們七人分兩架的士去，原本打算我，B＆Kit一輛的士，另外4人又一架，無啦啦臨開車時，Bruce又上左車，笑死我同B，因為佢又一次唔理佢老婆上左車，這刻又令我想起上次在大棠幫手的時候，我同夫人架車仲有一個位，點知夫人居然叫左查理斯都唔叫佢老公跟車一樣～佢兩個就真係呢．．．
等齊人啦，可以入去啦～去到大閘門口，呢班大鄉里又要影相！
短距離的賽員須知話要著護腿，但去到大部份人都冇咁做（跑完之後我都後悔聽佢講）我係YAOC內最遲出個位，其實後面仲有Jason，所以出發的時候，大家都走得七七八八。
其實我唔係好喜歡Start呢個場地，因為除了我頭頂有樹枝頂住之外，相的右面其實仲有好多大石阻礙賽員出發，有危險！其實上返少少，幅地平坦些，空曠些咪仲好！
一開始，我都好似好順咁，但係跑跟本唔係我專項，我可以跑，但點跑都唔係快個種！基本上全程都冇lost到，但係由於好多時候我都係跑大路，唔係跑外圍，故此比人慢了很多，而且成日都好似未適應張圖咁樣!
pt.1-pt.11都好暢順，去到 pt.12時，無啦啦前面位賽員比人捉住左，我約聽到佢話叫佢唔好入禁區～我於是望一望張圖，無呀～付近邊有禁區呢！（因為我當時淨係以為用紅線斜間才是禁區～完全忘記了鴨屎綠都係係公園賽禁左），所以我見前面班人都咁樣路線去，我又跟佢地咁樣路線去tim~!（佢冇理由咁多個一齊DQ卦！）之後都冇乜特別，只不過臨尾個幾個point的code係順次序去，所以好好記！但係我依希記得最後應該還有一個point，就係咁，我突然間迷失了！去到尾二個point之後望左兩次圖，再等多一等，睇清楚先知道原來就係前面個100結果，我又慢了！
但係有樣野就係大家都好擔心會比人DQ，因為原來跑的時候大家都唔記得左公園賽入面鴨屎綠係唔係得ga…故此我都好擔心～因為我跑緊的時候的確見到有人被人捉住了！那麼我與他也是同路，唔通我都會！？
(當成績一出的時候. 我地都走去睇下有冇比人DQ)
當然唔抵可憐啦~你看文太佢隻腳傷成咁今日都繼續完成埋場比賽，佢呢d冇病冇痛走去自殺～文太好野～！
接著大會終於派圖啦～不過有點兒亂呀！
睇睇張圖先!
講完場比賽，大家都去看看有乜好野買先！
大家買完野影埋張大合照，就要轉移地點啦！
跑完上午，下午的百米要轉移到另一地點，故此我們也在外面吃點東西，一路行都有人影，真好呀～！
在兜兜轉轉了好多間食店後，最終我們揀了麵店。
我叫左個牛肉麵餐，有個牛肉麵，一碟牛肉同埋配菜，但係我真係唔想食得太飽，因為下午仲要跑，我唔想胃痛。就係咁，佢地又話我浪費食物啦！
食飽之後，我地又行返入去，進行下午的百米賽啦！
沒有留言:
張貼留言