LONG VACATION

又開始我的復活節long vacation了！有成個幾星期假可以點用呢？基本上放假最後個兩日都會返一返工作室，因為仲有27號個場！有假不如去去旅行，但呢個時勢，都係唔好係黃金時間浪費金錢，留番０的非黃金假期去做流浪漢都未遲！（不過我都幾羡慕我細佬，佢今日又去左四川做義工啦！佢都好長情，每次都去唔少呢０的地方，除左心態之外，我諗個機構(worker)要做得好好至得－細佬佢一直都跟緊“B仔記”－有關國情交流的小組，數數手指都三四年啦！每年有乜大節，佢都跟/自組義工團北上，或許這已經成為了他生活上的一部份）。

至於我的假期除了一些基本活動外，這個假期就繼續我的JC大計。我相信每個人都有一個夢想，但又有幾多人真係為夢想而努力過呢？或者現實生活往往會形成無數的限制，不能成事，又或者因應生活的轉變而改變了最初的想法，老了的時候總會羡慕他人。JC都係我由中學開始的夢，直至現在都出左唔少作品，定向衫都有一件，不過做左短袖，出過一次場，就已經再不見天日了！明天都會再去一去長沙灣再揀一揀材料！

（以下內容都係之前想打的，但因為實在太忙啦，只好現在才抒發下啦）還記得早前有單議員粗口事件，坦白講，我對呢某些人士都持有偏激的態度，成日都冇事生事，前排四月一日我那邊個個都係咁，話說我屋企隔離的西鐵站客戶服務中心係設係我屋企那邊出口（簡稱東面出口），住西邊的人要客戶服務，都要去到東邊，結果三月開始試行將東邊移到中間，但個班“自稱為民請命的士”開始不滿，簽名行動抗議，話改了地點對東邊人士造成不便，結果四月一日仲成班人坐在門口抗議.我返工路過，見到佢地的行為忍唔往講左一句“唔通行多幾步方便其他人唔得呀！”係，我就係唔明佢地點解會冇呢個想法，唔好冇事生事，做多０的有建樹的事啦！