上星期五放工搭西鐵返屋企 , 當時人不算多 , 但所有坐位已滿坐, 就連門口旁的位置也有人 , 所以我只好站在扶手的位置, 車去了一個站 , 門口旁的人離開了位罝, 我當然自然地走到那個空位 , 因為有塊玻璃傍下 , 而且看窗外的風景也不錯 ......誰不知當我站到那個位置後 , 原本站著的一名印巴藉的男士又再一次過來 , 我當時沒有留意佢, 只看窗外望 , 他越靠越 , 而且還發出聲音 , 我最初以為佢用當地語言談電話 , 但後來才聽到佢話" 靚女 , 叫乜名 ! 叫乜名 ! " (當然我有自知之名既) , 我本身都唔想理佢 , 但佢好似越企越近 , 我最終忍受不了, 結果用我兇恨的目光 , 同佢有一秒的眼神交流 , 由頭到腳瞪了他一下 , 便隨手打電話比朋友 ....(其實我想表示我唔怕佢之餘 , 仲當佢唔存在) , 佢見我講電話 , 開始冇引 , 結果走了 .....
我利用門口的玻璃偷看他的動靜 , 我看到他走到另一邊門 , 動態似對門口的那位女仔又有所行動 , 右手面的一位不斷講電話 , 佢冇得落手 , 左面那位想落手時又剛好到站 , 門打開有人入 , 結果我見佢由門口轉到對坐著的人落手 . 佢站在坐著的一位女仔前面 , 低下頭 , 似不斷說話 , 我見個女仔個樣好似好驚, 但我唔知點樣幫個女仔 (因為得我一個, 我唔知個男的會怎樣向我報復) , 很快到了錦上路站 , 個男襯著西鐵停的一刻 , 整個人扒在個女仔身上 , 我見佢隻手應該摸到個女某些位置 , 個女仔冇出聲 , 周圍0的人都只係望左一眼 , 我忍唔往叫左一句 " 喂! 你想非禮呀 !", 個男人好醒 , 立即話唔小心 , 對唔往 , 之後就跑了出車啦 ! " 我說完後 , 繼續望窗 , 當時有人望著我, 亦有人望著個女仔 , 過了一段子 , 我聽有個大嬸開始與佢身旁的人細語細語 , 我聽不到她們說什麼 , 但我知佢地講緊頭先件事 .......
其實我當時都幾驚 , 返屋企時亦望多兩眼 , 佢會唔會跟踪我 向我報復 ....
最好笑係 , 當我在車上打電話比朋友時(因為要當個賤男唔存在) , 在電話內所有說話也是語無論次 , 個朋友都唔知我講乜 ...^^如果你係我, 你會點呢 ? 你會幫個女仔 ? 你會出聲嗎 ?
沒有留言:
張貼留言