Before it is too late ...

 <被偷走的那五年> 後感

不記得今天與同事談什麼, 開始講起這套電影<被偷走的那五年> ,
結果我回家後, 重新在網絡上再看一次!

還記得我上年去看這套電影時,
在送禮物的那一幕, 居然引起戲院場內一陣笑聲 ..............

當時我沒有在意, 但今天分享時, 才感覺到笑聲只因為他們未能體會那份痛,
如果大家能夠體會故事背後所傳遞的信息, 相信跟愛人一起一定會很快樂!


有愛就及時說出及行動,
Before it is too late ...


若然明知自已心底是愛那個人的話,
就別偷走自己的時間和自己作對 !

這套電影適合吵架, 鬧離婚的要看, 看完再決定!
感情好的要看, 看完再提升!
單身的要看, 看完再想想自已要什麼愛情吧 !

再培訓

 TO : 今天才認識的你

我不能說是100% 做得好, 我也是在學習, 吸收更多經驗, 但是我也沒有遇過這樣的你!
一般, 教練的組合安排都是由定向總會決定! 所以沒有絶對的組合, 大家都在互相認識 !
當然, 一齊比賽過, 合作過的, 有經驗的, 你一個眼神, 就會知道補位!

今天個公園班, 有兩位是熟教, 一位是新教, 當我收到名單時也有一個好奇, 倒底他/她是誰呢?
訓練班負責人都會在活動前發放活動的程序及教練資料給活動中協助的教練!
為確保消息真的能發放, 一般我會在電郵內加多句, “請以電郵/電話/whatsapp回應以確保消息得以接收!

發了三個電郵, 收回兩個回應, 第三個遲遲未收, 結果我決定致電給他了!

我: 你好, 請問你是xxx嗎? 我是xxxxxxx
我: 請問你有沒有收到訓練班的電郵呢?
某人: 有啊!
我: 那為什麼你沒有回覆, 我還擔心你收不到!
某人: 啊, 我很忙!
 (有少少擔心下)我問了一句 : 那你記得星期六的集合時間和地點啊!
某人: 是啊, 三點嗎?
 (心情一沉) 不是, 是二時四十五分! 那集合地點你知在那嗎?
某人: 啊, 請問在那?
我: 荔枝角公園的中央廣場! 知道在那兒嗎?
某人: 不知道, 但我應該找到的。
……

今天下午集合時間到了, 但未見人, 致電了!
我: 教練, 請問你在那?
某人: 我早在30分鐘前到了, 但不知中央廣場在那, 也問了當地管理員, 他們也不知道, 剛問了另一位教練, 向嶺南之風方向行緊!
我: 請問你現在在什麼地方, 我可以即時教你怎樣來到, 露天廣場!
某人: 怎麼 , 我不知道現在在什麼地方, 不過你在電郵說是中央廣場, 我真的找不到, 原來叫露天廣場, 難怪我怎樣也沒有發現! ( 刪下話我的說話)

或許我錯了吧! 中央和露天也指示得不好! 但荔枝角公園真的得一個廣場呢……….

來到了, 開始了! 第一次總要經驗, 還是安排較容易的工作給他協助, 最後奪分式比賽, 一共18個控制點, 三位教練放, 我只給他較近的5個, 結果呢……5個全錯!! 我其實也沒想過會這樣, 幸好另一位教練幫眼跟多一跟, 錯路口, 錯位置, 唔跟提示符號指示…..想點呢? 連提示說角位, 你又掛對面燈柱…. 自已都唔跟, 你點教小朋友去睇提示去找控制點! 而且最慘的是你不知道自己放錯!

其實錯都唔太重要, 只要你肯學, 願意問, 我真的想幫你呢!
最終見他沒有任何表示, 我還是提提他, 你住附近, 不如你拎佢地一張圖得閒過嚟行下啦! 圖地對照好重要!

(當時我心中真的期望著他提問, 只要你問, 我可以花多一小時在這裡帶你Map Walk一次!)

可是想像和現實是不一樣….. 他問了我一句, 是不是次次也是這些控制點位置…………… OMG !! 我回應是, 其實你教得班, 就唔係集中一兩個位!
話畢!

難得我打了這麼多字~不是埋怨或怪責, 但是點解可以咁呢!! 今日班小朋友得六七歲, 應該冇乜野知你錯, 但大仔呢? 成人呢?

認真地去學習吧! 只要肯學, 我估大家是絶不會吝嗇的!

順帶一提, 有經驗的團長, 群仔, 以及成年都拎唔到教練牌上年Lv1人士, 你們快點上來吧!

心有多大, 你的地圖就有多大...

每個人的地圖也不一樣, 有的單色, 有彩色
有些全部都是等高線,

有些全部都是墨綠色

有些全是空曠地
有些更是沼澤地

或許地圖上除了七色外, 可能還有預設的賽程, 你要按著比賽規則去走..... 最終到底終點.

不論地圖怎樣,

但我們總會遇到的是" 到了盡頭了嗎? " 再行便會outmap了!


那時候, 有人會

1. 向前走吧! 順勢把地圖曠大。同時他可能遇到的是... 體力消耗,但仍然在墨綠色中迷糊。

2. 停下來, 看看前面, 再看看周圍,心想會前進的, 但不是現在, 我要有足夠技術才再來向前走。這些人總會較為小心, 害怕受傷,
所以會花很長很長的時間才把地圖曠大。

3. 停下來, 看了前方, 見前路不對,回頭走, 或前其他地方會有更好的路線。這些人明白自已的情況, 但是每每選擇逃避的同時, 你永遠不會知道實際的前方是怎樣。
4. 有些人會停下來，希望前進，但又不敢前進，結果站著等待和他同路的人，當有人出現，信心大了，便一同前進。這些人只是欠了對自己的信心，當有人出現，便可行。但這些人卻不清楚同行者的狀況，他越野能力及技術比你好，你會跟得辛苦，若跟不到，又會繼續等待下一位同行者出現。

現在的我是選的是2, 在沒有足夠準備下, 什麼也不作為, 結果可能是當你準備足夠時, 植被改變了,那又不前進嗎?


那縻你們呢?


我相信沒有絶對正確的答案, 人會不斷轉變的!

只要大家不只活在窄小的百米圖上轉圈轉圈再轉......

兩個人的幸運

" 身處現在的平行線，等待未來的交接點"

 

給未來在我身邊的妳：

已有一陣子沒有跟妳聯絡．
妳好嗎？
妳有好好的照顧自己嗎？
妳知道嗎？
找妳是我人生中的最大的任務．
無論花多少時間，多少困難，我也會找到妳的．

如果可以的話...
請妳不要常常走得那麼快...
妳可否停一下來看看在妳身邊另一條平行線．
一條一直努力改變方向的平行線．
希望在妳眼中，可以變成了一條只向著妳的斜線．
在我們的未來跟妳擁有同一個交接點．

前兩天, 在網上看見一封情信, 信件是一位筆者寫給等待中的愛人, 坦白說, 我不認識作者, 但是我相信每一位人士看到他的信件, 也會有感動的感覺!

 就在這, 我忽然想起了, 原來我也曾經那般感性過. 相片和相片中的文字是我兩年前的, 看完別人的東西後, 不禁讓我想起我的相片, 這樣放在一起也很夾呢!

記憶中, 是梁詠琪的向左走向右走中的那首歌, 讓我給相片變得感性. 現在再聽, 還是那種感覺。 兩個人的幸運

是, 我回來了 !

Sorry . I am late but I am back !

看看, 原來已經好一段時間沒有當初那份衝勁,
感覺好像做了兩年facebook奴僕一樣, 分享, 數like , 再看人分享,
現在工作地點轉了, 地點近了, 返工時間舒服了, 但是我地偷懶了,

平時10時上班還好, 但是一改9時或9時半, 我便要去乘的士,
這一年, 我已經沒有從前執著去堅持運動, 但賽事後又總會抱恕自已輸在體能下.
一下子, 我發現從前的我消失了一整年,

對不起, 我發現的太遲, 我或許想再起動, 明天放假, 早起去跑步吧~食個靚靚早餐,

我要回來了!

MSN的日子~再見了...^^.

一直以來, 我也不會在辦公室內開啟MSN ，因為我知道， 只要一分心去那裡， 我便無法工作， 而且若被人發現， 我一切的專業形象(其實都冇乜)也全部化為烏有，更再難建立回來 ! 所以， 當有人問我 Julie 點解 MSN唔見你的， 我只有說”工作期間， 我不會用的! ”








但心水清的人仔也知道由3月1日至4月14日， 在我辦公的時間內， 在 MSN 的名單中,總會看見我 Online….. 以前工作上有任何頭痛的地方時， 我總會喜歡走出房間在外面走一走，看著別一打籃球， 喧嘩， 看看花花草草， 心情好了， 又再回到工作崗位上。



但近幾個月總有一點麻煩事， 但又不能出外走走，唯有在心靈上外遊一趟吧~結果我破戒了 !







不過唔 Online 過都唔知道， 其實實際上線的人數也不多，得十幾個 ( 可能係我朋友少)， 其實感覺有點奇怪， 因為明知別人是上班的， 突然間找他們來談談無聊事，總好像防礙別人工作的， 所以成日也只可以找一些無所事事在家中的人來吹吹水 !



當然,，沒什麼好談的時候， 便找其他工作中的人仔談一句兩句~







談過什麼呢……..mmm 旅行後記、交通、食物、攝影等等……………看來我真的無目標的談呢~!



　　　　　　



不過漫長的復活節假後, 生活也正常了, 一點零亂的問題好像順暢了。MSN 的作用相信也不太重要了, 這1個月零14天, 上班用MSN的日子,再見了 !



P.S. 或許早前工作上的確有點亂，連老細也留意到吧！在他連續十多天的復活節假期間買了一份小禮物給我作打氣呢！^^

雨季的比賽來了-鶴藪色級賽

唔覺唔覺, 呢場係今年最後一場色級賽, 不過又畫上一個唔完美的句號!


昨晚半晚, 個天突然翻起大雨雷電, 心知今天天氣應該不妙! 天啊! 別玩我啦 !

點知第二日起身, 看看電視機~啊 !「雷暴警告現正生效」

起初我都已經打輸數, 所以個背囊乜都未執, 點知之後收到 Habour電話問現在應該去唔去好?佢話個雷好似話掛到8:30, 而且會長同夫人都已經出左門口, 為了幫助呢位問題少女, 於是我打電話去大會問, 問的結果係"只要個雷在早上10時前取消, 場比賽照常舉行 " 不過可能係我聽錯, 我聽到佢地話10:30前....所以我就立即將呢個消息發佈予全世界啦~!

最終個雷於8:30取消了, 而我, Habour & Thy由粉嶺搭小巴入去, 架小巴基本上有90%係去鶴藪玩定向的參加者。於是亞梅同小巴司機講我地去邊啦 :

梅 :　”司機, 唔該尾二站落　! ”

司機：　又係尾二站?我都唔知邊度係尾二站?

．．．．．

唉! 我都唔明份賽員須知點架,… 無啦啦叫賽員尾二站落實~咁即係邊呀, 就係咁, 所有賽員都只係識得講”司機唔該尾二站落車! ”

落車之後, 仲要行得好遠, 風大雨大, 我地就係咁行去啦~! 結果我把”遮”好快就會報消~我其實我鐘意呢把”小飛俠遮”…

去到賽事中心, 原來都有人來玩, 最初還以為YAOC得三四個人仔來跑 , 點知去到見到............好多義氣仔女都係度(唔出現個d已經比人話冇義氣啦! ), 簡直難以置信 !

不過, 由於大部份人都已經準備好,佢地又叫嚷要出發, 結果我乜都未準備好就跟左佢地去啦 !

佢地一開始都話係集體出發, 而且仲帶備成個安全物資 包括“雨遮, 能量糖 , Energy Bar, 水 , 電話 , 相機 , 仲有一張後備地圖….” 唔通夫人佢地真係諗住係個山上面一日一夜??由於大家一開始話集體出發, 所以大家都開開心心咁樣...一齊去啦 !

由起點去pt.1, 我地都可以一齊去, 不過真係唔係好慣呢個速度, 而且我都聽到朱仔話"我地呢個速度, 2個鐘頭應該玩唔曬"! 結果打完pt.1, 我地呢3個人(相內圍圈個3個)已經始計劃點樣去pt.2啦 !

大家去完pt.1之後呢……大家都好狠狽咁過河,先是朱仔一口氣跳左過去, 之後亞源又學人跳, 但當然佢個身形…….結果佢”行”過去條河度啦!

而我呢由另一邊都過左對面, 過左對面的朱仔, Dennis和源就起勢咁走左啦, 我見狀都跟埋去, 而且在背後還聽到夫人在過河時大叫, 仲大叫我們我冇義氣! 聽到佢的叫聲, 我地返而仲跑快兩步!

不過跑跑下, 我地都開始行啦~不過朱仔一句:”夫人好快追到來啦! ” 我地就好似遇到猛獸咁, 好驚, 而且仲跑得好快 !

但係去到pt.4的附近, 我地開始諗到底由大路去好, 定係由沼澤去好呢? 結果看到一班人也在沼澤上行過, 所以我們也決定試一試, 不過我地好似揀錯路…..於是行返轉頭, 結果就遇到了夫人佢地啦! 由於沼澤的距離較大路去短好多, 朱仔和Dennis就決定由沼澤去, 而我們就由大路去, 結果我地係一齊去到個pt.2, 打完pt.2, 由於我剛才由大路去已經遇到pt.3位置的廢屋, 所以朱仔, Dennis , Martin和我都好快咁去埋pt.3啦! 出pt.3時, 遇到Clive, 嘩 ~連佢都有到!

打完pt.4 , 我地去到pt.5(即山頂個位) 打完point 後 無啦啦打起大雷, 突然間好似有閃光燈在身邊的感覺, 嘩!我唔想死呀, 於是我同Martin都見狀立即蹲低, 而且我仲大叫 “朱仔, 快0的蹲低呀!”

大家蹲下呆了一會後, Martin突然講起, 閃電係快過雷聲, 所以閃電完左, 應該安全少少, 所以我地都加快腳步落山! 而且還打算放棄比賽, 回終點了! 在落山途中, 我們遇見正在上山的Bruce和源, 於是我們地叫埋他們一起回去了,因為天氣十分惡劣! 結果大家也回去了, 而且在途中見一個都叫一個返去啦~!

之後, 大會正式宣佈”賽事正式告終’

在回程的途中, 我遇見幾位不知死活的小朋友, 故此都喝止他們並叫他們回去, 看到他們的情況有點可憐, 心裡也有點佩服他們居然繼續比賽, 於是將手上夫人的雨傘也借了給他們, 本來我借了傘後,想跟夫人他們一同快快離開, 但回頭看見他們狠狽的樣子, 心有不忍, 於是再問多幾句之際, 回頭一看夫人佢地班人已經捨棄了我, 走了! 我唯有繼續照顧著那群小孩, 而且當中有人已經開始發冷, 本身我也是溫柔的對他們說話, 但當我發現原來他們是壁峰六班幼童軍時, 我立即連語氣也變了~這是童軍領袖的天性, 立即叫他們快步回去, 但是他們依然行得好慢!!!! 行行下, 後面大大梁和Habour也到了, 他們也是有人性的, 所以也陪我和那群小朋友一同回去!

有氣有力的小朋友當然叫佢地行快兩步啦, 但是行得累的也是要行, 硬的唔得,開始用軟功啦 ! 因為時間越耐, 身體就越凍! 當時我還記得我拿著地圖和指南針的手已經凍到彊硬了! 幸好, 我們也回到終點 !
返到去, 見到大家, 終於安全啦 ! 全身都濕 , 估唔到仲笑得出 !

不過已經凍到死, 在等候成績下載時, 我凍到起埋”雞皮”, 而且打算問St. John的人借毛毯, 個救護員本身都想理我 ga …但呢一刻,

Julie對救護員說: 「唔該, 請問有冇熱飲/毛毯借呀? 我好凍, 你睇我起曬”雞皮”啦 」

我前面個位Habour對救護員說:「你唔使理佢!」

接著我後面個位Clive又對救護員說:「你都唔使理佢, 通常講到野gei, 都應該冇事ga! 」

……………………………

就係咁, 個位救護員就走左再唔理我啦! 不過我換左件面衫之後仲係好凍,所以最終都行返去問佢地借毛毯, 不過佢地話, 我走的時候係要還ga….

當然個一刻, 我凍到咁, 點還呀~所以走的時候叫佢地借我帶走, 而且答應歸還的, 他們本來也不外借, 因為還有可能有其他有需要人士使用, 但是在我再三要求下, 他們最終准許我帶它走:

對話詳情參看荔枝莊紀錄

由於夫人見狀也要毛毯暖一暖身. 所以我們就成了一個孖人….但係張相令我有種不安的感覺……

兩個”弄弄盡盡”的人一齊行, 結果就係咁……

"點解把遮都遮唔到我 ! " .."你拎丫, 把遮咁鬼重", "唉呀~我跌膞啦! " , "我拎著毛巾, 前面又有個袋, 好辛苦呀" ....."你幫我拎一拎, 我隻手抽筋啦" , "我個邊的毛巾跌啦"..........

結果連Habour都忍唔住要過來幫手 ! 之後我們也來張大合照 !

不過合照之後, 我地又繼續"弄弄盡盡" !!!

所有有車的人都一早走曬, 餘下的人只有慢慢行出大路, 一路行, 我都一路諗, 我其實係咪要拎個車牌好d呢?何況又唔係冇車? 由於我一向對交通路線冇任何的方向感, 加上我擔心我出到去都唔認睇個d指示牌, 所以我一直都冇學, 加上三年前單交通意外, 所以一直都冇再有此打算.....

呢張相 , 笑得咁燦爛, 全靠亞源 , 不過唔係佢的笑話好好笑, 而係因為佢昨天的故事好笑......"緣份呢樣野,冥冥之中係有主宰gei,有d野係你gei, 始終係你gei ...哈哈"(亞源見到呢段野, 唔好講粗口呀! )

去到大路,見到呢個情況…………..

而且架小巴係每半小時至有一架, 每架16人,咁即係我地要第四架/第五架才輪到我地,即係話兩個鐘頭的事………而且我地都有諗過Call的士, 但係的士台回應一句...."冇的士" !!! 呢個時候, 夫人收到一位無良人士的電話, 佢話要將自己的"快樂"與正在受苦的我們分享wo~!

結果等了1小時再多,2小時差唔多,我們也上車了, 但是十分狼狽 ! 結果我們去了聯和墟體育館沖涼, 之後去食埋野就已經4點幾啦 !!!! 而會長今次又漏左隻手錶…在體育館內呢 ~ ?!

由於我之前去過華山, 所以由聯和墟返粉嶺火車站我都有印象, 不過同行者亞源佢當然唔信我識路啦~

所以佢一路行, 一路問人火車站點去,結果有位亞叔話佢知”直行過對面馬路, 見到條村之後入小徑行, 直去就到” 。當我聽到入"小徑",就已經唔係好信, 因為我記憶中一直都係行大路,而亞源呢, 佢唯有跟我一齊行, 但係就一直對亞叔講的小徑好有興趣…

最終5點多才到..但係又唔係好累,而且又冇乜點唔舒服---唔通蠢材真係唔會病gei ???…但要面對d”污h糟衫”又頭痛啦~!

其實我又唔係真係怕落雨, 不過打雷就免啦!

今日有少少失望的感覺.....但係將來講起鶴藪, 我諗我都會記得今日gei ...