美麗．因為心仍在跳動！

MSN的日子~再見了...^^.

2010-04-15T14:53:00.000+08:00

一直以來, 我也不會在辦公室內開啟MSN ，因為我知道，只要一分心去那裡，我便無法工作，而且若被人發現，我一切的專業形象(其實都冇乜)也全部化為烏有，更再難建立回來 ! 所以，當有人問我 Julie 點解 MSN唔見你的，我只有說”工作期間，我不會用的! ”

但心水清的人仔也知道由3月1日至4月14日，在我辦公的時間內，在 MSN 的名單中,總會看見我 Online….. 以前工作上有任何頭痛的地方時，我總會喜歡走出房間在外面走一走，看著別一打籃球，喧嘩，看看花花草草，心情好了，又再回到工作崗位上。

但近幾個月總有一點麻煩事，但又不能出外走走，唯有在心靈上外遊一趟吧~結果我破戒了 !

不過唔 Online 過都唔知道，其實實際上線的人數也不多，得十幾個 ( 可能係我朋友少)，其實感覺有點奇怪，因為明知別人是上班的，突然間找他們來談談無聊事，總好像防礙別人工作的，所以成日也只可以找一些無所事事在家中的人來吹吹水 !

當然,，沒什麼好談的時候，便找其他工作中的人仔談一句兩句~

談過什麼呢……..mmm 旅行後記、交通、食物、攝影等等……………看來我真的無目標的談呢~!

　　　　　　

不過漫長的復活節假後, 生活也正常了, 一點零亂的問題好像順暢了。MSN 的作用相信也不太重要了, 這1個月零14天, 上班用MSN的日子,再見了 !

P.S. 或許早前工作上的確有點亂，連老細也留意到吧！在他連續十多天的復活節假期間買了一份小禮物給我作打氣呢！^^

雨季的比賽來了-鶴藪色級賽

2010-02-07T23:02:00.000+08:00

唔覺唔覺, 呢場係今年最後一場色級賽, 不過又畫上一個唔完美的句號!

昨晚半晚, 個天突然翻起大雨雷電, 心知今天天氣應該不妙! 天啊! 別玩我啦 !

點知第二日起身, 看看電視機~啊 !「雷暴警告現正生效」

起初我都已經打輸數, 所以個背囊乜都未執, 點知之後收到 Habour電話問現在應該去唔去好?佢話個雷好似話掛到8:30, 而且會長同夫人都已經出左門口, 為了幫助呢位問題少女, 於是我打電話去大會問, 問的結果係"只要個雷在早上10時前取消, 場比賽照常舉行 " 不過可能係我聽錯, 我聽到佢地話10:30前....所以我就立即將呢個消息發佈予全世界啦~!

最終個雷於8:30取消了, 而我, Habour & Thy由粉嶺搭小巴入去, 架小巴基本上有90%係去鶴藪玩定向的參加者。於是亞梅同小巴司機講我地去邊啦 :

梅 :　”司機, 唔該尾二站落　! ”

司機：　又係尾二站?我都唔知邊度係尾二站?

．．．．．

唉! 我都唔明份賽員須知點架,… 無啦啦叫賽員尾二站落實~咁即係邊呀, 就係咁, 所有賽員都只係識得講”司機唔該尾二站落車! ”

落車之後, 仲要行得好遠, 風大雨大, 我地就係咁行去啦~! 結果我把”遮”好快就會報消~我其實我鐘意呢把”小飛俠遮”…

去到賽事中心, 原來都有人來玩, 最初還以為YAOC得三四個人仔來跑 , 點知去到見到............好多義氣仔女都係度(唔出現個d已經比人話冇義氣啦! ), 簡直難以置信 !

不過, 由於大部份人都已經準備好,佢地又叫嚷要出發, 結果我乜都未準備好就跟左佢地去啦 !

佢地一開始都話係集體出發, 而且仲帶備成個安全物資包括“雨遮, 能量糖 , Energy Bar, 水 , 電話 , 相機 , 仲有一張後備地圖….” 唔通夫人佢地真係諗住係個山上面一日一夜??由於大家一開始話集體出發, 所以大家都開開心心咁樣...一齊去啦 !

由起點去pt.1, 我地都可以一齊去, 不過真係唔係好慣呢個速度, 而且我都聽到朱仔話"我地呢個速度, 2個鐘頭應該玩唔曬"! 結果打完pt.1, 我地呢3個人(相內圍圈個3個)已經始計劃點樣去pt.2啦 !

大家去完pt.1之後呢……大家都好狠狽咁過河,先是朱仔一口氣跳左過去, 之後亞源又學人跳, 但當然佢個身形…….結果佢”行”過去條河度啦!

而我呢由另一邊都過左對面, 過左對面的朱仔, Dennis和源就起勢咁走左啦, 我見狀都跟埋去, 而且在背後還聽到夫人在過河時大叫, 仲大叫我們我冇義氣! 聽到佢的叫聲, 我地返而仲跑快兩步!

不過跑跑下, 我地都開始行啦~不過朱仔一句:”夫人好快追到來啦! ” 我地就好似遇到猛獸咁, 好驚, 而且仲跑得好快 !

但係去到pt.4的附近, 我地開始諗到底由大路去好, 定係由沼澤去好呢? 結果看到一班人也在沼澤上行過, 所以我們也決定試一試, 不過我地好似揀錯路…..於是行返轉頭, 結果就遇到了夫人佢地啦! 由於沼澤的距離較大路去短好多, 朱仔和Dennis就決定由沼澤去, 而我們就由大路去, 結果我地係一齊去到個pt.2, 打完pt.2, 由於我剛才由大路去已經遇到pt.3位置的廢屋, 所以朱仔, Dennis , Martin和我都好快咁去埋pt.3啦! 出pt.3時, 遇到Clive, 嘩 ~連佢都有到!

打完pt.4 , 我地去到pt.5(即山頂個位) 打完point 後無啦啦打起大雷, 突然間好似有閃光燈在身邊的感覺, 嘩!我唔想死呀, 於是我同Martin都見狀立即蹲低, 而且我仲大叫 “朱仔, 快0的蹲低呀!”

大家蹲下呆了一會後, Martin突然講起, 閃電係快過雷聲, 所以閃電完左, 應該安全少少, 所以我地都加快腳步落山! 而且還打算放棄比賽, 回終點了! 在落山途中, 我們遇見正在上山的Bruce和源, 於是我們地叫埋他們一起回去了,因為天氣十分惡劣! 結果大家也回去了, 而且在途中見一個都叫一個返去啦~!

之後, 大會正式宣佈”賽事正式告終’

在回程的途中, 我遇見幾位不知死活的小朋友, 故此都喝止他們並叫他們回去, 看到他們的情況有點可憐, 心裡也有點佩服他們居然繼續比賽, 於是將手上夫人的雨傘也借了給他們, 本來我借了傘後,想跟夫人他們一同快快離開, 但回頭看見他們狠狽的樣子, 心有不忍, 於是再問多幾句之際, 回頭一看夫人佢地班人已經捨棄了我, 走了! 我唯有繼續照顧著那群小孩, 而且當中有人已經開始發冷, 本身我也是溫柔的對他們說話, 但當我發現原來他們是壁峰六班幼童軍時, 我立即連語氣也變了~這是童軍領袖的天性, 立即叫他們快步回去, 但是他們依然行得好慢!!!! 行行下, 後面大大梁和Habour也到了, 他們也是有人性的, 所以也陪我和那群小朋友一同回去!

有氣有力的小朋友當然叫佢地行快兩步啦, 但是行得累的也是要行, 硬的唔得,開始用軟功啦 ! 因為時間越耐, 身體就越凍! 當時我還記得我拿著地圖和指南針的手已經凍到彊硬了! 幸好, 我們也回到終點 !
返到去, 見到大家, 終於安全啦 ! 全身都濕 , 估唔到仲笑得出 !

不過已經凍到死, 在等候成績下載時, 我凍到起埋”雞皮”, 而且打算問St. John的人借毛毯, 個救護員本身都想理我 ga …但呢一刻,

Julie對救護員說: 「唔該, 請問有冇熱飲/毛毯借呀? 我好凍, 你睇我起曬”雞皮”啦」

我前面個位Habour對救護員說:「你唔使理佢!」

接著我後面個位Clive又對救護員說:「你都唔使理佢, 通常講到野gei, 都應該冇事ga! 」

……………………………

就係咁, 個位救護員就走左再唔理我啦! 不過我換左件面衫之後仲係好凍,所以最終都行返去問佢地借毛毯, 不過佢地話, 我走的時候係要還ga….

當然個一刻, 我凍到咁, 點還呀~所以走的時候叫佢地借我帶走, 而且答應歸還的, 他們本來也不外借, 因為還有可能有其他有需要人士使用, 但是在我再三要求下, 他們最終准許我帶它走:

對話詳情參看荔枝莊紀錄

由於夫人見狀也要毛毯暖一暖身. 所以我們就成了一個孖人….但係張相令我有種不安的感覺……

兩個”弄弄盡盡”的人一齊行, 結果就係咁……

"點解把遮都遮唔到我 ! " .."你拎丫, 把遮咁鬼重", "唉呀~我跌膞啦! " , "我拎著毛巾, 前面又有個袋, 好辛苦呀" ....."你幫我拎一拎, 我隻手抽筋啦" , "我個邊的毛巾跌啦"..........

結果連Habour都忍唔住要過來幫手 ! 之後我們也來張大合照 !

不過合照之後, 我地又繼續"弄弄盡盡" !!!

所有有車的人都一早走曬, 餘下的人只有慢慢行出大路, 一路行, 我都一路諗, 我其實係咪要拎個車牌好d呢?何況又唔係冇車? 由於我一向對交通路線冇任何的方向感, 加上我擔心我出到去都唔認睇個d指示牌, 所以我一直都冇學, 加上三年前單交通意外, 所以一直都冇再有此打算.....

呢張相 , 笑得咁燦爛, 全靠亞源 , 不過唔係佢的笑話好好笑, 而係因為佢昨天的故事好笑......"緣份呢樣野,冥冥之中係有主宰gei,有d野係你gei, 始終係你gei ...哈哈"(亞源見到呢段野, 唔好講粗口呀! )

去到大路,見到呢個情況…………..

而且架小巴係每半小時至有一架, 每架16人,咁即係我地要第四架/第五架才輪到我地,即係話兩個鐘頭的事………而且我地都有諗過Call的士, 但係的士台回應一句...."冇的士" !!! 呢個時候, 夫人收到一位無良人士的電話, 佢話要將自己的"快樂"與正在受苦的我們分享wo~!

結果等了1小時再多,2小時差唔多,我們也上車了, 但是十分狼狽 ! 結果我們去了聯和墟體育館沖涼, 之後去食埋野就已經4點幾啦 !!!! 而會長今次又漏左隻手錶…在體育館內呢 ~ ?!

由於我之前去過華山, 所以由聯和墟返粉嶺火車站我都有印象, 不過同行者亞源佢當然唔信我識路啦~

所以佢一路行, 一路問人火車站點去,結果有位亞叔話佢知”直行過對面馬路, 見到條村之後入小徑行, 直去就到” 。當我聽到入"小徑",就已經唔係好信, 因為我記憶中一直都係行大路,而亞源呢, 佢唯有跟我一齊行, 但係就一直對亞叔講的小徑好有興趣…

最終5點多才到..但係又唔係好累,而且又冇乜點唔舒服---唔通蠢材真係唔會病gei ???…但要面對d”污h糟衫”又頭痛啦~!

其實我又唔係真係怕落雨, 不過打雷就免啦!

今日有少少失望的感覺.....但係將來講起鶴藪, 我諗我都會記得今日gei ...

09/10第三場排名賽-賽事篇

2010-01-31T23:46:00.000+08:00

今日係第三場排名賽，地點係西貢昂平，這是我本年度的尾二一場，即係話如果要留低，呢場唔可以失，但可惜，我往往都因為一時唔冷靜而抱憾終生呢．．．．點解呢個年頭，我都係咁唔清醒ga!!!!!

昨晚出席完 Ivan & 小梅的Para-Para之夜，今朝一早6點鐘就要起身準備出發，今日好彩有位「超級好人、高大威猛、英俊蕭灑、聰明絕頂、IQ爆棚、EQ爆燈、人見人愛，車見車載的型男」亞 John兄大義幫助，結果我地可以8點到抵賽事中心（比賽前的事，請參看賽前篇）。

S.P. - P.2

WE組內，我是第三位出發的，第一位係 Iris，第二位係小梅，真的好有壓力，由於我們是每隔兩分鐘出發，所以出發時前面個位都已經唔知跑左去邊，但一開始，見前面兩位毫不考慮地走小徑，於是我 set map 之後，我就向前跑啦！

點知起跑冇耐，我開始發現呢條路距離個控制點原來好遠ga...望望地圖，再望望地形，遠遠見到個point啦～之後仲見到小梅同Iris原來都未找到個point, 由於我們3個都在同一個point出現, 所以未出發的賽員就可以好快知道第一個point出邊啦!

打完point1沿小徑去pt.2, 但由於太多石在地上,結果我PK跑跑下跌了落地, 痛死, 幸好左手肋上星期玩Rogaine時受了傷,仍貼上大大膠布, 所以今次又跌, 張厚膠布仲頂得住! 跑出小徑, 終於比我發現另一個光景~四周圍都係草地! 忘不及欣賞之際, 開始望對面山的pt.2, 並找能夠穿過綠林的路, 結果我和小梅都順利打完pt.2向pt.3進發啦! 而我和小梅就在這裡正式分開啦 !

Pt.2- Pt.3

我打完pt., 睇好圖, 就一支箭咁穿過樹林, 沿小徑一直去!

一直我都唔知自己行個條路原來地圖上面係唔存在的，我一直沿小徑行，點知行行下見到Ivan，見到石　好奇怪，誤以為係地圖上面那個位置，點解唔係崖壁呢？所以我都問　Ivan多句，呢d係咪叫石　，Ivan答我”係”！之後行行下見到個沼澤啦！於是我立即跳過去，還以為自己好快會見到pt.3．．．點知沿竹林的小路去愈行愈唔對路，於是用指南針又好似唔係差好遠，結果我一直行，直至我發現前面根本冇個Camp site．死火！我當時真係唔知自已係邊，立即返轉頭，過了個沼澤再向前行少少，比我發現個空曠地，但係我望張地圖係冇空曠地呢個地方（見舊圖會發現空曠地）！結果我在唔知那個地方兜兜轉轉，最失敗的時候，比我遇到小梅，我還以小梅緊之後的控制點，但原來她和我一樣"迷路"！我地唔知點樣兜兜轉轉，結果比我地見到個真的沼澤啦～而且仲有賽員經過～應該係真的啦！

呢段路，我跑完之後都唔知自己去左邊？因為地圖上面根本冇路，而且又冇空曠地，死心不息的我（其實係事事求真的我）找了張舊地圖望下，點知比我發現．．．新圖上消失的小徑和空曠地．．．聞說有人話那些小徑被定義為牛路，所以沒有加上，但條路基本上闊到兩個人行都得，點解被定義為牛路呢？而且點解個空曠地會消失ga...?　（我心裡面一直都質疑，到底個繪圖員係咪真係去過ga...）, 基於利益歸於賽員的情況下，我呢50分鐘的迷路全部歸咎於個繪圖員唔認真而害我的。

Pt.3-Pt.5

其實一直都係沿路去, 所以冇乜特別, 不過進入pt.5時, 我遇到出pt的亞B, 佢係最後出發個幾位...想起剛才冇左的50分鐘, 真係想哭 !

Pt.5-Pt.7

之後打完Pt.5就沿麥徑去pt.6啦~去的途中, 遇見已經打完pt.6的亞John同飯, 佢地由大路去, 咦~由大路去係咪快d呢?

不過打完pt.6我都冇由大路去, 因為我知道我都係"行"到去速度應該差唔多, 而且行大路仲遠.....穿過了樹林後, 又出返大草地, 呢個時候我遇見返亞B, 另外仲有有氣有力的Leon, 之後仲遇見夫人, 我諗佢迷緊路, 因為佢一聽到別人講緊"依家係邊個位置時, 佢已經二話不說問人"依家"係邊。我同夫人之間有條好深的戰壕, 而且個位都闊, 我呢個時間已經冇左半條命, 咁鬼闊, 夫人仲叫我跳過去, 幸好小梅叫我行去佢個邊過去, 否則, 我跌落去的話, 又會成為一時笑話 !!

去pt.7之前, 都要去一去水站, 個水站工作人員話, 記得打point呀~我心諗, 我仲有排先打point呀......經過了水站, 是上山的路, 其實我當時好清楚知道爬上兩個山之後先到pt.7, 但係我諗我已經個大腦冇乜氧氣啦, 本身都知前面個山才到pt.7, 但唔知點解, 無啦啦唔記得左, 而且仲好似唔知自己係邊(死啦~點解我會變成咁) , 周圍望之餘, 仲好似好迷失~結果見Clive剛剛在我身邊閃過，原全無助之際，我終於開口啦～我遠遠高呼”Kai 虎你去邊呀？”我遠遠見佢舉起"7"呢個樣～我才清醒返，係喎，我跟本未到！（如果要問我點解個一刻會失憶，我都唔知道！）

而且呢一刻，仲發現比人影左相．．．．

係相呢一刻，我和虎的距離都好遠，但唔知係佢行慢左定我行快左，由pt.7-pt.8之間我追到佢啦～我本身諗住爬高少少落去，但我忘記了pt.8係位於個山洞位置，所以上面係望唔到，我醒起的一刻回頭一望，已經見到Dennis同我揮手示意啦，結果我打完pt.8就爬上頂去pt.9, 打完pt.8時，有位賽員抽筋，佢問抽筋點樣，於是講完之後就走啦，不過我唔擔心佢抽筋，我擔心佢坐係度比太陽曬，又冇水飲，中暑多d．．．所以我都諗住去到pt.10水站時，通知工作人員留意！

去完水站，回頭一望已經見到之前抽筋的賽員，嘩～佢抽完筋仲咁鬼快～？

Pt.10-Pt.18
之前都見到Clive同小梅，水站之後，我地分開左啦～去pt.11我打算先上小小山再沿山咀衝落去，而小梅佢地我諗佢地應該由小徑去～雖然好似唔使上山，但係咁多路，要睇好多次圖，由山咀落去方便好多！去到pt.11我諗如果我快過佢兩個的話，應該係去pt.12的途中遇到佢地，但係直至打完pt.12我都未見到～我當時已經諗～莫非．．．

之後當去到pt.13的附近時，見到Clive，佢話佢行錯路～！（我心諗一早估到啦！）之後去pt.13的時候見到Bruce，佢話終於追到我啦～冇左50分鐘的事又再浮現在我腦海入面！我地上到山咀附近，遠遠見到個point，我好肯定知道個point唔係我，但唔知點解我見Bruce個勢走緊過去，我一於少理，繼續去pt.13，行行下，又見佢返轉頭啦！唉！如果我去pt.3的時候有呢一刻的我咁冷靜就好啦！

打完pt.13，Bruce又消失左，不過好快去到pt.14時，我居然快過去打point,因為原來好多高手都迷了在pt.14,　而我到的一刻，就聽到邱鍾華向各大高手高呼pt.14係呢度的一刻，所以我唔知佢地尋了多久，我只知道有好高手！

打完pt.14去pt.15又要上山，真的要命！爬到頂位，見到夫人，於是問佢借了一啖水飲，之後見埋糖同Habour，打完pt.15就沿水站路去pt.16（因為我要飲水呀）去水站途中，又比我見到亞猩，特登行去水站飲多次水先再去pt.16，向pt.16出發時，聽到後面遠遠水站有人高呼～“前面個YAOC去邊？“係大大梁叫～我回應佢一句我返終點啦！之後就向之前的pt.1即pt.16去，打完之後，就沿路去終點打埋pt.17＆pt.18,我都好想衝落山，但係好鬼滑，PK會好慘，所以都盡可能半快半慢咁打埋返終點！

結果我的完成時間係3小時14分．．．如果Pt.3 同Pt.7有意外的話, 我應該可以準時返來啊~! 不過事實上係冇如果呢樣野!!!!

其實如果今日冇OT，都有700分ga…點解．．我本身比賽前一日話明唔想在賽區遇到大家，但係基本上今日所有YAOC的會員我都個個遇到曬，小梅－Ivan－Jason－Polarbear－亞B－John－飯－Leon－夫人－Clive－Dennis－Bruce－糖－Habour－Zing－大大梁．一個不漏！點解我咁不幸呢！

一塌糊塗的賽前準備-第三場排名賽

2010-01-31T14:17:00.000+08:00

今日完成了第三場的排名賽，地點為西貢昂坪，協辦屬會POC，首先我感謝有屬會主動舉辦比賽，同所有工作人付出, 而且更大膽地使用一個很久沒用過的賽區，西貢昂坪~還是我第一次玩呢。

坦白說，今天我十分享受場比賽，即使犯錯，但仍無感我的興趣。但真的在出發前的一切，我只能說～一堆垃圾！

成肚氣, 真的不吐不快！

賽員須知：
所有賽員須知理應在比賽前一個星期上載，但今次呢份野可以遲遲未出。
這是一份本年度最差的賽員須知，一睇就知係一份東抄西抄的賽員須知，沒有賽程資料，而且更將比賽限時定為90分鐘，一大堆唔合理須知內容。結果在須知發出後的晚上時間，有些資料改了，難度一些明顯的錯也看不出？

沒有賽事中心：
今次精英組的組員被安排在9:30開始出發，而由賽事中心去起點要40分鐘，所以我於當天8:00已經抵達賽事中心～燒烤場，但當時看到的－就只是一個燒烤場，沒有大會任何人物與物資。真至8:10才開有物資運至燒烤場～而且一車的工作人員亦相繼到抵～！

上午8:15，亦是賽員須知說明賽事中心開始的時間，但奈何沒有一樣是set 好，banner沒有，號碼布也沒有！

不能取號碼布：
上午8:25，大會將部份的號碼布釘了出來，早出發的我當然去取號碼布，但當我把號碼布掛上時，一名工作人員走來，要求取回我的號碼布～原因：他們未掛完，不能取！當時我只回應一句，賽事中心已開放，為何不能取號碼布，而且我已經要出發，為何不給我？我堅持不給，還結果他只好走到負責人身邊問，最終沒有再取回我！

一堆錯的提示符號紙：
大會在賽事中心派發提示符號紙，但原來份提示紙內有一半是錯的～而且大會又沒提過，大會只是在告示上通知有一個控制點改了，但原來並不是這樣！這是我在去起點程中，文教練告訴我的！頂！既然有一半錯，還派有什用？那麼賽員應該信那一份提示呢！

沒有起點指示：
根據賽員須知，由賽事中心到起點需時40分鐘，而且大會要求賽員提早5分鐘到，故此我於8:40離開賽事中心，但發現大會跟本未有起點指示，對於未到過此賽區的我，跟本唔知應該怎樣行，結果我打算問大會工作人員，但奈何發現在賽事中心的工作人員全都是青年人，沒有一個人可以告訴我，花了一點時間找到人位擬似工作人員（因為沒有一人穿上工作人員衫），他沒有答我該往那裡去起點，他只是叫我找一位穿灰色衫叫彭家在的工作人員，天啊！他這種態度已經差，因為我已經要出發，賽會完全沒有這樣的意識～天大地大怎樣找他呢～！結果無助的我最終在停車場內找到他，當時他才將第一張手寫的起點指示貼在地上，我問他如何前往起，他只告訴我”過對面，沿士多指示板一直行”。

這刻心急如焚的我還以為惡夢結束了，但原來才是另一惡夢的開始！我沿路一直去，好快已看到第一個分叉路，對於從未到過的我，根本不知怎樣好，結果還大膽地選了大路去，一直行，全程在分叉路口也沒有一張指示，我一直行，　一直擔心！結果在路上遇到一架工作人員的私家車，那名工作人員居然可以笑笑口地對我說”不用急，起點一定等妳！頂！既然有車上，點解唔貼指示？這一刻，我已經在心裡痛罵大會。

一直行，最終到了一個不能分辦的分叉路，一面是去昂坪，另一面寫去馬鞍山村，我真的不知怎樣行，結果停了一來，渴望有賽員的出現，結果Hilda出現了，但她也好像不肯定怎樣去，大家也在無助之際，文惠庭教練地來到，他也是估的，結果還選了一條，但當以為大家選對路之際，問題又出現，到底我們選由右面的村上山，還是左面小徑上山，結果我們選了右面，但當家一直上之際，遇到一名站在門口的村民，

文教練問了：”請問是否有賽員經過　？”村民說：”沒有！”
文教練再問：”請問這裡可否上山？”村民說：”不能”

即係話我們行錯路了！結果我們落去再由左面的小徑上去！（我心裡已經一肚氣）
我應該走回正確的路線，看到終點的工作人員，還在途中發現工作人員還在放置控制點！
由於出發的時間迫近，而且浪費了不少體力，結果更加心急如焚！

在上山路途中終於發現起點指示，但其實現時只有一條路，貼指示已經沒用，而且我相信班工作人員完全沒有訓練過，在同一條路不繼貼上無謂的指示起點告示！

起點未準備：

9:24上到起點，但原來起點什麼也未Set過，沒有貼大會指示，提示符號，Start Unit也沒有，如何出發？之後收到後來上山的賽員通知～大會延遲30分鐘出發！這裡我看到的是個Start 也改變了兩次方向．．．其實大家是否跟本不一場賽事呢？

排名賽居然有其他非參與賽事的人參與：

出發區了各組的格線外，還有一組POC組，我不明白一場排名賽為何會有其他人士的活動同時同地與同一張圖進行，他們是否有礙聯賽的成員比賽呢？

工作人未經任何訓練，並以青少年為主：

基本上我看到的最做野多的吳生與梁生，大部份的青年工作人員本完全未經練訓，甚至完全幫不到手．．．

時間準備不足：

大會定了930首批賽員出發，理應準備充足，但大會車居然8:00才到抵燒烤場，起點，賽事中心跟本未準備好，其實要做一定做到，只是沒人願意吧～那又是誰的責任呢　？

真的～我成肚氣，不吐不快！

是我變了了嗎?

2010-01-28T16:47:00.000+08:00

人大了，總會開始打扮，為自己打扮，為取悅別人而打扮，

當我們都為外表打扮，渴望變得更美時，
不自覺地也會開始變得以貌取人。

人大了，總會開始變得物質化，為了改善生活，為了更美好的生活，
當我們努力地追求物質的時候，
不自覺地又忘記最初最簡單的生活。

或許生活愈富有，愈難保存最單純的心？

某人建議見若想把心靈洗個面，讓自己在混濁不清的環境清醒一下，

可以聽這隻碟.....

其實在開始的時候，我還是喜歡～喜歡歌聲背後的那份純真，
但隨著各大的報章和新聞渲染，

奇怪的是現在的我把最初的感覺變了～
有時候也在想，到底是我變了，還真的是她變了！

Blog 的煩惱

2010-01-26T21:49:00.000+08:00

現在用緊gmail的blog,但總是有很多不方便，除了不能自制背景外，就只可以加文字和相片，連短片或background music的功能也沒有！而且相片功能亦越來越麻煩．．．

看著別人的blog總是個人化，但自己卻只有限制式，
故此，在2010年開始，我正式在yahoo也啟動了另一個blog，當然內容會一樣，但總有色彩，如大家看厭了這個目口目面的畫面，也可轉到下面條Link吧！
在天空中留下足印－JulieC

Cat-walk Show

2010-01-25T23:22:00.000+08:00

<相片後補>

今日看了一場Cat-walk Show , 其實我除了定向呢類型的活動外，我還有靜稍稍的秘密～我喜歡看時裝表演，還是學生時代的我每逄各大學有時裝表演Show，如我不用上課，我也會去看一看，但我看的是他們的諗頭／創意rather than他們的設計，因為我永遠唔董得欣賞他們的設計。

今日看的是題名為“六”，這個主題參加者分了四個不同創意諗頭去設計，包括了第一組聯想起“大陸”的“陸”，他們想到從前的人總喜歡拿著一袋二袋紅白藍的尼龍袋住返國來，故此，他們的服飾全部也是紅白藍的設計。

第二組對”六”是六十周年~祖國成立六十周年的慶典，故設計以人生大事（婚紗）為主題，設計用婚紗的物料再作新設計。

第三組以“陸”地為主題，設計以大自然的生物為藍本，包括蝙蝠，蛇，蝴蝶等生物作設計！

最後一組以第"六"感來作設計意念，故此設計非一般的科幻感覺。

坦白說，對於我這位沒諗頭的人常常慨嘆別人的想像力呢～畢竟我在中學時期也有選修美術設計一科．．．不過在大學選科中，我跟本沒有填上這一科，如果我沒改變意願的話，現在我又怎呢～？真的很想知道！

創意～說不上，但也喜歡模仿日本時裝雜誌Mix & Match ，配拾完成後，把它拍下來，感覺有點滿足呢！（不過要把衣服放回原位是件痛苦的事啊！）

Rogaine 6 打氣區後記-偷來的東西也不甜

2010-01-23T01:58:00.006+08:00

由於對定向的熱愛有增無減，故此終於在本年度參加了人生中最長的一場定向比賽Rogain 6 挑戰賽，在比賽前三個星期，大會為增加大家的意志，結果設立了一個人氣打氣大獎，意思係比賽隊伍中最多人打氣的六隊則有獎品。就係因為個豐富自助餐，好多隊伍都開始落力叫齊親朋戚朋一齊為自己打打氣！

當然我也不例外，結果在1月3日得知自己的隊號之後便開始落力叫齊人馬幫手打氣！結果在一個星期的時間，我們不單打了入十大，而且還曾經打入了六強，這一刻，真的很感動，因為我一個星期的不斷努力，每天不厭倦地在facebook，留言版，電郵啦，將身邊的朋友，舊同學，童軍兄弟等全部都召喚著，因為我知道即使最終人氣未及他人，但始終知道自己曾經努力過“就不會羡慕別人成功，同時亦不會埋怨自已失敗！”

在網上開始發起一鼓“打氣熱”，其實真的感覺好得意，到底因為份獎品有這樣的吸引力，還是這鼓“熱”成了“潮”呢？由起初努力為自己打氣，結果之後亦變了在自己的打氣提示內叫埋其他人為別隊打氣，真的沒所謂吧～反正也是打氣！

不過當某日早上發現有隊伍無啦啦一夜上位，在好奇心的情況下查看別隊的成員資料及打氣資料，才發現原來在短短的兩小時內，可以有成幾百票，當然是有可能的事，只要夠班底的話，不過如果無獨有偶地每隔0.6秒就有一個留言的話，這一刻！多傻的人也明吧！起初，我依然抱著繼續的心態～還以為邪不能勝正，但當日子久了，其他相連隊伍都不斷上位之時，我就知道，這個遊戲已經被某人士佔領了～是不道德的佔領！

我是不相信每一位人士也有這樣的行為，要做的一兩個已經足夠，係到底是誰，心裡一早有數～坦白說的，如果是那些三唔識七的人還好！

但每當想起他們在比賽時，理直氣壯地大談大會，別人如何不合理時，感覺有點嘔心！真的嘔心！而且“相由心生”呢句說話係冇錯的！

日子再過，連一些堅持兩星期的“豬仔隊”也開始放棄時，感覺有點為他們不值！還記得有人留言說“吃不到的葡萄是酸的”，但我想“偷來的東西也不會甜”！

各位正義之士，在比賽中努力～因為我們享住的是“一場公平的定向比賽”，Rogaine 6 加油！

同時感謝被我一個星期“疲勞轟炸”為我打氣的朋友，1月24日我會努力的！為真正的體育精神打氣 !

三個星期冇練跑之後的青衣色級賽

2010-01-10T23:33:00.117+08:00

今日係我三個星期冇練過跑的本年度第一場色級賽，原本之前雄心壯志想在星期四練習下，但最衰收到 Bruce Li 個電話，結果我決定唔去！本原可以好快返來的我，唔係因為迷路而要用多左時間，不過可能我跑同唔跑的成績都差無幾！

今日地點係青衣，因為之前大帽山場色級賽我做工作人員，所以呢場叫本年度第一場色級賽，基本上呢場唔報啡色的話，跟本對唔住自己～因為呢個地方，大大話話我都成日來做訓練班，加上之前都玩過一場啡色，所以我絕對唔相信我今日會好似上次南丫島咁迷路．

一早去到大快活，與其他人一同食個早餐後，便前住賽事中心，由於當時YAOC的男子一向都係”好食賴做，每日訓到黃朝白晏”遲遲未到的關係，結果就只有勤力的女隊員在足球場的位置開始整理行裝準備出發啦～就係呢一刻，有位前前前輩走過來講左一句說話”乜青進依家變左女子隊咩～！（但其實當時大大梁都係度ga...）”(=_=)"　

過左一段時間，終於有多0的男會員的物體出現啦～不過其他早到的人士都等不及要出發，結果見人多少少，大家都先來張大合照．不過你睇相就知道邊d人”訓到黃朝白晏”先到啦！

基本上今日大部份人都玩啡色，Habour玩藍色，一開始夫人、飯、糖同Habour都一早出發去起點，因為即使遲返，後面都仲有好多人仔。但係我由於剛剛食飽的關係，結果要等消化下先去跑～因為試過跑跑下胃痛啦！所以我諗住跟返大會比我個時間～11:00才出發。

夫人佢地走左之後，虎、猩、熊三隻動物同埋佢地個朋友（簡稱粉紅人）都離開左啦～！而我都係10時30分離開賽事中心（因為大會話行去起點要30分鐘）但係行到去我諗都係10分鐘的事，結果去到虎、猩、熊都仲企係度！（點解佢地仲係度ga?!）與其企係度，我都係出發算啦～！

結果一拎起張地圖，基本上正常人都會一路睇圖一路行，點會企係有出發區前面丫～結果行多兩步先發現唔係行呢條路，結果轉身去返隔離條路！

Start－Pt.1

一直沿樓梯上去，由於冇練跑，體能係零，加上又未warm up一路上都好辛苦，當時我遇到粉紅人，打完之後，完全冇諗過我會行大路，結果由小路去，起初一開始平路都可以跑下，但之後又好鬼辛苦咁爬山啦！

未打pt.2之際，已經比我見到熊，佢好大殺氣咁努力衝，我都好想好似佢咁ga,不過呢我連追佢的力氣都冇．．．

Pt.2-pt.3
由於熊一直跑，我被佢拋離了，但之後見佢無啦啦跟人走上個小山丘，都唔知佢做乜，個pt.3係要過左個路彎先見到ga．．．個路彎都未見！就係因為咁，所以我又再與熊重遇啦！

Pt.3-pt.4
重遇之後，再始warm up返少少，結果過左熊去打pt.4.

Pt.4-pt.5
見pt.5應該冇幾遠，故此直接用指南針直線過去，去到某環境似的位置停下來，結果比我遇到粉紅人，遠望見到個控制點，仲以為係我gei，去到唔對！之後就在這兒兜兜轉轉啦！幸好忽然回頭一看，見到大大梁個背影，走過去看一看，見到個pt.5.
(但跑完回來時，粉紅人話我知原來我第一次停下來見到佢時，個控制點就在我下面－因為佢係位置泥波底～~而且佢之後見我走開左，仲揮手叫熊快d打完走人tim….=_=)

Pt.5-pt.6
打完之後由樓梯落去打pt.6，可能落樓梯爽得滯，結果走過龍，修正返之後落去pt.6之際，見到陳生、熊同粉紅人都上緊來，落到去都見大大梁，見佢個勢想沿等高線去pt.7．不過我當然上返大路啦！

睇返張相，我都閃得好快啦！個兩父子望一望圖之際，我都已經閃走左啦！

Pt.6-Pt.7

打完pt.6，我立即上返大路由咀去pt.7，因為我落去時見到陳生上來，連陳生都上返大路，我緊係上返去啦！之後由山咀落去pt.7．落去的時候，我已經見到大大梁上緊來，這裡的環境雜草、枯枝都十分多，好難行！結果好痛苦咁去到pt.7的時候，比我又再一次遇到粉紅人同熊啦！當時粉紅人係我前面，熊係我後面。

Pt.7-pt.8
努力爬返上山之際，遇見攝影師，我還叫他影我，點知回來一句“你跑得咁慢！”，心灰呀！而且爬到上去仲要話我知Hilda係我後面～即係話我慢得滯，阻住人影相啦！去返大路去pt.8，起初我見虎同其他人係咁衝落去找，我都唔知佢地做緊乜？因為個pt係個小山丘下面，我一心以為上到小山丘就會見到，點知死火，周圍望都唔見，但係冇理由ga…呢個小山丘，練訓班放point都唔知放過幾多次啦，佢下面點解會冇ga..之後亞John無啦啦話找尋個52號，我話33號呀！原來佢一直都似為找緊，佢之後醒覺，話見過33，結果見佢打完，我咪又打埋走人lor!

就係因為我阻住影後面的Hilda，結果就比人話我慢啦！

但係其他人張相影得好好ga ....

Pt.8-Pt.9

沿小徑（扶手法），去完水站，我選擇由小徑去（3S+扶手法），再沿圍欄（扶手法），遇大石（attack Point），沿等高線高少少去(aiming off )，數第二個窩望一望下面見到point，打完走人。話時話原來真係用曬d 技術呀～下次教班的時候可以講下呢條路線啦！好快打完pt.9。

Pt.9-Pt.10
打完直向南面大路進發，出返來時遇到粉紅人，見佢周圍望，佢應該仲未知個point係邊。之後好快去到涼亭，見到Habour啦！之後由石牆落去，呢邊d point我記得上年我死得好慘，所以今年係唔會再犯！好準咁去到個pt.10位，打完再沿等高線去pt.11

Pt.10-Pt.11
一直沿等高線去，落少少打完走人，亞姐一直係我後面。

Pt.11-Pt.12
打完Pt.11上返山咀再過去，好快連Pt.12都見到，不過跌倒不止一次！

Pt.12-Pt.13
出返涼亭，見到夫人同糖～原本有諗過上返山去Pt.13，但最終都冇咁做，結果由小徑去（但其實找好後悔），起初喜見追到夫人，個心都起勁d跑，但跑跑下又hea返啦！結果我~夫人~糖就一直塞住條路，後來亞姐追到來，讓路給她過先！之後沿植物分界線去墓。

Pt.13-Pt.14
打完墓個point就上返大路去pt.14，唔係好難！打完走人！

Pt.14-Pt.15
打完之後見到地圖條柱，所以好肯定咁衝去山窩位置，但係呢～我唔知做乜鬼明明望落見到耕地，而且又有其他人行緊，但我好似冇信心咁，結果就在這裡8分鐘，嗚～嗚！落到去見到Bruce，之後打完仲笨，繼續落（因為見亞糖落），結果遇到大路先爬返上條樓梯上去。（事後睇返地圖，係可以打完pt.15沿等高線去返大路）洩左啦！

Pt.15-Pt.16
上返去好快去埋空曠地，打完向終點進發，見亞糖行返轉頭，原來佢打漏point，之後一齊返終點啦！

返到終點，當然又係討論返個賽程啦！唉！今次大錯冇乜，但冇左體能，真係好慢！但係如果用女子第一名時間計，我又有700分wo .... 當然，我可以更好的！

聽佢地講返，好多人都死在Pt.8 的33號仔啊！

大家換完衫，結果又去食我最喜歡的中式自助餐（飲茶）啦！

不過今次青衣張圖好以已經冇左白林咁，成張圖都已經綠曬！唔知幾時，又會剪呢！

AYP Rogaine6 全方位定向大挑戰我真的需要你們每日打打氣

2010-01-05T23:00:00.003+08:00

各位朋友

幫幫手...

我參加了由香港青年獎勵計劃(HKAYP)舉辦的「SmarTone-Vodafone AYP Rogaine6 全方位定向大挑戰」。要完成6小時上山下海定方向的賽事並不容易，希望你也支持我，到以下網站為我留言打打氣，以競逐「人氣隊伍」的殊榮！每日上網click一click...幫我地打打氣...

http://ayp.no-ip.info/2010Rogaine6/tc/challenge_1_cheer_up.php?id=174&class=8
My Team Number : 803 , 公開女子組

靠你地啦...幫幫手呀!過程好簡單...只要入到去click兩個掣就得... 你唔係咁都托手......爭呀ma...靠晒你地啦 !

叫埋朋友仔一齊幫幫手 , 由今日至1月24日比賽日每日都要幫手打打氣呀...比賽我會努力跑 , 但打氣就真的靠你地! Click上面條Link幫幫手呀 ! 謝謝!

Julie ^^

後記：偷來的東西也不甜

周年定向錦標賽-中距離~迷●謎●迷

2010-01-03T23:31:00.375+08:00

自從HKOC 前Ranking賽之後，我都冇去過南丫島了．還記得上次熱到DQ，咁今次呢．．．．

大家相約 9:00 在碼頭乘船過去，去到食埋早餐，今日無論什麼年齡都係得兩組MO同WO．而我係WO組差不多最後出發個位，之後本身還有亞飯，但在碼頭遇到夫人，佢已經話比我知”亞飯今日不來啊！”唉～即係話我後唔知得返一個定兩個啦～如果我再跑慢d，隨時我後面好大機會會冇曬人．．．．．又係咁！有壓力！！　(=_=)"

去到賽事中心即又係個間士多，今日我地個會好多報左名的人唔來，但又有好多我唔係好識的人都有來，

有樣野好好笑～

夫人無啦啦問我" 你覺唔覺我地個會(YAOC)d男生比較含蓄！"

我的回應："夫人，你唔應該問我，你問返d較為含蓄的女生好d！"

Habour 聽d唔聽d又回應一句"0下！Julie 妳都叫含蓄？！"

我的回應係 ................

之後佢地比我早出發的都已經離開了賽事中心，而我就慢慢地等了一段時間才離開賽事中心向起點進發，唔知點解，我行行下已經見到夫人個背影，乜佢真係行得咁慢？？

起點有個Start Unit比賽員試下張電子咭有冇事，當然有得試，好過冇得試！我都試一試。

去到起點發現今日多左個大會攝影師～Ken．嘩！到底邊個咁有面子請佢來呢？今日大家都有靚相啦！

不過當我睇到亞傑影到個張相，就覺得好好笑，原來Habour的吸引力係唔夠個 Start Unit利厲，Ken影個Start Unit都唔影佢．．．哈哈笑死我！

左面的相命名為：比賽中的攝影師；右面個張相命名為：攝影機內的Start Unit

之後Habour都出發啦！仲以為Habour會做返次主角，不過在鏡頭下都好似係個Start Unit係主角！^^ 　　　Habour 真可憐啊！

笑完之後，眼見佢地一個又一個出發，咁我呢，咪睇下佢地出發左之後跑去邊lor，因為所有人一出發都沿小徑走，其他人一路睇一路笑！而我就站在紅色箭嘴的位（咁都發現到自己）！係lor，呢一刻我都明明見到佢地走小徑ga...

但係到我出發的時候呢．．．．（=_=）"

出發區有提示符號紙派，但係我呢位人"弄弄盡盡"，結果連位工作人員都睇唔過眼，走過來幫幫手！當出發鐘嚮起的時候，我就開始悲哀的經歷啦！

麻煩大家認住相裡面的笨蛋1號同埋笨蛋2號 !

無論男子組或女子組，佢地一出發就會向Marker的方向轉右面，大家可以睇下，佢地都係另一位攝影師（紅衫紅褲）的前面轉右。

但係我呢個笨蛋呢！好似見唔到個Marker咁，過左龍先轉右面，而且唔單止我一個．．．

仲有許友蕉，佢本身諗住一出發跟我會無死啦～！結果呢，呢兩個白痴去到個涼亭知道錯，但又冇可能返去，結果咪．．．

兩隻”蕉”（許友蕉．Julie 蕉）都仲招之後，都要殺出重圍．

結果我們要由地圖上綠色的地方甪力開路殺返出大路！不幸中之大幸係，好彩唔單止我一個！

但係原來呢處收音唔錯，我地跑錯的事除左比起點區的人見到之外，而且佢地講緊的每一句說話，包括笑聲都聽到曬．．．(=_=)"

而且仲聽到佢地話"呢~呢兩個又出返來啦!" (>◎<)”

聽到呢幾句，仲唔有咁快在他們的視線範圍消失得有咁快得咁快啦！

笨左第一次之後，我發現我今日好似完全唔識睇圖咁，去pt.1　打完之後，因為係沿路去，所以 pt.2都唔影響，但打完pt.2，無啦啦比我見到兩條路，但那一刻我望圖係得一條路的，故此較為隱蔽的那條我不選擇，返而去了一條更似路的路，就係咁，唔知點解我愈行就愈以落山咁，但望地圖又唔對路bor...而後面又冇人，唔通我行錯路？

結果好痛咁爬返上pt.2的附近，由一條唔似路的位置過去，點知過完之後，終於比我見返d人啦！（由於我已經算最後幾個出發，加上一開始衝上個亭，變相成為了最尾了），雖然見到人但唔係賽員，而係拎著相機的人，不過呢一刻，唔理向前跑左去先！跑緊的時候，我仲聽到有人幫我叫加油！就係咁，我的定向人生中，終於有多幾張”跑緊”的相啦！（Thanks Ken!）

跑跑下，自己又覺得唔對路，因為好似跑過龍，結果剛才好有自信咁跑的我，又頓時變成了迷路羔羊咁啦！我一路對地圖和地形，發現地圖上的高標柱位置唔見條柱，一直都懷疑自己錯，望返轉頭，又行返轉頭，但再三對地圖與地形後，都確定了，之後都找到pt.3. (而pt.2-pt.3所花的時間，係我成條賽程最長的時間呀！)

打完pt.3 去pt.4以為自己入返圖啦，但點知再睇時候，地圖上的山窩山咀突然間好似在實的環境上消失了！幸好都比我發現有粒石上面有位工作人員，就係因為個粒石，我定到位去pt.4啦！

原來大草原比白木更”迷”人啊！在草原上見到好多人都上上落落！原本打完pt.4去pt.5，我沿等高線去，再遇大路去找pt.5，但實際上出到大路後，我發現環境唔一樣，指南針又唔０岩，完全唔知自己係邊（所以下面地圖的路線我都只是估計自己係咁行je）實際我去左邊，都仲係個”謎”．遇到呢個情況，我會做的係1. 走返出條大路嘗試定位；2.爬上附近高d的地方，再定位；3.　睇下周圍有冇同組的組員跑去邊，結果我走出條大路都唔知自己係邊，於是爬上個山仔，再望下附近有冇賽員，不過呢由於我係最遲個批，如果呢個時候仲見到自己組賽員，我諗佢應該仲迷過我，結果真係！我都唔知點樣行下，望下去到我的pt.5，之後pt.5定完神之後，都醒過來，之後都知道自己做緊乜！

地圖上睇，可能冇乜特別，但當你望返實際環境，你就知係點．．．

由於之後冇乜點迷失，所以我都有好努力咁跑ga...（Thanks　炒炒）

順利咁去埋pt.6, pt.7 , pt.8 , pt.9 , 但pt.10都失左少少位，之後去pt.11我遇到Ivan，應該話Ivan都追到上來，但我打完之後我一直都以為得一條小徑，但奇怪，Ivan佢唔係我後面，但當我差不多去到pt.12時，佢又無啦啦出現係我前面．．（之後問返先知原來男子組在高圍欄那邊有個point所以唔會由小徑去）

打完pt.12, 就衝去pt.13，好快返到終點啦！幸好，我沒超時！

不過得3.4 K花了80分鐘才回來，真的不可接受啊！

返到賽事中心，以為自己的經歷已經夠慘，點知仲有人慘過你！返到去亞糖話夫人仲未返來，０下！佢早過我出發，而且我一路都唔見佢．．

此外，亞梅＆亞B都DQ，前者因為打錯code，後者因為E-card死左，就係因為亞B張咭的死亡，我先知道張後備標籤可保障賽員的範圍是有限的！

在賽事中心，你一定會見到個個人都底頭望地圖~!（Thanks B'sKit）

又繼續望地圖....

佢地又繼續望地圖..............

又多左個人仔一齊望地圖 ...............

望完地圖，就講返頭先d傻瓜野啦！夫人消失之謎：原來佢打完pt.11，學男子組由高圍欄過，但途中被綠色的植物卡住，過唔到，結果死死地氣由小徑去．

之後我發現賽事中心有個BB，不過佢唔理我，只係掛住食食食．．．

我們有一位教練，自從移民去澳洲後，已經很久沒見了！而且他還在澳洲誕下了大肥B　Brian，難得聖誕節回港，故此他也打算今天到南丫島玩定向賽，但可惜他太太當天身體不適，故此未能來到。

當我還是失望之際，又收到他的電話，他話他們一家正向南丫島進發，但因為時間過了一會，故此來不及通知其他SOC的定向人，當曾Sir來到南丫島時，就餘下是次賽事的工作人員，炒炒，亞健同怪傑啦！結果我們四人加埋陳生便在食店內聚一聚。

平時只在facebook見到Brian已經覺得佢好得意，今日見到佢仲得意～呢個B 基本上比起一般BB大隻好多！另外，可能係因為佢在澳洲長大，故此太多人的環境佢係好慣．不過當佢媽媽唱仔的時候，佢居然做起動作‧

最後，我們搭4:30船回家，而曾sir一家就繼續環島行！

廣西義友行(後記)~落在人間的天使

2010-01-02T17:48:00.001+08:00

笑 ~ 不止在物質富裕的地方才被發現．．．

待續.....

這個假期真太飽....

2009-12-28T09:49:00.084+08:00

　　一連多日的長假期對於好多人來說是種幸福，而且亦有很人說”食得是福呢！”但呢兩樣野同時間發生所產生的化學作用後的製成品～就稱之為「肥膏」啦！ (+___+)"

　　假期的一開始19/12/09，就已經來個 YAOC 海鮮 BBQ 豪食，這是他們一年一次的豪食大會，這是我入會半年來又一次食食食的大型活動。還記得當天要童軍集會的我要比大家遲遲少少才入到會場，幸好去到時大家才開始了不久，結果所有的美食機乎無一不吃。

當然有海鮮啦！

仲有各式扒同雞翼

亦有好多腸仔同丸

大蝦，扇貝，多春魚，秋刀魚

連豬腳薑都有．．．

專人開刀的烤扒

紅酒，各式飲品＋自家制涼茶

還有Michelle專人帶來的老婆餅～男士食左呢種餅要聽老婆話ga~ !! (~^o^~)

************************************************

　　豪食完BBQ之後，接著就到22/12/09 做冬啦！由於成屋人得我一個咁得閒放假，所以食的方面就交比我，由於父親大人係唔喜歡出街食飯的，而我又唔會幫手買菜，結果就訂了元朗最出名的盤菜回家吃吧！這個鮑蔘盤菜足足有成10-12人份量，基本上我們一家人係冇可能一晚吃得完呢！

但是最名貴、最補的食物就一定食左先啦！看圖，真的有海蔘、花膠、大蝦．．．．

飯後當然亦不少了一項　～　糖水呢！這個糖水名為”白果付竹芋頭糖水”芋頭的香味原全融入了付竹白果糖水之內，好好味呢！

就係咁又完了我一餐超飽做節飯啦！

**************************************************

　　冬至之後，很快又到24/12/09 平安夜，由於聖誕節要到番禺跑定向，結果與友人提前進行一年一度的慶祝活動，由於我們大部份也是新界人，要同其他人到尖沙咀的多人地方迫返屋企，簡直慘過行刑，結果我們又靜悄悄地在有錢有屋的人屋企進行大食會啦！由於之前個個都仲要返工，結果今年大家都係訂街外食物，而沒有自制呢！
食物包括：

海鮮冷盤～赤口，大蝦，三文魚．．．．

大蝦沙律

火雞三文魚

七彩0者喱糖

汽水

西餅

芒果布丁

當晚我們大家都一直笑笑食食，真的食得太飽啦！

之後聖誕節雖然話去跑比賽，但活動前兩天收到Bruce　電郵話25/12/09 比賽完後到全東南亞最大的一間自助餐廳＜四海一家＞吃我們的自助晚餐.

慘啦！今個假期真的食得太飽啦！肥死啦！(=_=)"

26/12/09 兩岸四地錦標賽～百米賽－迷失了的百米陣

2009-12-26T23:59:00.217+08:00

食飽之後，我們就開始去個新的賽事中心啦！原本跑完短距離後，路經百米的比賽場地附近，以為工作人員封左個大草原，是為左Set呢場比賽，但去到先知佢地封場給我們做賽事中心！

這裡是個大草原，真的很舒服，所以去到冇幾耐我們就在草原的中央舖上Shelter，坐下來之後就．．．．．ZZZzzzzzZZZZZzzzzz 啦！

ZZZ完都還有時間，故此開始又做下無謂野啦！由左至右分別係Julie , 夫人, B ，飯！最臭的當然係亞飯啦！見到隻襪！

影影下相，隔離的堅哥都走來聊天，哈！這刻的我們真寫意！

在開心的同時，誰不知一場大迷途的比賽就在眼前呢！

我是會中第二早的出發人士，最早個位係亞B，一般人的完成時間係4-5分鐘，但我的完成時間係12分鐘，而夫人都只係花了7鐘完成，今次的成績比夫人還差，唉！真失禮！

今次個場地好實在，因為第一次玩百米個場係真係有樹，有湖，有建築物等．．．我第一個point係湖對面，跑緊去的途中，居然無啦啦比我見到條小洼地，如果你想過，你可以繞路，但你亦可以直線過去，但就要好似下個兩位咁樣過啦！

但係對於剛剛起步的我，又點會Ready跳丫！結果未打point先濕腳！可憐！黑仔事件仲繼續來呀！因為個比賽場地的面積係一百米X一百米，所以唔行幾步就到個point，好難適應ga，而且個場周圍都係point，加上張圖又花，同大會又播放埋d強勁音樂，所以我去到第6個point就開始唔準啦！可能係因為我成日貪快，跑過龍，結果我連路線圖都唔識畫。

其實基本上唔準唔緊要，知道錯，去返對的咪得lor...但我之後仲白痴～打完point 10之後無啦啦又打返轉頭，最慘係自己唔知，而且仲要打返到　pt.10才發現，無計啦，張圖睇睇下可以睇返轉頭！發現錯之後，又心急想修正，所以之後就想追返d時間，打打下，呀！自己掛住睇圖，冇留意有樹，結果頭撞樹，連帽都甩埋，呢一刻，我曾經爭扎過好唔好返轉頭執返頂帽呢，好鬼瘀！但最終都執返佢啦！

返終點的時候我係冇戴帽ga ....

就係咁，我足足花了12分鐘才回來啊！

返到來，我們又被大會禁錮了一段時間，在閒談中才知道原來亞B都迷了一段時間，而且被無良的人士拍下來供大家欣賞，真可憐！＝＿＿＝由於班無良人士看到我們的迷，所以到佢地出賽時都十分小心，唔好犯我們的錯呢！

不過話時話，跑百米真係要好小心，佢唔似香港個d，用d假圍欄扮欄杆，呢個成個場都係樹，同矮樹，而且差不多樹樹都有point，真係玩死人啦！一時迷左，想找個位定番都好難！

我們跑完之後，女子組與男子組最佳12名最後來多個決賽，我們看著他們在草地上追逐，迷途，都幾好睇，睇完之後，我們也乘巴士返祈福新村啦~因為晚上仲有一場好重要的事要做!!

返到去之後，大家都安頓好自己的東西，而我呢～因為之前有隻腳踏了落泥水池，結果我要好努力咁先吹乾隻鞋，因為好鬼濕～好可憐呀！

大家換好衫之後，就向下一站進發啦～＜四海一家＞稱為全東南亞最大的自助餐餐廳，我們本身想乘搭5時25分那班車，但是剛巧趕不及，結果我們只好等等等！

原本我們是排頭幾位的，而之後來的人本身都冇排隊意識，但係有人出聲叫佢地排隊排後面之後，佢地開始排隊成形啦！不過最終我們險些沒位坐，點解呢？原來我們排隊一向都習慣左門上車，故順理成章我們在車牌的右面排隊．但原來國內的車係右面上車，故此排在最後的人（則站在車牌的左面的人）就做了最早上車的一群啦～激死人啦！我們全部變了最後，而且還險些沒位坐，被司機拘趕落車。結果我們六位坐最後的，唯有6人坐4人位了！順利瞞天過海！

平安上到車後，我們又一問題來啦～因為我們訂只限到6時正，而因為我們遲了一班車，到站時已經差不多6時，結果我們唯有派坐最前的夫人等車一等，就一支箭咁去拎位先！當我地6個人係車尾仲等緊落車之際，佢老公（好安心咁講）呢d野放心交比佢啦～！佢一定得架！當時只見夫人已經係咁跑係咁跑，我地睇得入神，佢一路跑一路跑，睇往佢穿過停車場，再入去＜四海一家＞，見住佢差唔多到，我地都仲係架車到。

本身好似趕唔切，因為話佢亞B即訂台人的電話，但當時夫人講唔出，當Bruce同　Jason趕到時，即時按電話，一輪對話之後，最終因有人訂位冇到，結果我地就用左張由黎小姐訂的台啦～或者唔應該話係台，而係一間房。

起初跟個侍應入去就好似入左迷宮咁，我地仲要記底自己間房叫乜名，不過而家問返我，我都唔記得啦！

間野好多野食，而且每人張餐紙都有張食物位罝圖，不過坦白講丫，我地又點會拎張紙睇丫，第一時間出去行一圈，視察環境先啦！就係咁，我今晚的食物就包括了：

食物魚生@3碟（無計我的至愛）；燒烤肉類；壽司；酥皮魚翅湯；新鮮生豪；朱古力慕士蛋糕等......總之好飽好飽！食到我都已經．．．．．頂唔順啦！

我已經戰鬥力冇乜之際，Bruce佢地還可以繼續，而且仲．．．．．．．．我記得夫人曾經話過，YAOC的會員全部都”茄茄里里”，我心諗連會長都係咁，我地呢d會員又點會唔怪丫！當大家休息的時間，估唔到會長會拎支”棉花糖”鬼咁可愛咁入來，我地見佢已經笑到出聲，之後見佢一啖西瓜，一啖棉花糖，就仲古怪！不過眼見佢自得其樂，仲任人影相！

其他人都笑到出唔到聲！

講講下我地又想起我們的早餐啦！呢個時間大家腦海都出現”叮”一聲，hehe......he..he之後我地就用$148食我地個晚餐同埋早餐啦！

食飽之後，我們還來張大合照，大家都滿肚而歸！

食飽之後返到祈福，看回份賽員須知才醒起明天接力賽，大家都要早上5時30分起身！希望大家都起到身啦啦！

繼續收看: 兩岸四地錦標賽-接力賽~最佳損友

26/12/2009 兩岸四地錦標賽～短距離

2009-12-26T23:37:00.156+08:00

第二天起身，梳洗完後行出廳，已經見Jason 同亞源，前者因為工作，後者應該因為要煮早餐！

但係之後再出來才發現原來亞源佢咁早在廚房，原來只係煮比自已食．．．可惡到極！

可憐的我地，係要等呢位人士食飽啦，我地至有得食．．．咦？點解好似身份調轉左ga ??

食早餐的時間，我問返夫人佢地昨晚聽不聽到碗筷聲，原來夫人佢地都聽到，但係都同我一樣唔想行出來看個究竟，故此大家都猜想“莫非係亞源良心發現，擔心明天煮唔切早餐比我地食，所以晚上洗定碗筷先？”但係好快，我地呢個“天真的想法”變幻滅啦！因為原來真正的好人係B’s Kit，佢擔心明天大家好趕，所以一早洗好先～！抵讚！

之後我們確定“只係拎早餐出來的人是亞源”！一講到呢part 源兄個樣開始唔滿意la wo !

今天我們的早餐有“芝士腸生菜公仔麵＋烚蛋＋餃子＋橙汁”都好豐富ga!

吃飽之後，我地在個靚靚露台前面影張大合照，就開始搭車去比賽啦！

我地在巴士站送別了亞源後，便搭的士去賽事中心啦～

今日的賽事中心係南門，我們七人分兩架的士去，原本打算我，B＆Kit一輛的士，另外4人又一架，無啦啦臨開車時，Bruce又上左車，笑死我同B，因為佢又一次唔理佢老婆上左車，這刻又令我想起上次在大棠幫手的時候，我同夫人架車仲有一個位，點知夫人居然叫左查理斯都唔叫佢老公跟車一樣～佢兩個就真係呢．．．

結果我地一早去到，唔係影相又打發等另一架車的時間呢～

等齊人啦，可以入去啦～去到大閘門口，呢班大鄉里又要影相！

之後我地發現公園入面有好多流動Maker呀～原來係國內旅行團的團帽，呢刻我地都提醒大家，唔好認錯呀！

今日有兩場上午係短距離，下午係百米定向賽。而兩場比賽的賽事中心係唔同gei!

上午的賽事中心係個白林內，唔知點解會長居然帶埋張吊床來，其實呢度周圍的樹都好幼，唔似外國咁，眼見佢地掛落d幼樹上，總有點心痛，最係都係叫佢地掛燈柱好啦！

短距離的賽員須知話要著護腿，但去到大部份人都冇咁做（跑完之後我都後悔聽佢講）我係YAOC內最遲出個位，其實後面仲有Jason，所以出發的時候，大家都走得七七八八。

其實我唔係好喜歡Start呢個場地，因為除了我頭頂有樹枝頂住之外，相的右面其實仲有好多大石阻礙賽員出發，有危險！其實上返少少，幅地平坦些，空曠些咪仲好！

一開始，我都好似好順咁，但係跑跟本唔係我專項，我可以跑，但點跑都唔係快個種！基本上全程都冇lost到，但係由於好多時候我都係跑大路，唔係跑外圍，故此比人慢了很多，而且成日都好似未適應張圖咁樣!

pt.1-pt.11都好暢順，去到　pt.12時，無啦啦前面位賽員比人捉住左，我約聽到佢話叫佢唔好入禁區～我於是望一望張圖，無呀～付近邊有禁區呢！（因為我當時淨係以為用紅線斜間才是禁區～完全忘記了鴨屎綠都係係公園賽禁左），所以我見前面班人都咁樣路線去，我又跟佢地咁樣路線去tim~!（佢冇理由咁多個一齊DQ卦！）之後都冇乜特別，只不過臨尾個幾個point的code係順次序去，所以好好記！但係我依希記得最後應該還有一個point，就係咁，我突然間迷失了！去到尾二個point之後望左兩次圖，再等多一等，睇清楚先知道原來就係前面個100結果，我又慢了！

打完point後，大會唔比賽員離開，而且仲收埋張圖，結果大家都唔知點樣傾返頭先跑成點！

但係有樣野就係大家都好擔心會比人DQ，因為原來跑的時候大家都唔記得左公園賽入面鴨屎綠係唔係得ga…故此我都好擔心～因為我跑緊的時候的確見到有人被人捉住了！那麼我與他也是同路，唔通我都會！？

(當成績一出的時候. 我地都走去睇下有冇比人DQ)

在好擔心的情況下，最後出發的Jason都返來，佢話大會DQ左佢，所以佢特登打漏一個point，自已DQ自己，佢“自以為豪”的行為跟本我一點也不欣賞，沒有體育精神！結果夫人佢地就為佢的死而舉行葬禮啦！（不過我認為自殺的人使唔抵可憐，而且唔應該用呢個蓋旗儀式ga）

當然唔抵可憐啦~你看文太佢隻腳傷成咁今日都繼續完成埋場比賽，佢呢d冇病冇痛走去自殺～文太好野～！

接著大會終於派圖啦～不過有點兒亂呀！

睇睇張圖先!

講完場比賽，大家都去看看有乜好野買先！

大家買完野影埋張大合照，就要轉移地點啦！

跑完上午，下午的百米要轉移到另一地點，故此我們也在外面吃點東西，一路行都有人影，真好呀～！

在兜兜轉轉了好多間食店後，最終我們揀了麵店。

我叫左個牛肉麵餐，有個牛肉麵，一碟牛肉同埋配菜，但係我真係唔想食得太飽，因為下午仲要跑，我唔想胃痛。就係咁，佢地又話我浪費食物啦！

食飽之後，我地又行返入去，進行下午的百米賽啦！

繼續下午：迷失了的百米賽

25/12/09 兩岸四地錦標賽～中距離篇：我的700分

2009-12-25T23:41:00.058+08:00

今次是香港的排名賽之一，所以大家唔玩三日都要來今日。不過都有０的人好似時光機咁，無啦啦報錯組。

賽程如以往排名賽M21同 W21E的賽程係一樣，但佢地今次出左男子組先，所我們女子組出發時，應該冇乜好多人仔啦～！

我係香港人組中尾三出發的一個，早我一分鐘的係亞飯，遲我一分鐘的係亞B，最後係小梅。所以我都有擔心會唔會又來個集體創作呢～！

Start-Pt.1
好時間到，出發啦！一開始定好地圖就一支箭咁向pt.1出發，但一開始一路跑一路向前望都唔見飯，心諗！死啦！亞飯咁快唔見人，後面又有亞B追緊，要跑快０的呀！去到路彎位入去，見到亞飯、Josephine、鐘華佢地出point，見到佢地我仲唔拿拿臨打完point即追咩～！結果打完pt.1我就沿大路去pt.2啦！

Pt.1 – Pt.2
我沿大路去，出point時又遇到亞B啦！所以走得更快，終於在上山的路中追到前面幾位賽員啦！好快，又打完pt.2.

Pt.2-Pt.3
打完pt.2已經閃快少少跟貼前面的亞梅同Josephine，先沿白林的平路去，之後再沿小路上山，由於係山路，所以開始有人會變得慢了，就係咁！我開始與亞飯和鐘華佢地分開左啦！在上山沿中，無啦啦比我遇見夫人，唔知佢係邊度走出來，不過都乜理佢，就走左啦！好快就打完pt.3.

Pt.3-Pt.4
Pt.3-Pt.4途中Rainky突然向後走，原來她跌了隻指咭OMG!（幸好佢最尾找得返）呢一刻，我都望望自已隻指咭係咪仲係隻手指上面。之後一路去就只有亞梅，Josephine同我啦！落山之後，好快應該會見到pt.4啦！呢個時候又有一個橙色物體在pt.4附近企左係度～再望望憑個背影，佢係亞源！（亞源佢早我廿幾分鐘出發，但聞說佢玩完TC36之後隻腳跛左wo!）我都冇理佢，打完point之後沿小路去，但見佢行左出個淺黃色的地方，本身都想叫佢一聲話冇咁早出去ga，但算啦～佢有佢路丫！結果好快我沿路跑出個林啦！

Pt.4-Pt.5
出左個林就已經係另一境象，見到魚塘的物體，不過唔難，過了魚塘，由空曠地那邊爬上大路，再入小路，好快連pt.5都打完啦！

Pt.5-Pt.6
打完pt.5，之後出返大路，由泥坡附近入去point位，不過今次好多地方都要滑落地，跑跑下都問下人到底我條褲有冇穿到呢？

Pt.6-Pt.7
之前6個point都係同亞梅與Josephine同路，今次我決定分開走啦～（其實都有０的擔心我的決定係咪錯）不過見佢地向東面條路好似要上要落，結果我向南的大路去，如果佢地快過我，應該會係途中與我相遇的，幸好一路跑，都一直未見佢地經過。好快去到分叉位，仲未見到亞梅佢地，打bearing去pt.7，但唔知點解原全見唔個point，去埋魚池邊啦，都唔見有小丘，激死我啦～！又走返出路口，再入多次，如是者，都唔見個point，結果就係咁我冇左5分鐘，亞梅都到啦～佢又繼續同我一齊找，最終個point原來係……..=___=，如果我一早行上少少，應該會知道ga…..呢一刻我與梅又重遇啦！頭先賺到的時間又如流水般流走了！

Pt.7-Pt.8
冇乜特別，只係一味跑呀跑！

Pt.8-Pt.9
由大路去，再沿湖邊入去，去到個point附近，我見唔到個point，本想睇下個提示符號表，但聽到亞梅打point的B一聲，原來個point就係我腳的右手面，佢位於地洞內，故此我望唔到佢呀！

Pt.9-Pt.10
打完走出大路，但問題係要落返大路係要跳崖，好鬼高，我與梅都不繼周圍望下有冇低少少的地方容易0的落去！佢好快找到了，我跟佢的路線落去，見佢已經一支箭咁跑過魚塘，我都唔輸洩，由另一邊咁跑去，結果我比她更快到pt.10．

Pt.10-Pt.11
打完point本身望唔到原來前面有路過Pt.11，以為要返轉頭過對面，但見到其他賽員同亞梅都向前跑，再望多兩眼才發現真的有條路，結果我就沿水塘邊的石屎位一路去啦！去到橋位，亞梅佢好好咁拎杯保礦力比我飲等我唔使行返上大路（真是感動啊！）飲完後，唔想亂拋垃圾，結果都拎返隻杯上大路水站，之後又繼續跑跑跑啦！其實去pt.11有兩條路，一就由東面小路去，，由東面去會經過綠間，有迷路危險，但又諗個條路應該比之前的賽員開曬，過到ga bor．．．二就由南面山窩位去，先沿小路過對面山，再沿白林入窩上去，路線較遠，但好快安全少少！結果我就揀由南面的山窩位入去啦！同時亦見亞梅一直跑，佢應該由東面的位上去。沿小路過山，見到Habour，問佢去邊，佢話同我同路bor，但走走下又唔見左佢，真係同路？見到個大窩，同時又見到Iris（我諗佢之前迷左路，冇可能比我見到佢），同佢一齊由綠間上去，０的植物真係棘得好痛，而且又高，綠間真係緣間呀！但上到山凹位，都唔見有point，突然間Josephine出現，佢又找緊個11號，大家都在找，Josephine突然一句我頭先見到個墓，就係呢句，睇返圖，我就一直向西行啦，好快我係三個人當中第一個打到個point的。

但係由於出point０的草成日“捉”住我，成日都跌下跌下咁，結果我係最後一個走出個大路ga….!

Pt.11-Pt.12
出大路就一直跑，一直跑，去埋pt.12打完，跑返終點lor…完成時間70分鐘，其實可以減少時間ga…

返到去夫人同Habour已經玩完！等左一陣，亞梅返來啦，原來佢直的迷了在pt.11幸好我冇跟佢一齊去，我等埋小梅佢地就返去啦！不過唔知點解，返去途中，我和小梅都好似迷左路，冇計，來的時候，我都冇乜留意周圍條路係點，幸好見到群仔指點迷津，我們才可繼續上路啊！

返到去，好多人已經返來，換完衫，大會又開始頒獎.

由於我們唔跟大會住宿，所以我們出去搭車去祈福新村啦！今晚仲多左亞源！臨行前大家先來張大合照！（不過好似少左Bunsen）

去到住的地方，唔得唔再叫多一句查理斯萬歲，呢處有四間房當中有一間係套房，有個大廳，有個廚房，洗衣機，沖涼房，同埋大露台（仲要見到個人工湖）！

張沙化係亞源今晚睡的地方，但都真係好舒服，之後個晚連會長都唔同夫人睡，要出來試一試張沙化。

亞源呢張床加埋用衫做成的屏風，簡直一流啦！

大家參觀完，洗完衫之後出發找食啦～！結果大家都在兜兜轉轉間找到一間食舖，見到周圍的食舍都加價，才醒起，今天是聖誕節呢！

晚上我們去了食街食飯，但由於個飯遲遲未到，當食飽”菜”才送飯來，你叫我點食呀！

由於晚上食飯的時候亞源佢成日都恰我，所以當大家都傾起第二天的早餐時，二話不說，我立即推選呢位“露營寶寶”為大家效勞～煮早餐啦！所以佢要係我地第二天6:30 am起身後煮好早餐比我地食！哈！哈！

我們在超市買完第二日的早餐，就搭車返去啦～！

當行返屋企途中，亞源無啦啦話“有棵好大的聖誕樹，你們快０的睇！”我望向佢講的方向，點知見到gei係人地的窗簾，剛好拉起成個三角形，看來亞源你醉啦！

之後返到去，大家都開始做自已野沖涼０既沖涼，搽腳０既搽腳，悶死狗的就找人打麻雀，可惜識玩的人唔得閒陪佢玩，待緊沖涼的人又唔識玩，結果大家都在11:30 am睡覺啦～！

我與飯一間房，在睡覺時不時在房外傳出陣陣的碗筷聲，好奇怪，因為我們今晚跟本沒有人用過一隻碗，點解會有洗碗聲呢？雖然奇怪，但又唔想行出去看個究竟，所以這個疑問留待明天才解決吧！

26/12/2009 兩岸四地錦標賽～短距離

25/12/09 兩岸四地公開賽～出發篇：等了又等

2009-12-25T23:32:00.093+08:00

今個聖誕同上年一樣咁趕～上年的時間表係童軍大露營－兩岸四地－四川；今年的時間表少左一樣，但時間一樣咁長同咁趕！兩岸四地--廣西。

今早5:30am起身，準備6:15am出門口，因為今朝約左飯，朱仔，Habour同Jacky於6:45am在落馬洲黃巴站集合返番禺玩定向，我好準時咁6:45am到，已經見到飯，朱仔同Habour，等多兩分鐘唔見Jacky，大家決定不見即散，臨行前想打個電話比佢，但誰不知冇人有佢電話號碼～結果都係打攪夫人。

我聽完個電話號碼之後，大家都好似迷網於1&7的數字內，到倒係1定7呢?最慘係佢個電話係有3個數字係1或7….結果我地開始撞啦! 最終Habour成功聯絡，Jacky佢第一句就話叫我地走先~我心諗你遲到就一早打來叫我地唔使等啦~而且我地都冇打算等你，只係通知你一聲我地走啦!

我們一行四人起行！最終到達皇崗時間係7:05am，齊齊去完洗手間再等多一段時間等埋同會的人，最終7:25am離開行人天穚向停車位進發。

去到停車場，有人用手指指左我地向前行，行到好遠好遠先見到班香港定向人，但大家都唔見架旅遊巴，於是走埋一邊又繼續等～一等，再等，再再等，終於有人叫我地繼續向前行，兜左一個大圈後，夫人佢地都企左係到啦～！結果大家又一等，再等，等等下頭頂上的雀仔飛過，印象中好似Ivan同小梅都中招，於是我們又拿拿臨轉移地點，又繼續等！不過好彩糖之前建議交換禮物，大家都在張畫鬼腳的紙上畫畫下先可以打磨下時間！不過張紙比0的無良人士畫到麻麻煩煩咁！最後當然有人出事（拎錯禮物啦！）

在8:10am我們最終上了車，但係在車上都繼續等呀等呀！由於大會怕難點名，故此今次活動係要等齊人先開車，所以一人遲到的話，大家都唔走得！但大會話過逾時不候7:45am準時走人。（但我們到8:15am仍在車上，架車動也不動。乜唔係不見即散，逾時不候咩??）

在沉悶的等候時間中，我們之前有份話交換禮物的都開始用畫鬼腳方式交換啦～！而且收個位仲要即時拆開份禮物。

畫鬼腳的結果係──＞傑＞源（虎紋底底）；源＞B（糖果）；B＞Bunsen（必利痛）；Bunsen＞糖（朱古力）；糖＞小梅（糖）；小梅＞Zing（惠康禮券）；Zing＞Clive（百佳禮券）;Clive＞Jacky（清潔用品）；Jacky＞查理斯（相架）；查理斯＞Julie（羊咩人樽蓋器）；Julie＞傑（addidas）；呢個時候，好奇怪的事發生左，因為仲有Ivan份禮物未有人抽，再經專業人士查核之後才發現原來糖錯了，故要同Ivan交換－即係話糖＞Ivan（水樽）；Ivan＞小梅（糖）．大家都玩完啦，笑都笑完，但係架車動也不動。

題外話：我份禮物其實後面都指明“It is not a toy”同埋寫明係適合15歲或以上人士使用，所以我買的時候一直都認為佢係一個開樽器（查理斯收到時都認為係），但當查理斯睇完後面說明書同直接嘗試使用之後才發現，原來佢只係一個掛樽蓋的用具～即係冇乜用！(=_=)”

車終於開啦~大家都爭取時間睡覺，好快~其實係兩個鐘之後，我們到了第一目的地～番禺大夫山公園小瀛洲渡假村啦！

一開始係個開幕儀式，但呢樣野對YAOC呢班人來講係冇吸引力gei，結果除了領隊出席外，其他人都落左去填肚。食食下發現泰仔佢都落左來一齊食飯！

題外話：大會要求各參加者買保險，但又冇講明話要帶份證明北上，結果我呢個白痴仔於12月24日先交保險表，致電確定收到表格後，又冇追佢地立即比份單我，就係咁，我又要比多人仔14蚊買多一次！激死人啦！至於份保單佢連同我另一個行程的保單於12月28日星期一（即我返港後才收到）。

大家食飽之後，換好衫，放好行李就行去起點啦！由於今次我們有隨團攝影師B’s Kit，而我們呢班人一向有好強烈的表現欲，所以每次一有相機拍住，大家都會爭相影相，絕不會錯過每個時刻！

基本上我地呢班人唔單止見到相機就會企定定，而且仲好衰咁自己影完就走，唔便等齊人，但係見到人地影，又唔抵得，點都要影埋一份．．．

由於我們的出發時間未到，所以大家唯一可以開心０的唔使等得咁悶ga，就係繼續影相啦！

我發現呢張相許友昭原來就係後面，影完呢張相，佢就將佢支水比左我啦～豈有此理！結果支水我交返比佢的好兄弟！

由於我的出發時間係2:29 pm，所以只有睇往其他人一個一個咁出發！而無聊的大家除了抽/拉根，就係影相啦！

我地件定向衫真係好厲害，著到個個都好Fit，而且比我發現原來亞猩個頭係大過個身ga .... ^^

好啦！等左一段好長好長的時間終於到我出發啦！

繼續收看：
中距離篇～我的700分

吃味道，看味道

2009-12-05T23:18:00.004+08:00

星期六下午二時至晚上十時在OAHK進行我們第一階段教練班的Micro- Teaching，在晚飯時間，我們一行六人到OAHK附近的食店填肚，由於presentation須要很大的腦力，故我們一致認為要食餐好少少的，故此我們去了一間叫“榮式燒雞扒”的店晚膳。

店舖不大，放了四張可分式四人台及兩張二人台，而且裝修一般，但價錢較茶餐廳貴少少，而且唔包飲品。由於我們入坐時，店舖空空如也，故此我們選擇了中間的兩張四人台坐下，那時候，有位女侍應（少女侍應A）走來，第一句說，不如你們坐近牆的兩張台吧！我們問為什麼不可坐在這裡，她（態度輕）說沒什麼，但如果有人，你們的有張二人台會有其他客（我諗想其實我們坐近牆的兩張四人台，有客時也會有人搭台，有何分別？）。結果我們還是選擇中間兩張，並將其中一張四人分為二人，結果變成了一張六人台坐。

開始點餐啦~基本上呢間野叫榮式雞扒，咁即係最出名係雞扒啦，所以我們一圍六人有四個都叫雞扒，三個飯，一個麵，另外有一個叫什菌麵，最後一個就叫豬軟骨麵，我好起得，我叫的麵的時候，隔離台酷似網球教練的人士都係同我一樣叫雞扒麵，就係咁，好快我地叫雞扒的就送到啦，跟往個什菌麵都到．當我地５位都食到中段的時候，個位少女侍應A就走過來對我們說：”豬軟骨麵售清，揀個另一款！”

Tim回應：”咁有乜得揀？”
女侍應A：”你自已睇餐牌啦！”
Tim回應：我地都冇餐牌，點揀？
女侍應A：你地自己拎走左餐牌去邊?！
文太：個餐牌係你地０的職員拎走，唔係我地拎走嫁！
女侍應A：．．．．．．(另一位侍應B拿拿臨拎隔離位的餐牌來)

Tim回應：咁我要個雞翼麵啦！
女待應：雞翼麵冇wo !
Tim回應：咁不如你話我知邊樣有啦！(佢開始唔耐煩)
女待應：你自已睇餐牌啦！

我們五人開始唔耐煩．．．

Julie：不如學文太叫什菌麵啦，呢樣應該冇乜人叫，一定有！
女待應：什菌麵我地好好賣ga wo !! (好寸嘴咁講)
．．．．

最後Tim揀了雞扒麵。
好快佢個麵都來啦~!

由於呢度的餐飲要另計，而且好貴，所以我們有五位都決定唔要飲品。終於亞高先開聲要杯水（其實無論任何食肆，要杯水是件平常事吧！），就係咁其他人都拾單話要杯水～結果我們六人要六杯水。侍應B聽完，轉身同另一位講侍應C，要六杯水～你就慘！當然在這間不大的店內，他們的對話我們全部都聽到，沒有回應，但大家都眼神交流了幾下！

接著我們他在繼續吃，還一邊討論剛才Marco Teaching　～！但突然間，坐在我隔離位的網球教練出聲問”點解我個麵咁耐都未到？是否漏了單，位女侍應A，立即去查單～因為剛才智是佢幫手落單。唔知是否有落，但其他侍應都拿拿臨話落左啦～但之後又走去問位教練佢剛才點了什麼？而我們見狀都加了一句～頭先佢（那位教練）的確一早點了，我們有人比他遲點也有，真奇怪！結果那位教練一怒之下，取消了Order拔足走了～侍應也叫不著，那位教練的背包也忘記拎走，結果我們大叫他回來取回他的背包．（佢嬲到連自已個袋都唔記得拎～可想而知佢幾嬲！）

我地之後就繼續食～！食飽由堅哥負責最後比錢，我地就去7-11買野飲！買完堅哥都行到來話唔岩數，收多左三十幾蚊！於是我地又計下係咪加一所以咁，但又唔岩數，計來計去都計唔到佢收個條數的計法，於是我地一路行返去間店，一路計，之後又有人話“係咪杯水要比錢呀？好似佢地話$4一杯喎！”我聽到第一個反應係～０下！佢餐牌都冇寫要比錢，分明黑店。“但用$4一杯計數都唔岩！最終成班人走返去問。個位女待應話佢冇計錯數，仲比埋張電腦單我地自己計，佢張單點睇！於是我咪叫佢計比我地睇lor，佢又一直叫我地自己計！頂！當時我地幾個簡直激到爆！

最終有人發現佢計多左個麵，佢收左七個人的錢，理所當然呢一刻佢梗要認錯，但佢居然仲好理直氣壯話佢以為我地七個人來食野，佢話個位網球教練係我地的人，所以落七人單～聽到呢句，我地成班人都唔順，開始講野啦～

“有冇咁離譜！”
“即使係位網球教練計埋落去，但佢都冇食，你地又點收錢呀？”
“d野幾好食都冇用，服務態度差到不得了”
“計錯錢又唔肯認”
．．．．．．．

我地仲企係到大大聲咁講，其他人都望住我地，冇計，佢係錯，而且又唔認錯。

個位女待應仲繼續唔認錯，但其他醒目的職員己見走過來道歉謙拿拿臨將收多的錢放在我手上，結果我們走了！

罵完一輪後，心情順暢了不少，就好像之前屈埋屈埋氣都發洩出來。之後仲有人話要在open rice中留言唱衰呢間食店。

大家如果去開大球場的話，就千祈唔好幫親呢間野啦！（以免受氣啦！）

香港的運動員唔係垃圾 ~ !
香港的運動教練都唔好野 ~ !

被流放在亞馬遜森林－大帽山色級賽

2009-11-29T23:43:00.088+08:00

之前答應幫YAOC的色級賽，但在河上鄉多番改變工作崗位的意願後（其實都係五分鐘之內發生的事），最終我都係選擇賽區。還記得從前在SOC幫手比賽，基本上都係負責起點，終點，成績等部份，次次要求賽區都好似冇次有我份，唯一一次就係地域的定向賽，我做Course Setter所以理所當然當天負責賽區。喜歡賽區是因為我喜歡自由度大的範圍，而且睇圖放point一定學到野，加上在山上看到唔同的選手比賽，影下佢地的靚靚相，不亦樂乎呢～！（其實係好鬼辛苦ga）

在比賽前，Bruce比左張賽區的Master Map我睇，看一看自己負責的範圍～天啊！我負責白林，一向認識的大帽山都係多石多草的山頭，乜大帽山有白林ga?? 其實白林對於定向人來說是一個好鬼恐怖的地方，因為係最容易迷失的地方，而且仲有好多看唔到的小動物，同廢柴。看完分區圖後，我第一個反應係“白林啊！～點解係我？”，不過一分鐘之後都冇乜野啦！因為今次唔係我，都有其他人啦～故此安然接受安排（其實係冇得唔接受安排）。

由於負責賽區，故此理所當然要先去一去賽區先，故此星期六幫手去落Stand（即係打unit個支柱，而個unit同Marker就會比賽當天才放上去）。去之前一天，收到負責人Jason個e-mail；copy from原文

“各位：
現在通知明天落tape集合時間地點。
地點：荃灣地鐵車厰古屋里（見附圖）
時間：早上11點正
請你自備午餐食水，按進度我們應該可以3點落山。之後可能去荃灣tea，看時間！！！
大大梁，明天早上我有事，不能在馬鞍山車你喇！sorries！！
Julie，你明天落白林（好斜的白林），請你自備手套，同埋可能我會比一個partner你，看到時候情况。　　　

Jason”

睇完段野～我對眼都淨係見到“係好斜的白林”同埋“請你自備手套”呢幾隻字！即係點．．．有d擔心！

星期六，終於上山啦，在車上不停有人問Julie你做乜咁勇負責白林，但其實我跟本冇要求過．．．而且我跟本意識中都唔知道原來大帽山係有白林呢樣野！所以睇完圖，我都一定問，我應該點解落去會安全呢？

去到停車場，準備好物資啦！我的Point大部份都係啡組同藍組玩，所以第一日都可以落9成的Stand，柱其實真係好重，你睇朱仔點都要用背部帶去，就知用手拎係幾重啦！

一開始由個咀落去，已經有好多小動物跟隨我，落去到仲見到成個有山有水的森林一樣，今次要在白林找tape帶，仲難個找個point，起初我都迷左一陣，我仲諗唔係第一個point就死呀！好彩，定一定神之後，一切都好順啦～！只不過在山窩山咀上上落落，痛苦萬分。我個位唔知點解成日都收唔到Walkie，所以如果出事都唔知點算，幸好我都安然回來！但係條路真係好難行，而且仲要拉住個袋。最終我係最早一個返去停車場gei，因為佢地的地點比我遠！所以我用等的時間去不斷咁拔我身上的草。

第二朝早，我、朱仔、Habour跟Michelle車上山，個山好大霧同有少少凍，大家安頓好大會物資料，賽區的人仔開始收拾啦～唉！即係話我又入亞馬遜森林啦！

有昨天的經驗，我都好快找到昨天的stand，大過個森林真係好森林ga！有山，樹，有石，有河，要由一個山到別一個山係要有技巧gei，先要將物資推落山，個人就滑落山，放好point，就要爬上山～重覆重覆。

行行下，忽然看到路上有條蛇，個心真係嚇左一大嚇，好驚！唔知點算好，但見佢不動，好奇心下，我再走前看一看，好彩！望真只係條蠅。

放完point，好辛苦咁爬上山去到施樂園後閘位，收到Jason電話話唔夠Marker，結果要我出返去大路交Marker，呢個時候，我有兩個選擇，一係滑返落頭先好斜的地方，再爬返上去，二係先上起點（行樓梯級再過去），之後先知原來可以仲有第三個選擇爬過施樂園的鐵絲網。我最終經起點去，行上條樓梯已經想死，去到起點，放低個落，又卜返出去大路啦，剛好～我到的時候大大梁剛到，成功交接，之後又返去起點食下野，同埋幫下手啦！

去到起點，一隻二隻見到我就好似見到隻箭豬咁，所以我都好唔客氣同佢地分甘同味>__<，之後食飽，見仲有時間，周圍影下相，結果夫人呢邊又話要一張，亞源個邊又話要一張，仲要影埋起點工作人員大合照～

張張都冇我份～所以我都要影返張相補數。

時間過得好快，開始有賽員到，今次起點分兩個入口，一個入口係啡組出發區（因為計算入錦標賽資格），二係其他組別的自由入閘時間。人數越來越多，而排隊入閘的人都越來越多，在天怒人怨之前，最終幫手開多條比其他組別的排隊入口。拿起份點名紙～我終於知道負責點名的Clive係幾咁可憐，份表用組別分好正常，但係點係唔係順號碼ga ? 佢順次序的方法係用英文姓名，即係你睇完佢賽員編號，但仲要問佢叫乜名～想死，點解唔順賽員編號ga….(改呀!) ，故此為求疏散人龍，結果我只檢查佢地的物資同抄抵佢地的賽員編號，所以好快人龍散啦！

功成身退，影多少少賽員相，我又出發去亞馬遜森林啦～！行完兩轉，已經收到賽區話有第一個藍組返來，但好奇怪，點解我唔見，當時夫人在Walkie話我眼大睇過龍，但真係？？最後我去到123個石牆附近安頓下來，等了很久，才發現有啡組的第一位賽員出現

（所以我好肯定之前藍組個位一定DQ），之後都有賽員經過，見佢地滑落去pt64號時好多人都PK，而且之後仲要找路過河，所以我個First Aid Kit好快就開封啦！

幸好有時候都遇到一些好得意的賽員經過。

但當一批人走了之後，又好多時候都冇人過～因為我呢區係啡組同藍組最後先去的地區，所以成日都冇乜人，自己一個在森林內，真的很悶啊！而且有種被YAOC流放的感覺=__=。

等了很久，夫人佢地負責起點的都走啦，原本我諗住叫佢地將我放Stand個袋由施樂園門口向山下掉下來，因為我在林下的地方，侍我收point時用，但係佢地居然冇咁做，而且仲將個袋放到另一個近路邊的Pt.127，我諗佢地認為收兩支柱應該唔使個袋，而且pt.127亦係我必經，所以放在那裡，但是我想信佢地係唔會想像到”爬上一個好斜的白林時，雙手的重要性，冇對手，我跟本未必爬到上去，而且兩支柱好尖，若果pk的話，隨時插死自已”，所以我都要去pt.127拎返個袋，至少支柱放在袋內，可以背著它們上山。

到收point的時間，難得賽區 IC 過來幫手收 point，太好啦！之後佢就去幫朱仔啦～！我繼續收，因為我張圖唔知去左邊，故此我憑記憶收回控制點，原來條路調轉行係好辛苦ga !
之後收收下發現條路唔對，但我又醒唔起上面台地有個pt，結果差唔多返到賽事中心時，收到電話話我收漏point。佢地個個賽區都較遠，而且近車路，所以佢地人人有車搭，唯獨我並沒有車～一路行返來，一路收point，一路拖著袋柱，背著背包，拿著Marker同unit返來，幸好最尾有亞飯仁慈地幫我拎一拎！

返到去大家已經收拾得七七八八，而我放下物資後就好專心咁拔我條褲的草針出來。最後來一張大合照，結束今天的活動啦！

之後大家各有各走，關始我們的搬運工程啦 !!

我們也跟著車到荃灣填飽肚子！

基本上好多人都玩殘左，出發前仲笑得出的人仔（見圖）

但去到我個區附近已經死死下啦！

其實我一直都覺得Brown組一直都係比精英中的精英玩，不過唔知點解，越來越多人士都報呢一組，有時候反而係最多人的一組，所以佢地玩得起個班人可以用兩個鐘返到來，條Course好正常。至於藍組，難度其實同啡組係冇分別，但長度就可能真係長左少少啦！

人生是要做一次笨蛋

2009-11-28T14:55:00.000+08:00

因為看到一遍blog 的題目為”說學的幸福呢”發現與我的一遍網誌名稱相同，故此引我入去看看，當然文中的內容和我那篇是節然不同啦～！

看完後得出一句：「生是要做一次笨蛋的，就是笨笨的相信自己，來找尋幸褔」！

轉載自HKBLOG

從前從前，記得給別人掉棄的感覺，尤如玩了數十次飛天秋千給拋到老遠去，自此，恨恨的給自己記住，不要給人有丁點這樣的感受。

自己喜歡身邊的人幸褔快樂，就是這樣的。

在自己能力範圍內，若可以好好的照顧他們，或是關懷一下他們，我想，會是一件很窩心的事。有時候，沒有甚麼原因，會願意發一些短訊關心一下他們、或是支持一下，可能對方是不會看的，但亦可能因你的一兩句話語，他快樂了。

別人有難題了，可以解答的會盡量解答，還不如送佛送到西的幫你解決了，最低限度，你的多此一舉可能讓別人少一個煩惱了。

最討厭就是猜猜畫畫的了，主動的說多一兩句可能便解答了別人的疑問，讓對方不用為你費神猜想。

可以的話，製造一些驚喜，點綴一下別人的生活，可能別人眼中，平凡是褔，但你的無聊事可能令對方平淡的幸褔更幸福了。

自己的指標，可以讓人哭了的驚喜是最好的，可知你一生中沒有甚麼機會是因快樂而哭的。
看過一本書，日本一位老伯伯堅持不用化學物來種植，結果在一片爛地中種出了日本聞名超美味的蘋果。他深信，人生是要做一次笨蛋的，就是笨笨的相信自己，來找尋幸褔。自己曾受過不少人的照顧，便漸漸的想推己及人，讓別人知道，原來幸褔是可以無條件接收的，沒有甚麼原因。

人生是很奇怪的，在幸褔的背後總有人無條件的傷害你，就是單純的傷害，沒辨法的。

如果風和日麗在岸邊好好的釣魚也會慘遭岩石擊中的話，實在只可以說世事無常，有點不公平，又是沒辨法的。

也許生活中不快樂的總是比快樂的多，社會中甚麼也談等價交換，但傷害就往往大贈送賣大包的給你，又是尤如九把刀筆下的殺手，在街亂找一個人殺了，淡淡的補上一句：『你沒有做錯，但我要殺你了，沒有辨法的。』

有時候，難免會累了，問一下自己：『你好好的待你，為甚麼你要好好的傷害我？』

如果生命中累積著不少的壓力、難題的話，自己實在不想再火上加油擔當著傷害別人的一個，還是想作一位守護者，好好的支持別人，在自己的角度，可能是笨了一點，但又是沒辨法的。

自己總是覺得，你說多的單純的一句，或是做多了的一點無聊事，就可能已讓人快樂了、幸褔了和受到關懷了。

永遠做一個讓人幸褔的，而不是帶來傷害的人。

渣打馬拉松2010

2009-11-27T16:07:00.001+08:00

從前我真的不愛跑步~

但無奈我又喜歡玩定向，要在定向場上奪得好成績，除了30%技術，還有70%體能，所以一直體能係我最約的一項，但無奈今年定向我居然入了精英組。

玩得精英，雖然話就話輸硬，但都唔想輸得咁難睇，結果由今年開始，無啦啦每個星期都有至少一天走去練跑，由最初和我並肩同跑的某某，跑跑下一時又話病，一時又話腳痛都已經不知去向（哼～我係話緊你），幸好～定向屬會內又有人仔去跑，結果我可以接著繼續練跑啦！從前跑步，我總會以練氣為主～因為我實在“太小氣啦！:P”　所以都會不繼以連續方式去跑，開始看到少少成果啦！

故此近排又改變了練習方法。

早前唔知乜原因，見人跑馬拉松，我又走去報～志在參與吧～早幾個星期已經聽到其他報名人仔講已經確認了報名，但無奈當時我的資料仍未在電腦上出現過。故此，今天我又試多一次，結果出現了Yeah~! 編號係B3342

今次我只是報名10公里，希望可以全程以慢速跑完啦～！Target Time係1小時之內。
為了呢個目標，我相信呢三個月都應該唔可以偷懶啦！

不過到現在，我都係個句：我真係唔鍾意跑步！

定向人生

2009-11-27T14:26:00.003+08:00

今次偶爾看到一個定向人把定向連結到人生上，我亦不期然也想想個答案來。
1. 在出發前，你有做足了熱身嗎？
     有。在身體健康上、學業上、人際關係上都做足了熱身及準備。

2. 在出發前，你有準備了指南針、哨子以及地圖？
     有。屬於自己的指南針，哨子以及地圖。

3. 有賽程路線嗎？
     有。有一條屬於自己的路線，在途中你可以不斷改變你的路線選擇。

4. 有攻擊點嗎？
     有。在到達每一個控制點時，你會不很多的攻擊點，但你必須選擇一個最佳的攻擊點。

5. 有水站讓我休息嗎？
   有。只要感到疲倦時，你也可隨時停下來休息，賽會不會限制賽員休息的時間，但在休息的同時，你要知道時間只會不斷過去。

6. 比賽的時限是多少？
   基本上沒有時間限制－你的一生。

7. 你的對手是誰？
    在途中可能遇到與你找相同控制點的人，但謹記你自己才是你真正的對手。

8. 奪分式還是越野式？
    自由式。

9. 那場比賽的名字是．．．
    人生定向賽。

看完了我的答案，那麼你們也有更好的答案嗎？大家其實已經不知不覺間參加了這一場人生定向賽了，或許你現在還未熟悉指南針的運用，甚至在控制點附近的小路旁轉了又轉也找不到控制點，甚至還未清楚自己的方向，位置；那時請你切勿忘記哨子的作用-在你人生上的作用，請你放心，這場比賽是不會DQ你的。

忽然間我想再加多一題，問題是

「在比賽途中，你可以中途放棄嗎？」試想想吧！

P.S. 在一場迷官似的地圖上，你總會兜兜轉轉，不知去向，但最終必定可以到遠終點的！！

全城奪寶在荃灣~

2009-11-22T23:58:00.001+08:00

今日去玩荃灣城市定向，記得上次玩係同Bruce & 愛麗B一組跑＜龍城定向＞http://juliechiu1008.blogspot.com/2009/05/2009.html，賽區範圍較大，但賽員可以搭交通工具．限時兩小時，但上次係跑到我死死下咁。而今次一樣限時兩小時，而且唔可以搭車，就只有跑跑跑，不過唔知點解我今日跑得好輕鬆，而且仲可以等下隊友，唔通真係"跑得More”的成果？！

因為之前有毅行者，同其他訓練，所以今日唔係好多定向人去，而我基於利害（利益）關係，最終都係組隊女子隊～因為報名表話明頭十名都有獎牌（每人），而頭三名就多個獎盃（每隊），而且最少有禮券$100（每隊），即係話可以填返報名費，心想女子隊比混合隊更有機會獲獎，結果真的沒有錯！由於我係最後一日交填名表的，所以收到確認信時發現自已的編號係07，我就知道今日女子隊的數目呢．．．．^^

大會要求賽員7:30報到集合及派發物資，但實際出發時間係9:00，足足要食1.5小時西北風呢～去到報到及領取物資部，大會要求三位隊員全到及出示身份證才能領取物資，物資包括每人T-shirt一件，比賽地圖一張及問題紙一張，唔講係咪每人一張圖，但一早派地圖咪即係有1.5小時去計劃路線問睇問題？結果人人都用呢1.5小時去計劃路線~! 但係其實可以出貓的地方實在太多啦~!

規則及玩法其實係咁:

所有賽員必須穿著大會指定藍色T-Shirt參賽，以確定賽員身份．
每隊有一張地圖及一張問題紙
問題紙係選擇題，有部份題目係問東亞運動會有關的資料；另外有部份係問返去到個點至有答案的問題．去到個點，工作人員見齊一隊人先會蓋章，但蓋章前你要先答對問題，否則去到，又答唔到係冇印章的．
限時2小時，超時者一律被取消資格．
比賽以徒步方式進行
愈多高分控制點，就勝！

差不多9:00，大會叫賽員集合，但其實賽員身上冇號碼布，而且出發前又唔點人，問心如果有隊一早走左都冇人知啦！不過我們是”真正”的運動員啊！

出發啦～一大批公開組的人仔出發先，我的組員一開始已經說”今場比賽，只為取回報名費，故千萬不要超時”為目標，但玩還玩，我們也是認真的，雖然放棄了又高又遠的圓玄學院的point，但油甘頭碼頭及荃景圍都要去一去，一開始我們已經拔腿狂奔，向碼頭進發，就係咁，我開始Feel到我的體能真的進步不了，可以Keep往一直去一直去，由於張地圖沒有比例，所以我們在跑的時候才發現碼頭真的比想像中遠，去到碼頭，第一個問題係碼頭支燈柱寫了什麼數字，答完，但當時工作人員跟本未Ready（呢個point算遠都未Ready，咁如果有人一早去近少少的point咪連工作人員都唔見？），我都唔明，賽員都7:30報到啦，但工作人員到9:00都未放學point （給大會意見留在最後才繼續說）,

打完，我們又走了，我們今次分工係～邱鍾華負責拎圖及睇圖，我負責答題及去印蓋章，Josephine負責找答案，可能真係跑得More關係，我都一直在前走，打完第二個point便開始向荃景圍進發，上次石龍拱我見人由荃景圍天橋落車，再行上去，已經覺得傻仔。估唔到今日居然輪到我．．．

去到後條問題係問"公園有幾多個入口"，好醒的我們第一時間走去張公園地圖上看，好快知道了，之後就開始衝落山去體育館啦．．．．．．．我們經過華卜公睇噴水池有幾多層，又經過三棟屋睇佢門口兩個瓦崗封口是什麼顏色等.....好快打完，今次係邱鍾華負責睇圖，所以我好放心咁聽佢講去邊就去邊（因為佢係我一開始玩定向已經想跑過佢的人，今年我要實際地跑過佢）．．．結果去完惠荃體育館，我就已經感覺到大家唔會再上去，所以開始向下方的控制點進發。去到大窩口地鐵站附近（我以前地頭啦！）所以好快咁衝落去個公園洗手間附近，見到兩位童軍仔負責守point，呢個point的問題問東亞運動會共有多少個比賽項目，答題紙上已經答了，但唔知點解位童軍仔又繼續問多兩條問題，當時我地已經話呢兩條唔係我地個組答的，但個童軍話大會叫佢地咁樣做，佢一邊繼續問，我一邊望實佢張問題紙同答案紙，佢未問我就答曬佢的問題（當時我心諗童軍仔你邊個旅團，我一定記住你）返到去，問返其他組，佢地都係有同一個情況。

打完條街的point見仲有好多時間便一口氣跑埋去9號point啦，沿路去的時候遠望見到有支藍色的旗仔係人群中不繼移動，結果我地就追，追到啦，答埋問題，蓋印走人，向終點進發。

我地返到終點，好奇怪，有好多人仔熱烈歡迎，而且仲拉埋banner比找地衝線（還有好多大會攝影師），之後又有好多人走過來問我地組名（感覺就好似奧運田徑獲金牌的運動員一樣）～冇計，因為我地係女子組最早返來的一隊，時間只花了1小時31分鐘，但交完答題紙，就有人問乜冇蓋曬所有印仔？我地已經答佢緊係去唔完啦！

等多15分鐘多，開始陸續有人仔返來啦～！

其實玩開定向的人都有個習慣，見成績公佈才有頒獎，但今次好奇怪，大會好快咁就叫某些組別報到，準備領獎，當時一名資深定向人第一時間向大會查詢自己成績分數，大會在毫無理念要公佈成績之下，將他們的分紙交回他們check分數。最終在獎項未公佈時，大會最終都將各組別的成績公佈。

最終我們只取了第四名（達到我地最基本的題標～取回報名費）！其實定向人成績（我認識的）男子公開第一名：泰仔組；男子公開第二名：張志高組；

女子公開第四名：Julie組，頒獎時有樣好得意的事發生左，個頒獎嘉賓無啦啦問我是否應報錯組，我問點解？佢話我應該玩學生組，哈！所以呢一刻我笑成咁（有相為證）。

混合公開第四名：飛生飛太組；混合公開第七名：成坤組；

家庭組第三名：B佬組

個個都滿載而歸，之後跟左大隊又去食我至愛的中式自助餐。

Feedback :

場比賽有好多漏洞，晨咁早報到時派地圖，但派完地圖後又冇限制賽員活動範圍，賽員一早走左去個POINT 都冇人知．
出發時跟本冇人去點人數，所以一早唔見幾隊都唔出奇。
早上七點半叫賽員報到，但係當出發後，部份控制點的工作人員跟本未ready，我第一個point其實已經好遠，但去到佢地都未set好野．而B佬個組先去近的point，點知連印都未有，要佢打電話返大會問點算好～就係咁浪費時間，冇左第二名啦！
同以前城市定向一樣，一組一張地圖。
地圖沒有顯比例，所以都擔心會走得好遠．
成績跟本未公佈就打算頒獎，如果唔係一位堅持要成績的賽員，我地都睇唔返成績。
人人有份的獎品其實都係賽員參加的推動力，如果只有第一至三名才有較高的獎金的話，我想大家都會好無引．．．今次頭10名都有獎，真開心！

溺

2009-11-18T15:21:00.004+08:00

一對不負責任的父母

將兒子交予一位老人家照顧

爺爺不知是不懂教還是沒能力教

但仍溺愛著孫兒

結果孫兒終日沉迷打機，打人

每日不願回校

．．．．．．．．．．

在電話中，爺爺繼續訴說自已被孫兒打．．．

這是溺愛的後遺症．．．
．
．
．
．
真的很心痛！

迷失了的14號point ....HKOC錦標賽

2009-11-15T22:14:00.017+08:00

本身諗住夜晚去觀星會好凍，加上住新界區氣溫低幾度，所以今朝都著好多好多衫～！點知去到荃灣～已經變左個火人（熱死人啦！）

去到找到位食完野，跟Harbour去洗手間，收到夫人話大家都搭的士，所以我地就直接去到的士站，去到的士站，已經見到有三個人，本身我都冇諗住跟佢地車，但五人的士剛好人齊，結果上了車。我地上左兩部的士～就在上落的過程中，Jacky唔見左部電話！可惜，我地幫唔到佢d乜，查理斯幫手打去的士台問，我諗都係凍過水！

落左的士等埋夫人佢地準備開始上山，點知佢地一出車就想殺左我～原來佢地在電話上話等埋我搭的士，而唔係話比我知大家去搭的士，結果係佢地的殺氣之下，我不敢再直視佢地。（咁我真係唔知你倆個話明同我一架車ma….）

去石龍拱基本上都要行一段好遠的上山路，對於上山的路段照理夫人應該都會一直在我們的背後！

大家都係一樣，一路行一路剝！最終花了半小時去到賽事中心啦！

今日查理斯帶了個shelter來，大家在山上揀好塊地，就開始起家啦！

終於有個瓦遮頭啦!

今次賽程ME&WE係一樣gei，而且男子組會出發先，所以我要到11：52才出發，基本上我出發的時候應該冇乜人！等等下仲已經有人完成左，而且仲一個接一個，最後仲聽到周生都已經返左來，唔知到我出發時，個山仲得返幾多個人仔呢～！

等等下，亞飯佢不斷被人讚，讚乜？個個都話佢瘦左，這個讚美我相信冇女仔唔鍾意～所以亞飯佢笑到見牙唔見眼呢！想讚女仔的話讚佢瘦係開心過讚佢靚左ga !!

之後見到上次白理義個位伯伯，同佢傾左一陣，突然間醒起上次聽佢講話來香港一個月到，但奇怪佢咁都帶埋d定向用具來，真熱心啊！而且今次位伯伯冇帶指南針，我為佢擔心之際，佢就二話不說地問我向海個邊係乜方向，就係咁，佢就出發啦！而我都出發！

由於之前扶輪公園＆河上卿之後，我知道第一個point死左就真係死左，特別是今次張圖都係1:7500，所以唔可以唔小心!!

＜＜＜ST. - PT.6 ＞＞＞

ST-Pt1

出發之後，不繼咁上山，唔知係咪之前去賽事中心同去起點不斷上的關係，自己隻腳好累，但係因為第一個點要小心，所以都係慢慢地去，好快見到point１

Pt.1 – pt.2
打完1，打bearing去point2 原來, 過兩個綠色去第二個山咀再入少少見到啦!

Pt.2 – pt.3
打完2，去3，一直去一直去，未去到三個泥坡時見到亞姐，亞姐由林行返出來，因為我係最後出發個幾位，而且我冇諗過我會見到佢，所以潛意識話我知佢唔係找緊我要的point，佢應該去緊其他的point，點知去到三個泥坡的位～Oh!過左，返轉頭去啦，但又唔係好見到，兜了一輪，連群仔都出現，再望遠少少連亞飯都見到（佢遲我4分鐘）結果原來頭先見到亞姐出來的位，就係個point的位！（呢個時候我仲未知道原來自己有種顏色係唔識睇．．．）

Pt 3-Pt 4
見到亞飯，心急了～所以知道跑邊個方向後就跟住群仔去，結果跟人當然出事啦～跑跑下群仔消失了，但自已呢？發現個point都消失了，死火！亞飯也來到，佢好似講左句“唔係呢邊”～我再睇圖，最終定了位去打point啦！

Pt.4-pt.5
打bearing望上山已經見到個point ( 記往係望上山)．．．過左墓，就已經好勇直接爬上去，上到去個位剛剛好，見到舊石，個point就係隔離。

Pt.5-pt.6
亞飯都一直係我後面，呢段路之後，我們分開了！打完point 5，上到頂的標高柱後，有兩個選擇，一係沿北面小徑落去，去到路交位再沿東面小徑去，二係直接向東面山咀去，其實去到，都唔使諗，見個咀都好似落到，結果就衝左落去啦！見到條小徑，望多望見到個墓，打完走人。由於亞飯落山較小心，故此我就乘機打完point即閃人。

Pt. 6 – pt.7
打完之後沿小徑去，一路行都冇少少擔心唔知邊個位上返去，結果轉了路彎後，行多少少見個林可以過到，而且開始平少少，就穿返過去，一去到好大個空曠地，見到個墓，再行入少少見到堆石，打到個point啦！

Pt. 7 –Pt.8
出返去個空曠地，遠遠見到飯睇緊圖，由於當時我見到另一位ME人仔一支箭咁跑落山，我又學佢一支箭咁跑落山。跑落去個屋仔附近，無啦啦見到行返轉頭（我仲諗乜佢同我唔同組咩？原來事後先知佢跑落山時唔見左張指咭），過左建築物，再揀好路就上山啦！行行下，遠遠比我望到夫人，但好怪佢好似落緊去個綠色的山窩，冇理佢，行埋上山，打埋個point走人。

Pt. 8 – Pt. 9
沿路落去，去到差唔多位，見到好幾個人仔找緊個point，但一於少理，行入少少見到個point打完，好快又衝落山！

Pt.9 - Pt.10

衝落山撞到大路，揀埋條路再直去，見到個墓，再直去見到空曠地，望多兩眼在堆植物後面見到，打完直接向 pt.11進發！

Pt. 10 - Pt.11
揀好方向，衝落去，見到個山粒大石，而且有好多人，好彩唔後我上去，去凹位好快見到，轉身見到個墓同條路，向Point 12進發

Pt.11- Pt.12

條路一路行都有懷疑，因為方向總有點問題，而且都密少少，但可惜冇得擇，我只知道見到大路就得，好快見到大路，望遠少少見到個墓，而且見到時光機啦～！（佢比我早12分鐘出發），去個墓時，聽到Harbour大叫 "0下！見到Julie !! "，當時我心諗預到我你一定”迷緊路”，因為Harbour雖然唔同我同course但比我早成30分鐘出發，呢個時候仲見到我～你迷緊路啦！！
Pt .12 - Pt. 13
我見時光機向東北面路行，但我諗了一諗，沿南邊大路去，一路行都一路諗點去pt 13好，因為我擔心去錯位，見唔到pt13，結果就想在小徑連接處上去，但唔知點解一路行望去左手面都係一直都係綠色，而且右面又好似唔肯定係唔係小路，結果最安全的方法就係由泥坡上去，沿泥坡去被我發現條小徑，一路行行下，好快比我發現個pt13啦！

Pt .13 - Pt .14

打完pt.13就衝落去啦，因為知道方向向邊去，而且望返手錶，時間仲未有一個鐘，所以都心情好興奮～好快返到終點啦！一口氣衝到去空曠南邊，見到個Point以為自己中啦，點知去到發現個point叫40，但我找個個叫62，當時我心諗點解唔對？唔通睇錯圖？周圍望了一望都唔見，結果跑返出去，再用大路，小丘定位，再入去，奇怪？又唔係，之後發現附近山窩粒石有個point，無意識地走去看，當然不是自己啦～佢叫39，我嘗試用找一找這個39在地圖的位置．再用呢個point定位去找我的62，但係無論點都找不到，時間不斷過，在過程中亦不繼嘗試尋找，浪費的體力，突然回頭一向，望見遠遠的pt.13有一個橙色和藍色的人仔，即係話亞飯同時光機也很快會到．心情更加急！在無助之際，我最終叫了出來”我找不到62”，結果意外地有位賽員回應我一句”就在入面”，我抱半信半疑的心態入沿40號入去，再入再入，最終見到62！時間花了00:14:09。

Pt.14-Pt.15

打完pt.14便一支箭咁去pt.15，追回Habour和剛才打救我的賽員，望見在石堆中有一粒特別尖的石頭，二話不說衝呀！打完走人！

Pt.15-Pt.16

打完pt.15，更要爬山打pt.16，由於剛才找pt.14我已經浪費了很多體力，結果今次上山簡直想拎我命，一路上都行下停下！最終打完pt.16。

Pt.16-Pt.17

打完pt.16又落上去大路數第二個小丘，打完，去終點啦！

Pt.17-End

我印象中賽員須知話水站設於終點，故此我一心以為去到水站更見到終點，點知去到水站，唔見終點，唉再要向前去～我當時心諗做乜個水站設在終點前呀～個個都衝左去終點先啦，點會咁得閒飲水～諗諗下見到終點啦！Habour之後都到終點。

返到去賽事中心，第一句就問ME的賽員係咪用了1小時完成，結果冇錯，如果冇犯錯，時間會再少10分鐘。

此外，返到來已經見到一隻二隻的男士們都已經攤在shelter上，還睡得很好呢～（因為佢地差唔多比我早出發成粒鐘）

當女士們坐在草地上討論賽程時，男士們就大覺訓．．．．等等下亞飯也回來啦，原來她也迷了在pt.14呢！

大家最開心的就是談回自己比賽時的經歷！

其實今次我也滑了三次，幸好隻腳即時扭回，冇扭傷，但群仔就慘啦！

休息了一段時間的男士們要做番d野啦～而年青人最終都要幫手帶返張shelter 比查理斯。

之後跟大隊去沖涼，跟住就去食我至愛的中式自助餐(飲茶)啦!

其實今次跑得十分爽，而且有少少唔夠喉的感覺，可能係因為冇乜點入林啦！
不過最可惜係當日天氣不好，觀星活動改期了～！

說好的幸福呢

2009-11-14T22:59:00.004+08:00

一星期前的晚上，在將軍澳發生了一場嚴重的交通意外，還記得在星期一的早晨看著電視的報道時，心裡第一個反應係～到底我校的學生或其家人有否牽涉其中？因為事發後要做的事可以好多好多，但幸好在返工前手提電話一直也沒收過任何電話，即係話應可以放心小小！

或許以前在青少年中心經歷過一次類似的事件～一名小五學生自殺，當時在電視看到時我還以為是置身事外，但其後返到中心才知道她和我們是有關的～一連串的人物也是需要關注的～人真的要經歷過才會成長！ (我成長了)

意外事件上的兇手司機是可恨的，無論在他背後有多可憐可憫的解釋，但事實上生命的確被白白奪走了～別人的幸福也被奪走! 15歲的女孩還有很多未完的夢，還活著的人也要帶著損毀了的身軀繼續活下去，過著不似過往的生活．．．

每次憤慨地說著一連串的交通意外，最終總會哭了～是我又想起了那年的交通意外呢～無奈現在我還是在倒數那位殺人兇手的監禁時期，還是害怕司機旁的位置！！！

有時總覺得回憶，也是負擔！

談回上星期的交通意外，明天是第七天～中國人總會相信逝去的人會在第七天回家，願走了的人安息吧！

近排總喜歡聽著這首歌－說好的幸福呢　http://www.youtube.com/watch?v=6xc3dHjPje0&feature=related

我的名字

2009-11-12T21:02:00.011+08:00

其實我想信一個簡單的稱呼其實已經看得出你在別人心目中的地位，身份...但我相信男和女對這個名字有不同的看法和感受。
係屋企，爸爸同媽媽由細到大都會叫我做”妹仔”，以前係因為我十分難教，唔聽話，成日比佢地罵我，罵罵下，就習以為常用這個名字稱呼我，就好似以前粵語殘片通常要服侍大小姐的丫環一樣，被人稱為”妹仔”．．．

工作上通常已有一個固定的稱呼”趙姑娘”，”趙Miss”，但係我校的學生一向都”好好”，一入來便叫你一聲”靚女”，坦白講咁樣稱呼我的人通常都會比我炳一大餐。其實我對這個稱十分厭惡，第一：瞎子都知我同呢個稱呼差十萬八千里；第二：凡人名，為何不叫名呢？一點尊重成份也沒有，就好似電視入面，每人入到街市，任何人都會被人稱為”靚女”，”靚姐”一樣，俗！；第三：我總感到有點反諷，侮辱成份；第四：如果真的要讚人的話，我相信一定有其他便好的說話．．．所以唔係所有人都鍾意咁既稱呼。

另外，我其實也討厭在名字後面被人加上”姐”字，例如"Julie姐"，"Julie姐姐"，特別係年紀大過我的人都咁樣叫，聽起來簡直想死，講到我好似好老咁！而且語氣中輕佻又唔似係因為尊重我！

對於我來說稱呼別人的英文名，綽號等也是友善的，親切的，但如果係將你個中文全名原全讀出來的時候，我相信那時應該是我開始發惡～視你為敵人的時候了～所以被我叫出全名的人仔，請小心你的說話！我還記得上星期六在白石橋做attachment的時候，被人在眾人中高呼我的中文全名三次，感覺就好似被人呼喝一樣，毫無禮貌！

說到尾，請叫我一聲Julie已經夠啦！

油山換水~單車定向日

2009-10-26T23:19:00.011+08:00

之前兩日都係定向，去澳門，另外又白理義，今日都係單車定向．．．

今日跟油山換水呢個HeaHea組織去玩，不過話時話，我都真係唔係好記得我到底幾時入？邊個叫我入？但我絕對相信今日的活動絕對與呢個組織的宗旨背道而馳．．．．．．

基本上一朝早，我已經底估由屋企去馬鞍山的交通時間，原來等火車係要成10分鐘．．．所以我遲到，幸好我唔係最遲個位，所以內心都舒服D!今日去的人仔好多，不過大部份我都唔識gei!但正常地我都唔會比自己由沉悶落去～好快識到第一個人仔～Winnie啦！佢話我知原來今日活動分三組～辛酸組，Hea組，同枯萎組，佢問我打算入邊組，我一聽枯萎組呢個極度“核突”的名之後，唔便諗一定唔入，之後都係同Winnie一樣爭扎玩辛酸組同Hea組啦～！

大家試完車之後開始分組～基本上亞源係我心目中是一名“HeaHea”人士（當日我完全改觀～記往只係當日），我相信跟佢一組絕對冇錯（唔會辛苦得去邊），結果我、源、瑩、榮同Charmaine五人一組啦～！

今次的遊戲玩法係，每組有一張地圖同一份提示及事工紙，提示紙係要去到指定的目的地，你先可以打開下一張的。

部份事工係要到正確的地點才可以做到。基本上我仲以為可以輕輕鬆鬆咁去玩，點知～“亞源，我睇錯你啦！”佢地成班人起勢咁去，起初都唔係問題，不過踩踩我發現原來我一直都唔識用後掣剎車，因為以前我好輕鬆咁踩，要停咪用對腳lor．點知今次用盡力去踩，用對腳係冇可能．．．好彩亞瑩發現我呢項，結果一路在佢從後指點後，好快我都好放咁用到剎車啦！

去point1 唔係問題，point2唔記得邊個負責睇圖同帶路，去到我地“以為”的目的地(張相個位)去到打開下張紙先發現找唔到要的資料（地方英文名），但好彩突然醒起經過過火車站，應該可以在地圖上抄到，結果我地又踩返轉頭啦！（但最後先發現point2係火車站）。

之後我依稀記得在某公園個了差不多半小時事工，另外又在海鮮坊又停留了半小時，之後我地遇到另一組的組員，佢地同我們條路線係相反gei!

見到面除了影相外，還有互問答案，佢地個組有d IQ題唔識做，結果集大智後，答案全部都有啦～而佢地個組都好似話有位“數獨王”結果我們就張張數獨紙交比佢，但係唔知點解佢地dIQ題我地解曬，但我地d數獨好似一d都未動過。兩組話別後，本身Charmaine架單車“甩鏈”，亞榮幫佢整，所以我地都在遠方等一等，但之後見佢地開車，我地又繼續去啦！由於我死跟亞源係咁去係咁去，亞瑩就在我係面，所以我地三個同亞榮佢地的距離遠左好多，但去到某間酒店附近，我們最終停下來等一等，但等了一段時間都唔見亞榮同Charmaine，點解呢？再等！再等等！都唔見，決定打電話啦～不過唔知點解大家好似溝通唔到”（佢話過左隧道，佢又話見到條橋），只係知道亞榮佢地應該去左好遠的地方。結果我們一等再等，最終我們都相遇了！之後又繼續來來去去來來去去～上斜路真係好鬼辛苦！

去到大學站附近，又同剛才分開個組相遇啦，有人受傷，幸好無乜大礙，但就好似變左個繃緊人。（大學站條路我足足去左三次）

最終大家都到底終點站。不過原來有一組比我們快成粒鐘到（真的不可思疑？＝＿＿＝．．．．見到佢地踩就知發生乜事啦!）

下午係奪分式，話左去但冇去的話會扣分，但唔知點解起初我個組冇人聽得明，只係以為冇去就扣分，所以大家都好狠咁想拎曬d　point，在下午部Charmaine放棄跟隊，本身我都以為自己還可以，但點知下午佢地的行勁更加快，我都未試過踩得咁快～逢人過人的感覺其實一d都唔爽，而且都有d驚！

最終在回程的時候，我都死左一大半．由科學園到大埔，再由大埔返科學園都已經8K幾，真係好累！但因為佢地踩得太快，影完八仙嶺再去下一站之際，大家都Miss 左小白露，結果佢兩個有氣有力的男士就踩返轉頭（不過真係好鬼遠），而我呢０的冇氣冇力的人士，就繼續去，去到科學園盡頭，我停低等佢地，但唔知點解等極都唔見，結果又一等再等三等，好耐好耐，仲見到另一組的組員經過問下佢地見唔見我的組員，佢地話在科學園見過瑩，等得唔耐煩，打比亞源問下，點知佢電話好似人地返左大陸但又冇漫遊服務咁，直接去左留言，冇計之下死死地打比Clive拎亞瑩電話～就係咁佢地知我地失散左啦！

一段時間後，我地於另一位集合點附近與瑩會合，再去巴士站，另外兩位男士已經於陣亡於小白露，結果得我和瑩繼續去！回程時，再會合。

之後亞源還想繼續，但其他人的一句“下一站唔係終點咩？”，結果大家都打算去到橋位再算～（當時個天都黑曬啦！）

當我差少少去到橋位時，好衰唔衰當我正全速向橋進發時，我比一架正想cut線的單車車尾碰我車頭，當然在我冇乜體力的情況下，跌了落地，幸好按我過往情況，基本上起身發覺冇扭傷，冇擦傷應該都一切正常（返到屋企先知個膝頭哥瘀左），激死我啦～佢cut線又唔響呤，打得少！結果就係咁，順理成章可以返去終點啦！

返到去先發現原來我們是最遲回來呢！乜大會限時唔係7時30分，不過今次都幾好玩，而且有人搞比你玩，辛苦曬Clive & Zing！

救世軍港澳定向賽09

2009-10-24T23:07:00.027+08:00

活動報名時

其實於活動報名時，曾經有人邀請過我一同組隊參加，但結果婉拒了！就因沒有我加入，所以成績也不錯（出乎意料），取得了公開組第三名，而且沿途有三位美少女相伴～不亦樂乎呢！

工作人員招募
由於在會內招募時，Jason以"豐富自助午餐"作招來，結果就招了我、夫人、飯、B、朱仔去澳門幫手了。

活動舉行前的星期三晚上

在活動舉行前的星期三，我們也上了救世軍總部進行簡介會，當晚亦分了船票，負責區域，電話咭等物資，原本大會為我們提供了每人一澳門電話咭，但當我知道我負責的賽區與義工集合的地點較遠之後，心諗如果要930集合，要1030去到放好所有控制點，有難度呢！結果把心一橫，便想直接與澳門義工更改集合地點吧～結果便要求大會提供每人多一張的電話咭，以便我們在港可以聯絡澳門義工！

活動舉行前一天～星期五

上午九時收到夫人電郵問是否已收到澳門義工資料? 因為原來香港的義工資料已經一早發了，唯澳門很久沒有動靜，在大家多番電郵來往後，結果早上十時三十五分，收到大會提交的澳門義工資料及其他須知，即係話如果要聯絡義工便改集合地點～就要在今晚。一放工，二話不說返屋企拎張電話咭打左先（其實我約左人食飯），因為如果食完飯先打，擔心佢地訓左，又擔心太夜唔係幾好，都係打左電話比較安心，幾經了解張電話咭點樣先可以在香港打出去澳門後，第一個電話打出啦～但一接通電話第一句係”你好（普通話）”，接著一個接一個都係一樣（我有12位義工），在普通話加英文的情況下，佢地應該知道集合地點和時間，好了～可以安心出街食飯。

24/10出發啦！
由於物資眾多，結果夫人約左我地七點鐘到碼頭集合，晨咁早離開屋企在車站等車的時間，巧合地比我遇到位疑似定向人白蛋～但因為呢個咁早的時間，呢個地點～西鐵站同佢的服飾（便服），令我擬了一擬，為免認錯人，都係唔好打招乎好！（但係去到集合點先知原來白蛋是代表HKOC和我們一齊去）

上船

大家都好早起身，結果一上船個樣都仲係呆下呆下咁～

但當抖了一會後，大家都開始開始啦～！

當大家分好物資後，艘船都已經到澳門碼頭，過關後，大家第一站都係洗手間，故此在慣性上，我們也會將物資放在一起，再去洗手間，結果便形成了這個境象～白蛋像國內同胞剛從香港購物回鄉呢！

笑完後，我們又開始各自工作啦！由於我和B負責的賽區較遠，故此一出碼頭，我和她都立即搭的士去約好的目的地，一上車，亞B講左句”０的花好香！”，我又加多句”係咪叫姜花？”，司機就無啦啦將車上其中兩扎花送了給我們～好開心呢！一上車就有花收！之後機司就與我們有濤濤不絕的說話啦！有講到澳門賣旗啦！的士司機的交更時間等．．．，好快我們便到了和義工們的集合地點”市政廳”的噴水池！由於時間尚早，我和亞B都影低能相啦！

時間一分一秒地過，我和亞B的義工最終都平安出現，之後大家又各自散開啦！今次我的義工全部也是來自澳門科技大學的學生，而且大部也是來自珠海，所以我都要用普通話和他們來個簡介，後來演變成為英文簡介。簡介完成後開始帶班義工去放point同守point！問題來了，原來在賽區的物資袋內是沒有地圖，幸好上次去簡介會分賽區時每人有張黑白地圖，而我又無意地影了多張帶了過來，所以可以每組都有張地圖。

我的義工最強組合如下：

呢四位真識做，佢地係唯一一組同我講”辛苦曬”，因為活動結束後，我都一一向各位道謝，結果意外地得到一句”其實最辛苦是你呢！辛苦曬！”

接著呢兩位係可以同我用廣東話溝通的人，佢地負責的地方基本上連張椅都冇，佢地只可以坐在附近的矮石柱上，而且佢兩個好好笑，佢地同我講話對面間舖食翅原來好出名，但開始營業時冇乜人，佢倆唔敢入去，但當見開始有人龍的時候，佢地先知好野，結果排左好耐先可以買到碗碗仔翅，最慘係佢地仲要企係個point隔離，一路守一路食！

上面兩位係幫我守最遠的point的兩位，因為地點遍遠，而且又冇乜食店，所以我也感到他們有點不高興，而且還對我說義工$50津貼跟本不夠食呢！唉！我見狀只好留下來陪一陪他們，說說自己暑假去廣西做義工經驗，分享樂趣，半小時後，見他們也接受了安排，便離開周圍巡區。

此外還有三位義工，但忘記影相！

賽區安頓好了，便打電話與飯、B和朱仔一同午膳。我們相約在大三巴，朱仔足足行了1.5小時才到呢~! 會合後，我們的第一站係雙皮奶店，當時大家也很期待下一站食店，而朱仔便帶了本澳門食書來！不過好可惜當我們離開甜品店向下一站進發時，朱仔收到賽區義工急電，結果佢就係咁同我地分開啦（基本上佢成日就只有一柸菠蘿冰落肚），其後我們繼續食食，食鍋貼，豆腐麵，本身還想食埋椰子雪糕，但間舖冇開門。食飽後，我們又分開繼續工作啦！在賽區難得也遇到香港定向人呢！

除了定向人，還遇到他們啦！加油呀～！

其實定向係一種要頭腦＋體能的活動呢！你看賽員也很苦惱啊！

到活動接近尾聲時，很多賽員也開始累了，要休息下來！

當收到大會電話話所有賽員已經返了終點後，我們終於可以收工啦！

返到去，放底物資後還可以趕得切看頒獎禮，而且意外地下面四位取了公開組第三名呢～但相返定向隊原本以三小時佔冠的定向隊，因為在香港因某種原因去到point但又冇打到，結果白白入不到三甲。

雖然未必人人有獎，但大會也為所的參加者送一個紀念牌～點解工作人員冇gei.....

見獎開始頒完，我們開始收拾物資回港啦，故此找了夫人先去碼頭換船票，而我們就合力搬回物資到碼頭及回港，但估唔到有賽員投訴成績出了問題，部電又開番用。我們唯有再等一等埋白蛋才離開，在等的時間，我們聽到大會頒紀念品予協辦單位，開始叫香港野外定向會時，我們也叫白蛋上台領，但佢好忙，之後大會又青進定向會上台，結果我和朱仔便一支箭咁跑了上台，而且還替HKOC取。

雖然台上只有兩個人，但其實這件野係屬於所有青進工作人員呢！

亞B當然有份啦！

由於我們太了解夫人脾氣，比佢知道我們上了台，一定”炳”我們，結果我們一致認為暫不告訴她是為上上策，結果在船上，朱仔不停偷笑，而夫人在毫不知情的情況下不斷細說她享用豐富自助餐的感受（因為佢一直留守終點，沒有跟我們出外午膳）。

請繼續努力

2009-10-06T15:43:00.001+08:00

其實放假我一定逃出城市(其實我已經往緊鄉村)~ 望見藍天,白雲同綠林是件快活的事! 或許我應該往山洞 !

在這四天假期的前夕,忽然來了件較麻煩的工作, 做了一件不相關事件上的見證人,第三者,結果我由第三者的身份變為負責調停的一份子, 一下子有種無奈, 但也要接受。

工作的內容當然不會提及, 也是應有的專業操守問題, 但一個星期在電話內與對方對話中, 也忽然變了智力角賽, 一不小心 ! 會上公堂 ? 會見報 ? 我不知道, 但至少也有提及我吧!

有些時候我真的想不通作為家長的身份和角式, 只會相信自已子女的說話, 抱著信!信!信! 的心態 ; 只會不繼包庇 , 不繼為他製造藉口! 這是愛嗎 ? 我只知道若有一天發現被騙的一刻, 會怎樣呢 ?

在四天的假期, 基本上我沒有用過腦袋或許我也是沒腦袋的 !
忘掉日子和時間的感覺真好 !

假期後, 還要面對啦~! 繼續努力解決 , 10月17日堅持不開工呀~!

19號仔 ~ 野外定向排名賽(一) 扶輪公園

2009-10-04T23:13:00.009+08:00

玩定向的人生中，同去O-ringan一樣，總要有一次機會做下”精英組”先得gei~!因為以我的體能和技術，信相機會唔會多！當然，有得跑就希望會跑好０的啦。今次掛著19號去跑呢個組別，所以真係好緊張～好緊張！(絕對冇誇張)

*************
原本我係跟大隊搭J-臣車，但由於我10:11出發，較他們早，而且賽事中心去起點都要成半個鐘，佢地集合的時間9點鐘夾我唔到，所以我只好獨自上路。

8時35分出了錦上路西鐵站，結果一輛51號的車尾就係咁同我"say bye "，此刻我心知「弊！」．由於呢班車疏到冇朋友，下一班好大機會要到9點先有車，所以我當時真得急得要命！在巴士站上還對自己說，如果8時45分還沒有車，我搭的士上去吧！結果到了限定時間，正當我走去問巴士司機幾點開車之際，佢遠遠向我舉起了五隻手指（或許我的樣已經表露了我的問題），結果我就等埋佢呢5分鐘。由於唔知車行時間，在車上，我已換埋衫，著埋鞋。

最終9時10分到達扶輪公園。但最可憐的係，我去到的時候，其他搭私家車的人仔己經全部到齊，我呢個話要早到的人，還比他們遲來，接著當然係一眾的笑聲．．．=__=（省略）

結果我好快咁飲啖水，拎埋號碼布，影張大合照就出發去起點啦～！

由於大會話要去起點，先要走幾公里及攀升180m(我場比賽都係得150m)！算啦！自已都係行～咪當熱身lor～不過行行下又追到前面個人仔，唔通佢地真係留前鬥後?

上到去見到好多勁人～冇計精英組嘛，有０的驚，不過好快就正常番，但好口渴。結果因為有位賽員Iris個妹係工作人員，靠佢地的姊妹情深，結果佢妹妹個支水就比我地上面班人輪流飲啦～！

等等下，開始出發！由於精英組係會隔兩分鐘先出一個，而且唔會有其他組別，所以所有人一開始都會孤身上路，何況我呢０的速度，要追前面個位都好難。時間好快過，等等下，連夫人佢地都上到來，剛巧我又準備出發～真是好緊張呢～！

好IQ題 :當你一拎起張圖第一時間會乜？

梗係睇下自己組別啦～！有乜理由會拎錯圖ga ?出發鐘聲響起，我拎起張圖就跑走啦～因為起點還未到呢！

唉接著就是千錯萬錯開始啦！

S.P-Pt.1
一開我就不其然咁一路行一路行，行行下向左手面望，發現了山窩，心想是它吧！於是一口氣衝落去找大石，結果唔見最初還以為自己未到，但再落少少只係見到個point，走去睇睇又發現唔係自己，我的是133，但看到的是134，我當時心想，應在不遠。於是繼續上下徘徊，時間一分一秒咁過，眼望到山下馬路上已經有其他賽員不斷上山，我心想，佢地見到我好樣衰咁找唔到個point tim～！心灰但又唔死心，冷靜下來後發現我一直也沒見過其他女精英呢～唯一的原因是我應該過龍，於是我只好沿等高線向回頭走，結果我是對的，16分鐘後，我打到我第一個point.

pt.1 -pt.2
打完pt.1收拾心情，繼續上路，好快定了圖，去pt.2，這時候我遇到比我遲出發的女精英時光機（終於有人啦），但唔知點解佢唔係向pt.3方向走。

pt.2-pt.3
打完pt.2，沿少少等高線走出小路，當時居然遇上萬智健問我132是否在那裡?我當時心諗 ”下！你咁勁都問我?”　我沒有出聲回應，只有微微點頭，接著他打完便比我更快沖落山。當我在山凹的位置奔跑時，還意識到被人拍了下來呢。過了個小山仔，我的路線係～先撞石牆，後落小小沿等高線去岩壁。點知好快遇見石牆，又落小小將打橫去找岩壁。一路去一路去但唔見有岩壁，只係見到有好多石（但地圖又唔覺有咁多），而且越行越多矮樹．．．但呢個時候比我又遇見女精英Iris佢上緊來，我估計佢剛剛打完Pt.3，當時我心諗～佢依家先打pt.3，我頭先遲咁多都遇見佢，應該追到前面ga…，但好可惜，佢離開之後，我唔知點解點都唔見個pt.3，而且仲好迷好迷咁～呢個時候我又遇見亞Zing，同佢講左句～點解會見到你ga?亞Zing 之後又在山嶺中消失了～！個心灰極，連亞Zing 都出現。即係我已經花了更多更多的時間。唔知點解在迷糊中，比最終都遇到pt.3，但我點都好似唔見個岩壁。

Pt.3-Pt.4
打完個pt,望一望錶，時間已經過了45分鐘，唉！我還有18個points未打。算啦～繼續去pt.4，個腦忽然間出現“成為最後一位衝線的賽員，但又唔被人DQ”呢句說話就一直在我腦海中出現～好驚，好似咀咒咁！行返出大路，就遇到pt.4啦！

Pt.4-Pt.5
個心都係灰，但點都要繼續落去，去pt.5本身諗著安全由大路再落去，但見山腰都行得而且好靚，結果由山腰過，好快就見到pt.5，而且比我見到另外兩位在尋尋覓覓的女精英邱鍾華和Joeshpine, ，之前腦海的咒語終於可以消除啦～仲見佢地尋緊的時候，我好快咁閃走左，去返大路，回頭望，佢地距離我很遠呢！

Pt.5-Pt.6
可能開心得滯，去pt.6都停左一段時間，打番bearing去好快找到，而且比我見到龜姐，我打punch會留至少5秒，佢係我後面，我都驚佢話我慢得滯！

Pt.6-Pt.7
冇乜特別，都係咁去，唔係好難咁去到啦！

Pt.7-Pt.8
我明明見到有大路去，而且仲見到龜一支箭咁跑落大馬路，但唔知點解我那刻冇決定咁做～繼續沿等高線好辛苦咁行，一路行一路都好想快０的比我遇返大路，終於行完條路，接著是不繼落山的樓梯級，我唔理，亦唔思考，一路咁衝落去。
見到前面有位男賽員開始停，我又跟佢停，打橫入去見到有人，亦見到個point，此刻，我和時光機又重遇啦（我地之後一直都在出point入point時相遇，但奇就奇在，我地去的路線係唔一樣的）！

Pt.8-Pt.9
我本身想由數石去Pt.9，不過想到係綠色而且唔知D石係咪又咁準，於是改變主意，由早少少的白林去，沿白林和綠色邊去，條路好靚，去到等高線平少少的地方，就打橫過去，好快又打完Pt.9
Pt.9-Pt.10
打完pt.9，要爬上pt.10，唔係難，只不過又要上山，真係好辛苦好辛苦！

Pt.10-Pt.11
打完pt.10，打橫行返出樓梯，又不繼落山，之後去找Pt.11．唔知點解，呢個Pt.好多人都見唔見到，我都係，在這裡，至少有5-6個人都在找，不記得是誰第一個發現，但個死人point同粒石又好似黃黃地色咁，唔通就係咁我地都冇發現到？

Pt.11-Pt.12-Pt.13
已經有一班男子組賽員追到啦～而且見到姜華棟，我毫不思考咁跟佢去打埋Pt.11和Pt.12．

Pt.13-Pt.14
係水站附近，唔難!

Pt.14 - Pt.15
飲完水，開始唔識睇圖，在燒烤場又見到個終點好似封左條路，於是又兜下兜下咁出去小路。見到小路啦!第二個墓落去，去到山咀平台，會見到山窩的河源頭，打完走人。當時我見到教練班的堅哥，見佢落錯位而且仲過曬龍咁剷落去，越剷越遠，當然我一於少理，好慢好慢咁去埋pt.15.

Pt.15-Pt.16
唔難，不過入去打佢有好多刺我的草，仲比我見到B佬。

Pt.16-Pt.17
跟左B佬的路線去，刺死我啦～！但點都好，找到Pt.17.

Pt.17-Pt.18
唔想臨尾錯，所以最後幾個Point 都唔敢亂入林，所以走出大路，沿路去穩穩當當。途中比我遇到史提芬，之後又遇到好多WO賽員，所以跟本唔擔心打唔到。不過真係好累。

Pt.18-Pt.19
返轉頭去，之後由第二條河上（因為之前見過，所以都知邊個位上去），途中比我遇到夫人，一定要影返張相先！之後沿河爬上山打pt.19時，又比我遇到Zing，佢好似落緊山～今次到佢一句　“乜又遇到你？”　見佢的路線，佢應該去pt.18．我地Pt.3之後，仲以為佢快過我，但按依家的情況，咁即係之前佢唔知邊度迷左，慢過我啦！我都唔明個路線設計，臨尾先要人地再爬上山，累到爆！

Pt.19-Pt.20
沿等高線行，唔知累定條路問題，行行下都滑了兩次，好彩冇扭傷。見到小路，再行去山咀見小陷地，沿窩落去，好快又見到pt.20.

Pt.20-Pt.21
“仲有少少就跑完啦～唔好錯”呢句說話我不斷提醒自己。好快打埋pt.21.

Pt.21-EP
諗都唔諗，衝落燒烤場先算，同時光機係咁跑～最終旅程完結啦～！

**************************************************************

返到去，好彩! 唔係好多人返到來，否則我都係好慢好慢！之後亞Zing 都返啦，問返佢死左邊，原來我在Pt.3附近見完佢之後，佢都好迷咁找唔到pt.3，而且仲越行越遠．．．．．我仲以為佢好快打完point走人先～而且我發覺佢開始入林入出癮，去pt.9，佢係入綠林數石去打point，但唔知點解又迷左。

之後再同其他人討論，原來有好多人仔都唔知道由pt.7去pt.8係可以由馬路去，咁都好，傻瓜唔止我一個。

大家都有興高彩烈咁討論賽程時，唔知點解查理斯完全答唔到嘴，初時都有少少奇怪～佢同我唔同course ? 但諗諗下又覺得佢應該跑M35唔同Course唔出奇，但講講下路線忽然聽到佢一句“哎呀！我拎錯圖，唔怪得D我啦！”唉～邊有人咁傻瓜ga….學張志高話拎起張圖第一時間要睇乜～當然要睇下係咪自己張圖啦！

等得太久，結果有人索性休息休息～

除了休息，大家在等的時間還有吃吃喝喝！

之後我地又繼續等了又等，有人呆等，有人食野，有人睡一睡，點解？
因為有下場上山學下field圖，其實識左呢個會班人都只係半年（但唔知點解又成日見到），一入去就已經有得食，又得拎，今次仲學埋野tim，果然冇入錯會！（當然最重要的係有一份人情味啦！）

以前都學過公園圖，不過野外圖要付出的心思及時間係好多好多，雖然我有興趣，但要我好細心咁去睇，每粒石都好重要咁。

不過我諗暫時我的性格都未做到，而且是項孤單的工作，但是好多謝好有耐性咁教的Bruce，查理斯同埋Jason，而且還無私的分享。

大約五點，大家都落山了～我今日都好叻！一路行都唔係好累～因為之前都冇乜大運動過。

耐人尋味的寶馬山賽

2009-10-01T23:20:00.006+08:00

話說係好耐好耐的三、四年前，有位姑娘仔學人玩定向冇耐，便要上寶馬山進行佢人生中的第一場排名賽，當天天氣十分大霧，人與人之間距離20米就已經消失於雲霧間，由於當天在大會限定時間內150分鐘都冇乜幾多個返到終點，結果最終大會將限定時間延長至180分鐘。位姑娘仔由於冇技術，冇體能，面對大霧和許多小路，一度又一度迷失，最終以3小時45分的時間只完到六成的制控點返回終點．．．．．．

三年後的今天呢個回憶亦一直存在著．當佢第二次再上去嘗試去克服呢個記憶的時間，都會不其然出現許多怪現象．．．．．

傳說己經講完，返回現實啦！

今日我跟大隊一齊上山，但因為自己實在太好人啦（故事省略）！結果我比夫人佢地遲左好多先去到賽事中心，去到佢地已經一個二個換完衫準備出發。結果當我攪完自己０的野之後，佢地都已經走曬，當時我還聽到文太一句“Julie佢地走曬啦，乜你未走咩！”．．．就係咁，我在肋都未拉的情況下，飲啖水，便急急出發！

Start – pt.1
跑出條大路之後，一直沿大路去，見到小徑入口，行入０的開始發現０的草好長，好彩在草間都隱約見到條路，好快就去到岩面地啦～！

Pt.1 – Pt.2
沿小徑行，好鬼多草，行行下比我遇見夫人！見佢一路都好小心咁行，但以我的性格，當知道落返去係條大路的話，就會一直衝，直至遇到大路為止。結果當遇到大路之後，奇怪的事發生啦！我應該向東面的方向跑，但唔知點解，我向西面狂奔，但跑跑下發現指南針話比我知唔對路，結果在遇到邱鍾華的情況下，我最終知錯，好瘀跑返轉頭，呢個時候，剛巧遇上由小徑落大路的夫人（佢完全見證住我呢一刻），之後都有跑下跑下．跑跑下，奇怪的事又發生在我身上，我應該係沿大路一直去，去到十字路口位轉左面小徑去pt.2 ,　但當我一直在大路跑緊其間，我突然遇到在林內（路的東面）衝下來的Jacky，佢做乜係呢度出現呢？而且上面都唔係路？．．．．呢樣野唔算奇，最奇的係我居然在佢衝下山的位置爬上山．．．不過又唔知點解，好快我又醒覺，落返大路（回想起自己的行為都好可怕～！）．．．之後沿小徑去找pt.2.　打完pt.2，Jacky就一支箭咁跑走左啦！而夫人亦冇再於我後面出現過。

Pt.2-Pt.3 (呢個point有人話抽肋，結果結束左佢的定向旅程啦 ! )
打完pt.2 我沿路繼續去，去到十字路路位，有三條路去pt.3，我選了中間上山的路去pt.3，雖然要攀高，但係一定唔錯，結果爬完上去，再落返去的時候，比我遇到pt.3啦～同時我都見到亞Thy，先發現原來由左右兩面條路去的時間係差唔多的．．．

Pt.3- Pt,4
打完pt3想了一回，結果我選了東面的小路去，當時我心想，一路跑之後，我會遇到期第一條小徑，再由條小徑上。但跑跑下，我未發現小徑之際，我爬了上山，條路起初都好易行，但行行下越來越多草和矮樹，我心知錯啦，但唔可以返轉頭，結果死都要爬返上山頂位置，但永不言敗的說話支持下，我終於到了頂，落去打pt.4時，見到袁東南打完行上山，佢應該由山頂小路去pt5，但我眼見咁多小路，結果安全起見，我由大路再上小路去pt5.

Pt.5-Pt.6
決定了，便一口氣衝落山，再沿大路去，但跑跑下，奇怪的事發生啦，我見到亞源，亞源係比我遲出發的，佢理應玩緊頭個幾個point，而頭個幾個point係唔應該係呢度出現．．．點解我會見到佢？雖然我有想過，但都繼續跑，但跑跑下開始有點動搖，因為條路越來越似我之前上山去賽事中心條路，當時我心諗，死啦～唔通真我錯？停下來，再用多次指南針，佢話我知冇錯，結果我又繼續跑，跑跑下比我遇到個迷緊路的賽員A君（佢應該係油山換水的人），賽員A見到我之後，佢就好似已經將剛才的煩惱一掃而空，一直跟在我後面。跑完大路，接著要面對的是幾廿條上山的等高線，一路上我都一路諗，除左我後面個個之外，係咪得我咁傻瓜由呢條路上。雖然上得辛苦，但都要讚下自己全程都冇停過（記憶中）。好快（10幾分鐘後），就遇到pt.6啦～！

Pt.6-Pt.7
我沿河去，而賽員A最終都跟左我後面，去到小路交匯處，我停了一停，望過對面，好似唔似有路咁，在懷疑之際，我遇到Bruce，我見佢直去，結果好好人的我就叫佢返轉頭啦（因為我想佢幫手開路），但最終都係由我身先士卒，過左去先。沿小路去，去到十字路口，我見Bruce轉右行，同時亦見賽員A繼續直行，我當然暗地裡歡喜的見佢行錯路，就在這裡，賽員A和我的距離開始遠啦～！

Pt.7 – Pt.8
打完Pt.7，地圖上顯示北面小山有條小路直接去pt.8，當我去到空曠地位置，我見到袁東南，佢又再一次出現（佢曾經在我去pt4的時候出現過）佢企在小山頂位置，我問左佢一句：“前面係咪有路？”，佢答左句：“如果有路，我就唔使企係度。”結果我選擇了由空曠地的小路去，但唔知幾時，Jacky又係我附近出現（佢應該於我pt2之後唔見左的人）。一路去，條路都好靚，去到pt.8，又比我遇見Harbour（佢係好早的時間已經出發左）.

Pt.8 – Pt.9
去pt9都好順利，但開始口渴啦～！Pt9其實有０的過氣的水，Jacky個死仔仲好好心咁叫我去飲．．．．．

Pt.9-pt.10
呢段路我都好快咁跑落去，就係咁Harbour都在我後面消失左啦～！之後好順利咁打埋佢。

Pt.10-pt.11
打完pt.10去pt11我想了一回，其實係好耐～到底由較遠的小徑爬上去，定或回頭沿路去到小路交界位再直接上山好呢？想想下，後面的人仔都過左我，結果我最終由東面遠少少的山路去，上到去都好易見到。

Pt.11-pt.12
打完pt11，我清楚記得我去pt12係要由大路去的，結果我二話不說，向左面的小路落山，落山的時候，比我遇到Harbour上山啦～！落到十字路口，我再睇圖，奇怪的事又再一次出現，我看到pt12好似唔係由大路去，我心諗死火，點解ga?我明明記得唔係咁？點去好呢?於是再睇多次地圖，才發現pt12個圈其實係pt1，因為數字與圈太近，睇錯左，睇清楚，都係由大路去。在大路上，我都有跑，因為好似就到終點，去到一個位置，我曾經想過利用上山的小路short cut過去，但我見好多高手，都唔係咁樣做，繼續跑大路，我見狀當然唔做傻事，跟佢地由大路去，好快就打左啦～！

Pt.12-pt.13
Pt12-pt.13係沿路直去，冇乜特別。（不過好累啦！）

Pt13-終點
由於之係去賽事中心時經過個涼亭，所以好肯定咁行返終點。

返到終點，去成績下載，比我見到換左衫的Clive，我當時心諗“佢唔係咁快呀？我真係跑得咁慢？點解我遇唔到佢ga ?佢今日快成咁gei　?”　突然間太多不可思疑，結果招呼都冇打聲的情況下帶著一推疑問行返去鎮靜下先．返到去問John,朱仔同Bruce的完成時間，比較下，我的時間都合理～遲過佢地（如果唔係之前的傻仔事，都應該可以再快少少），之後Clive都走過來解開疑團啦～！啊！有人DQ!

等了一段時間，大家都差唔多想走，但又未見夫人，眾人都在恐怕她回來後話我們冇等佢，而在日後被佢狂“炳”的情況下，都在河邊玩下水，等埋夫人返來至走～！

最後夫人都終於完成回來，不過超時，所以都冇得排名啊～！聽佢講返尾段與亞源相遇的一段路時，笑死我啦～！

今次有630分，比上次牛寮好少少，不過距離保住E組700分的最低要求，還有一段距離～！星期日場排名賽要認真０的啦～！

但中途發生過眾多不可思疑的事件，暫時我都無法解釋！

天生天養

2009-09-21T22:45:00.004+08:00

昨天在牛寮跑定向賽，除了場比賽自已有犯錯令到自已有點兒不忿外，還有這隻狗狗令我耿耿於懷．．．

行上賽事中心，有一隻廋骨如柴的黃狗在那裡不斷行來行去，目的～就只是為了食物。面對住流浪狗，心當然有點怕，擔心佢突然發難，咬我！但當我第二次在賽事中心看到牠時，望著牠的眼睛，有點兒像懇求我給牠一點食物，看到牠的眼神，有點兒不忍心，結果我便周圍問人有冇野食。

剛好定向界的亞姐與她兩位囡囡在午餐，而且已經在尾聲的階段，我便走去試試問一問。但亞姐告訴我這是牠的生存方式，不應破壞～當然她最終不願給我比狗狗食物。

當然她的說話有道理，我不用反駁！但面對著生命，真的有點不忍心，結果又再周圍走走問問。當時我還記得我的行為被人取笑（我好記仇）。

多番嘗試後，最終我還是失敗了～沒有人有食物！我只好望著那隻狗狗，牠沒力氣的趟在階梯上，動也不動。

在馬騮山上的馬騮，我的確痛恨那群改變了牠們生活習性的人類，但在面對狗狗那無助的眼神時，我真的不能視而不見（當然我沒有收養牠的勇氣）～或許面對的，不只是一隻無助的狗狗，而是一條很快消失的生命。

有些時候，總會希望能夠保持動物界天生天養的習性，但當面對生命消失前的一刻時，我們要面對的，到底是生老病死的自然定律，還是要努力拯救呢！

上上落落的牛寮賽

2009-09-20T23:47:00.021+08:00

今日比賽地點係牛寮，在別人口中話係熟到爛的地方，但呢處都係我第二到咋～第一次仲係06年亞太賽的事．．．

今日自己一個提早上山，冇跟大隊上牛寮，因為有特別任務～要影Feature，教練班用呢！(不過唔跟大隊係會有報應的．．．．．省略~事後仲要比佢地話我功力唔夠深厚)　＝＿＿＝

去到賽事中心，當我正考慮在邊處做地頭的時間，油山換水的隊友都到左，就係咁，好安心放低行理在他們的地頭之後，去影野啦！

今日對腳的傷口（可參看愛靚唔愛命篇）剛剛結焦，但行起路都有少少痛，不過我相信跑完之後，０的傷口應該全部又開曬啦～！>__<

一段時間後，人仔已經到七七八八，數數手指，先發現今日有好多人都有來玩，一張大合照後，大家都好輕鬆的情況下出發，而且仲開盤，到底夫人今日會唔會DQ呢？

排隊等出發期間，我見到身後的Jacky用隻手拎住支水，我仲“下”了一下，點知前面個幾位女士又係個個帶支水～可能係上次的陰影吧！佢地仲叫我帶埋一份，我呢位懶人一於少理，不過都行返去飲多兩啖水。

起點－pt1

今次大會出發方式採用先登記法~相信會安全少少。由於我和夫人佢地成班人差唔多一齊出發，結果一開始就少不免集體創作，呢班女士一開始已經問，呢條路係邊？唉～我一路話信我啦，下面係大路呀～你睇下亞Ling同Jacky都係下面，佢地至信。

Pt1-Pt2

第一個Point唔難找，但問題係下一個Point，我一心以為亞B會同我一樣數完第三條河就直上，但結果佢都係揀左做安全派。而且夫人佢地仲好冷漠地說“你自己一個行呢條路啦！”～當時我心諗，如果咁樣行我衰左，會比佢地笑好～！都係唔好咁勇，跟佢地行大路穩當少少好。在平路上，我還可以跑下，但一上樓梯，就好累啦～打完POINT才發現那處樹林，並不是太綠呢，應該可以過～唉~總之就好後悔啦。(Ivan 由林過只係用左2分鐘...)

Pt2-Pt3

基本上冇得簡，只有直接去，集體創作有好有唔好，好的係當你錯的時候其他人會提醒修正，但唔好的就係其他人的決定會影響自己的判斷，就係咁，我們一行四人就開始落山啦～落的時間都有想過係咪要咁低，但見亞John一馬當先咁落到底，再過埋河，我們就好順理成章咁過埋去，直至去到一個山咀．．．當時我們以為過了個山咀便到Pt.3，但亞飯突然一句方向唔對，我們就停下來了，只遠遠望見亞B同亞John繼續在咀上走來走去。自己停下來的時候，自已再打一次bearing，發現真的不對，在四周圍望地形之際，又見到個女英精賽員走左過來，咁即係點呢，精英都錯？之後佢又在我們的位置附近尋尋覓覓了。周圍望之際，遠遠見到男精英賽員，佢話佢唔用指南針，係數窩數過來的，唔通連數窩都數錯？在大家迷迷糊糊之際，終於定了地圖，才發現走了不少路，20min咁就用左啦～呢20 min簡直磨滅了我不少體能．．．（事後才發現，不少定向老手在這裡也“失手”）

Pt3-Pt4

20min的體能消耗簡直可憐，之後上Pt.4還要好努力咁爬返上山，打完Pt.3之後再打bearing確定方向，就不斷上不斷上啦！當時我還聽到後面亞飯問“我依家係邊？”，平時我聽到呢句，我都會停停睇睇圖，但今次冇，因為只要爬返上大路就得啦，所以好努力咁爬。最終都上返大路。

Pt.4-Pt.5
Pt.5唔難，而且見到Clive係前面，唔使睇圖，望住個人做attack point Cut入去打point走人。(不過因為我唔係由路入去，路途中聽到比兩位青年人話我冇公德心～踩死０的草)

Pt5 – Pt6.

先落返賽事中心，飲啖水，之後過去Pt.6，沿路入去，回頭見到飯同糖啦～！

Pt.6 – Pt7 (　由呢個Point開始，一路都有位勁人係左右~我諗佢好耐冇練跑，雖然睇圖好準，但一路行都聽到佢喘氣的聲，所以一路都同佢距離好近)

打完Pt6 走出大路再睇張圖個Pt 7，見到Clive行大路，我個心諗唔想再犯第二個point的錯（兜大路），結果由山窩爬上去，唔係太難，不過好多蜘蛛網，行行仲有隻大蜘蛛於樹間，如果唔係趴低少少，個頭頂就不知不覺多左隻蜘蛛都唔知啦！

Pt7 – Pt.9

沿山窩落去，冇乜特別（最緊要記得打point~!）

Pt9 – Pt10

剛剛落完山，又要爬上山啦，好鬼辛苦，但由於有勁人係左右，結果唔係好使睇圖，睇佢就得啦。

Pt.10 –Pt.11

沿路去，見到直昇機亭，再落去山窩。

Pt11 - Pt12

繼續沿樓梯落去，個Point都好明顯。

Pt12 - Pt13

我見糖先上大路再落去，於是跟佢，但落到差唔多point位時見到Ivan佢由不明顯小徑cut落去，快好多呀～！

Pt.13 - Pt.14

又要上山，好鬼辛苦！又上又落，簡直消磨意志。途中比我見到夫人（佢去緊Pt.10做乜行呢條路？）

Pt14-Pt15　

又要落山，沿頭先條路落，再由大路去。

Pt.15- Pt.16

又爬上山，今次終於唔同勁人同路啦～我行地圖上有繩個條路，條路好靚，但又唔係好明顯，結果得我一個行呢條，但上到頂位，又遇到勁人，佢問左我一句，沿路係咪有條繩？我答佢，係。仲好靚。之後我地又繼續“行” ．

Pt16 – Pt17

沿山咀落，仲比我見到Bruce游緊，之後佢都好醒目，跟埋我地去打Pt17。

Pt17-Pt18

冇思考過，直衝落大路跟隨Bruce打point，走人，去到橋位見到周生浸緊水（我心諗，０的水冇啦！）

終於返到終點，不過．．．好慢！好慢！　＞＿＿＜返到去，亞B第一時間話佢打漏Point。唉～咁辛苦走出pt 3 結果死在Pt 8 。

其後其他人都開始返來啦！如果計分，用第一名時間計，只係得500分，唉～點玩Ranking！

就因唔服氣，結果原本唔想玩第五場，現在都去埋，希望跑返好０的啦。不過今次好多高手都死在pt.3！

後記：天生天養 http://juliechiu1008.blogspot.com/2009/09/blog-post_2729.html

愛靚唔愛命~?!

2009-09-19T22:02:00.011+08:00

認識我的人都知道，我其實並不似個"女仔”！！

從前在青少年中心工作，衣著一向都好簡單，由最初跟 IEPA，都係要見Client或僱主的時侯，先至著好少少，其後我在中心的組/活動機乎有九成九都係戶外活動～（無計，呢間青少年中心係冇男同事ga~!）

而我在中心內都應該算是最愛去戶外活動的一個。所以衣著一般都以輕便為主，T-shirt、牛仔褲已經攪掂。當然有時要入學校或其他場合，衣著都會稍為檢點－因為這就說是工作形象！

但是自從移了入學校工作後，衣著都要轉變唔少，由其係在有宗教背景的學校工作，女士們也要穿裙子啊～！

其實我呢副“衰樣”著起裙係唔好睇，不過唔知點解，每次扮得斯斯文文的時候，同其他人講行山，露營的時候，居然每個人都投以驚奇的目光～！＝＿＿＝…..顯得有點難以置信。
但是當時間一過，每個周末都見我滿身傷痕的時候，他們開始相信了．．．．．

回想起，從前我也是個斯斯文文的小姑娘，玩的都係有靜悄悄的活動，例如寫生，拉下小提琴。不過由某一天開始，我改變了～！想起小提琴，都有三四年冇拉過，還記得上次應該是為一位童軍領袖結婚助慶之用～現在想起都有點可惜(有人結婚想助慶的話，我唔介意出山！！)。至於我盒好貴的畫筆呢～好似一年前送了給一位會考考美術的童軍仔了！

總括來說，現時除了在工作的時候，一般情況下，我還是原始人呢！

或許是穿得裙子多，近期鍾意行街睇較lady的服飾，而且還買了一對三吋高的高跟回家～坦白講，這是我最後悔的其中一件事。

星期五晚有個高中家長晚會，結果便穿了，起初出門口還沒什麼，但下午之後，對腳開始痛，但我還離家長晚會及放工有一段很長的時間。痛死我了，我曾嘗試貼上膠布，但是沒用的，想坐一坐休息啦，點知家長又殺到啦，結果還是硬著頭皮，撐下去！

活動結束回家的時候，我真的想赤腳回家，因為真的很痛呢！（女人比男更忍得痛）

回家脫鞋一看，結果發現除了腳止有水泡之外，還有腳跟位～成行位置！對鞋也沾了血跡。

結果在火滾的情況下，把心一橫，棄掉了那對鞋！棄置後，一點也沒後悔，因我寧願心痛也不要身痛。

請堅強

2009-09-14T21:49:00.012+08:00

昨天又發生一件不快的事在定向人身上．．．

這一刻只可以說：

傷心的時候，請喊出來！
忿怒的時候，請叫出來！
疲倦的時候，請說出來！

為了自己和家人，請努力下去！

希望你很快和家人也站起來！

突然間想起陳奕迅有一首歌叫《單車》

歌詞描述一個孩子，坐在爸爸單車後座，抱著爸爸的感覺，非常動人。

歌詞說：

難離難捨，想抱緊些，茫茫人生，好像荒野。如孩兒能伏於爸爸的肩膊，哪怕遙遙長路多斜。

父親成為茫茫人生的避風港，成為生命教育最堅強的後盾。

913 郊遊日

2009-09-13T23:42:00.013+08:00

昨天收到夫人電話，話去郊遊！由於我沒在意他們的說話，所以今日出發時，我還記不起什麼時間集合，打完電話問完先醒起，又唔記得在那裡集合，結果又一次樣衰衰咁再打多次。

去到集合地點附近，但我又唔知在那一個小巴站等好呢？結果還站在有風扇的位置等好，等等下見到一名定向人“成坤”，他當時向我打招呼，回應他後，我的心在想，乜佢原來住附近ga ? 今日冇定向，做乜佢又著定向衫咁怪？
結果他過了來，問我乜Bruce未到？０我～謎已經解開啦，原來他也是Bruce約的(但點解要著OL衫呢 ? 謎 )。等了一斷時間，他們終於來了～一看好多人啊！

我們在小巴站等了很久還未有車，結果由一輛本身唔經那邊的小巴載了我們前往，唔使5分鐘，個司機問我們是否要落車。當時我心諗“下！唔使咁快呀！”．結果真後好快咁我地又落車啦～之後就開始行。

其實今日真的有種去野餐、郊遊的感覺，本身想帶埋薯片，糖，但又怕被佢地話我，結果都係帶支水算啦～！我地一路行一路都有好多狗不停用佢地的聲音歡迎我們，好彩他們全部也在鐵絲網的範圍，對我們也沒太大危險。行行下我地就兵分兩路啦～一條會遠少少，另一條就直接好多，我行較遠少少個條。條路以經唔似地圖，一向睇慣圖的定向人都行錯，我地在無數的錯誤中，最終返回安全點。

最後到達大家集合的地方。去到見到夫人佢已經半死啦～但其實我地好似一直也在行平路．．．．．．＝＿＿＝

在休息的時間，我們也玩了起來～！

休息完之後，我地要面對的係一個上山路程，可能熱，又或未準備好，結果行上山也有點辛苦！

上到山上休息，很舒服啊！但夫人就好似死死下啦～！

我都唔明佢兩公婆，兩個人只帶一樽500ML的水，原來Bruce話見到支水只賣$3.5，但去到七仔就變左$7.5，嫌佢貴，唔買！結果難為了大家～！休息完之後會繼續行，我都好想跟～但眼見夫人都好似冇命，算啦! 做下好心陪下佢啦！結果偉大的女士們就回程啦，而男士們就繼續行。Harbour話“點解上左山又要落返山，好似好傻瓜”係呀！我都有咁的感覺。

出到市區，飲了一罐可樂後，醒曬！之後沖埋涼～我地等班男士等得唔耐煩，結果佢地仲著件新衫影相！！　之後大家再去食個Tea．7個人叫９個餐。咁我又肥左啦～！

回家時發現個天好可怕，有點似世界末日的感覺。估唔到大巴士真的有先見之明，取消了今晚的宣傳片拍攝工作。

一級定向教練班

2009-09-11T17:51:00.007+08:00

早前被說得熱烈的一級定向教練班選拔，最終都已經塵埃落定。昨晚的課程亦開始了！

事前風波

由於個班不是每年一次，故此一出課程已經有不少人士有興趣報名，當然我也不例外。個班報名要求係要十八歲總會會員，持有第三或第四階段證書，屬會推薦，活躍定向人，還在兩年內的排名賽二場取得650分等．．．還有準一級教練優先。當然我知道合乎資格的人多不勝數，就連SOC也有4位！據大會消，息實際有18報名。我報名時其實都好險，因為我好努力才找回張第三階段證書，當找回啦！又唔見左張急救證書。但份報名表又有急救證書編號一欄，由於急救證書唔係報名必需，所以我只係抄個編號交比佢地（個編號我係自己份resume有紀錄的）但到八月，OAHK又叫我補回張證書啦～！唉！結果我花了一整晚將間房番天覆地才能找回！至於間房.......星期六才收拾吧 !

等了又等~~~~!!!

完成截止報名之後，等了一段時間也收不到任何消息～即係點呢！最終在八月中收到總會個電郵～電郵內容是通知本人合資格進行甄選。其後得知有人因為合乎資格但又交唔到副本，就係咁冇左啦～！而且仲要比左$100總會補返份證書！！好多人對此持不同的講法，但講真，我雖然為那位人士（X君）不值，至於佢係咪比人玩就見仁見智啦！總會都保障做足準備報名的參加者，尚算公平！

"教練"我不愛你

甄選分兩日進行，第一晚係筆試及面試，當晚應該有13人合資格，本身以為13人選12人，選唔到個個都好樣衰，結果都有拼命去問下人，至於溫書就始終覺得要睇的當然會睇，唔想睇的也不會記得。當晚出席的就只有10位，但教官(三級教練有至少6位 ) . 由於得返10位，咁係咪唔使擇呀？

筆試是考定向歷史，圖例及技術，其實唔係太難，但有樣野～就係筆試話明：答對有分，唔答冇分，答錯扣雙倍分。基於扣雙倍分的原則，都唔係好敢答！即使長少少的題目，都有點保留，例如“試說出指南針功能四點？8分”當時我諗....點知佢地的Model　Answer同我想的有冇出入嫁?！唔好寫咁多好似安全0的. 考完呢部份，還有第二部份筆試，要繪一條比Level　2的學員玩的Course包括提示符號同埋你set course 的原則/目的 .....

去到第三部份係面試．教練分兩組進行，佢地安排一些唔熟你的教練問你問題（我呢類小薯仔，應該冇乜教練識我啦，唯一唔使叫名都知我叫乜的就只有獅子教練）我係第一個入去的，去到有三位教練，獅子教練、高教練同埋威教練，一入到去．氣氛一沉，一個不停笑，一個又一直唔笑，另一個又想笑但又唔笑。即係點．．．我答的不是最好，但是當時我的腦真的就只有這些說話。

當晚在緊張的氣氛下完成了，在考試後聽大家的說話語氣中，大家也有點害怕的感覺，有害怕辛苦！有害怕沒時間！有害怕失敗！

但我相信心切也只好完成星期日的技術測試才想吧！

又有少了一個

星期六上午收到OA電話，問下午測試可否改做上午，其實由於有１０人，故此我們抽籤分了上午和下午進行，我. Leon . Joeshpine 及另一位霞姐是下午的，但收到電話咁問，我隨即答冇問題之餘還多口一句：點解？？原來Joeshpine退出了，但可惜由於Leon唔得閒，結果兩位女士們又要就佢在下午才進行。

去到回歸亭，獅子教練已經派試卷，１）指定放point　２)放自已條course 3) 收人地條course 全部限定時間，基本上有限定時間，只要我唔遲返來就得啦，所以我唔明另外兩位點解要咁快。

今日我只是普通戶外look，但另外兩位就係專業定向look，當時我心諗，佢地條course唔係咁甘呀，偷偷看了一下，啊天呀～！點解呢兩位人兄咁殘忍，level 2跑？收point條course係抽籤決定，不過無論點，我都係死！

在指定放point，一個係山窩，一個係山咀，原來放point 比打point更大壓力，打point的話只要去到，就可以周圍望下，但放唔同，總是好似放得不對勁，即使去到附近，但總是怕，結果我花了30分鐘才回到集合點～大會比45分鐘我地放。

錯了

之後放自已條course，先前獅子教練話可以比我地修一下，但最終比吳先生否決了！我們還是自已解決！我一路去，只是憑記憶放，當中我有一個point在大石，於是個腦就不斷想著大石，結果見有大石，就急不及待放了，之後好努力咁爬過個山，落到山再睇圖，死了，原來唔係第一粒石，是放在第二粒石，但由於當時差不多放完，而且又唔願意再爬過個山重新放過，之後又再爬多次返來，結果我放棄修改，只想回去時通知教練我改了point，一返到去，我自首向吳先生說，我有個位放錯了，改了地點，但佢一句：唔好影響我，等其他人收point先講！

好！就等收point，我收leon條course，足足滑了三次，吃了3個蜘蛛網，佢自已放point都叫我某些位唔好直接去（當時我心諗，你都知死呢），結果我好可憐咁花了50分鐘才回來，真的很辛苦呢，因為佢條course臨尾先要人不斷上山不斷上山，想死！

至放我條 course的大石point，當然他們找不到，最終我告訴了他們我放了在地圖那一個位置，佢地話好在我都佑自己放錯的位置，而且又問我點解知到錯唔放返好佢．．．．．．．結果我還是辛苦地帶霞姐上山再找多次。好累啊！

我還以為一定被他們罵，但佢地又冇罵我，還叫我上level 2要練好體能。而且最後還每個人派12個marker，話我地上班時用～呢句說話係咪即係收我地呢?? ^^

最終我們一行9人也收了。

餘波未了．．．

在一級教練班甲部運動通論，OAHK在報名表上有平日上課和假日上課時間選擇，最初我當然選擇星期六、日才上課啦，但結果OAHK打電話來告訴我們，原來上星期六、日的課是沒可能的，要求我們改上平日課，當時我真的很忿怒，因為如果一早知道日期相撞，點解又會放在報名上呢?？

若上課的時間沒有選擇，其他人就可以知道時間唔得，咪唔報名lor。但現在卻要考完試先話比你知你擇的時間唔得，咁都幾”無謂”！

結果我還是在心心不忿的情況下，罵了OAHK職員幾句，但無奈也要死死地氣選擇上平日課～星期一至五要我晚上七時正去到烏溪沙，難啊！

一段很可愛的說話

2009-09-07T14:02:00.006+08:00

節錄自「平昌懸一所中學牆壁上的訓勉」

學會做人，先從學會感恩開始。

學會做事，先從學會掃地開始。

學會學習，先從學會思考開始。

學會健身，先從學會體操開始。

學會禮貌，先從學會敲門開始。

學會文雅，先從學會走路開始。

學會交往，先從學會微笑開始。

學會生存，先從學會自護開始。

學會自律，先從學會守紀開始。

學會審美，先從學會穿衣開始。

起初看到時覺得很有意思，之後再睇多幾次就想起小學生時候的一些必要自已處理的事情！

“新火”相傳？

2009-09-02T23:02:00.002+08:00

早前被罵得熱騰騰的東亞運動會開幕儀式地點，最終在眾人的壓力下，地點改了！到底是在上者冇腦？還是一站式服務十分吸引（佢地乜都唔使做，比人搞曬）？被人罵是抵死的！

說到東亞運動會，我最不喜歡那個在將軍澳的運動場，不知是設計的人冇腦，還是跟本沒諮詢過運動員意見，成個場地～中間草地，跑道及跑道以外的地方都是綠色的，唔係綠色唔靚，但至今除了這個場地外，我相信全世界的運動場都會將跑道和以外的地方分顏色，最常用的是橙色作跑道，綠色/藍色作以外地方，好讓運動員在跑步其間意識到，不會跑出線，但將軍澳呢個場就好奇怪咁用一整色，連埋個草地，成個場都係綠，如果比賽的運動員適應唔到，可能真的會有跑出界都唔知。

東亞運動會是香港一項的體育界盛事，還餘下的就只有兩個月，但是在香港你可找到什麼呢？我什麼也沒找到．．．但是錢總是花了很多，那麼錢去了那裡？在別人的肚子裡。

星期六因為要工作，未能觀看聖火相傳的活動，真的有點可惜！但居然被我在校內遇到這位舊生，立即跟他來張照片！雖然我唔知道這位同學叫什麼名字，但是總被他手上的火炬吸引著～冇錯，他是其中一位傳遞聖火之運動員！名字呢？還不知道．．．

聖火已傳，但大家對這項盛事之(怒)火還未熄呢～！

夢

2009-08-29T23:15:00.003+08:00

昨晚居然發了一個與定向比賽有關的，雖然我聽人講很多人也有試過，但奈何，我是第一次呢～！

今早起身，基本上是忘記了，但在搭車的時間，又突然想起！

內容是什麼呢？

我還依希記得“我是參加一個由日到夜也在跑的定向比賽，比賽的地點居然是我小學的地方，真的奇怪！最怪的是我不單在晚上也拿著地圖跑，而且當時還下著大雨，不知為什麼我手上的地圖沒有入膠袋，故此有很多地方濕了不能看清，到了第二天早上（還繼續比賽！）我走到大會工作人員面前想更換一張新圖時，我與他們理論了一會也得不到新地圖，氣極了走了！”結果夢醒了!

更怪的是那班大會的工作人員居然是童軍的人士。

我一直也沒有試過，那麼今次代表什麼呢???

．．．．．．．．．．．．．．．．．．．

回想起個夢之後，繼續搭車返工，

今日有個迎新活動，由下午二時至晚上八時，到中場休息的時間去一去洗手間，出來時，有位新生無助的對我說：”部機食錢。”　

我說：”什麼？”

學生指著雨天操場方向說：”個部機食錢”

我說：”啊！原來汽水機食錢！咁你帶我去睇睇。”

去到汽水機前面

我說：”同學，你入了多少錢？”

學生：”十蚊”

我嘗試按動汽水制及退款掣後又繼續問：”咁你點入？”

學生：”我將中蚊摺埋入落去”

我說：”下！摺埋入落去？你入十蚊紙呀？”

學生：”吾．．．”

．

註：那部機一直也只收硬幣

坦白說，對於學習障礙，我還未十分掌握！但這就是我的工作。

隨著這個暑期最後活動，又一學年開始啦～亦代表我在這裡已經一年了！

賽場上真正的定向精神～金牌並不重要！

2009-08-25T13:48:00.005+08:00

挪威報紙《VG》的標題：Svensk O-løper spiddet i skogen

作者：謝曼轉貼自：中國定向運動協會官方網站

在男子接力賽最後一棒，Anders Nordberg(挪威)、 Thierry Gueorgiou(法國) 及Martin Johansson(瑞典) 正在為金牌鬥得難分難解的時候，三個人突然在同一個地點停下來，久久不動。旁述員說他們一起犯了個大錯誤，原來是瑞典的選手發生了意外，另外兩位選手立即停下來為他急救，緊隨其後的Michal Smøla(捷克)亦放棄獎牌停下來幫忙。

Thierry Gueorgiou 說：「Martin是個硬漢子，當我聽到他無助的叫聲，我知道必定有嚴重的事情發生了。於是我就跑過去看他。」「Martin大約在我前面50米，我看不到他如何受傷，只聽到他的慘叫聲。當我走到他身邊，只見一枝大樹枝插在他的大腿前面，有二至三釐米粗，約十釐米深。」

Anders Nordberg事後憶述。Anders Nordberg說：「Martin第一時間叫我們繼續比賽，但我們看到那枯枝直插他的大腿，意識到事情的嚴重性。」他們把樹枝拔了出來，法國隊今年造了新戰衣，Thierry Gueorgiou就用它來幫瑞典選手包紮止血。Anders Nordberg跑去求救，Martin亦開始出現休克情況，留守的Thierry和Michal只好儘量令他保持清醒。

另一邊廂，原本被拋離的瑞士隊Matthias Merz直到沖過終點，得了第一，才知道原來發生了意外，他直言自己百感交集。後來瑞士隊經過討論決定不要獎牌，代表他們的Daniel Hubmann說：「我們認為冠軍並不屬於我們，所以想放棄獎牌。」

有人說，這次的冠軍屬於定向運動本身。後來，三人合力把傷者抬上救護車，傷者送院後情況穩定，而三位元救人英雄隨後輕鬆地一起完成餘下的賽程，分別排25至27名；中國排第31名，比日本高出三名；第2至6名分別是俄羅斯、芬蘭、拉脫維亞、匈牙利及波蘭。

直得一提的是，法國的Thierry Gueorgiou連續兩年在世錦接力賽中，都因為戲劇性的意外而令咀邊的金牌溜走。

去年他在捷克跑到末段時，有很明顯的領先優勢，當大家都以為冠軍非他莫屬的時候，大會的GPS路線顯示他在亂跑一通，然後攝影機拍到他在慢行，全世界都摸不著頭腦。後來證實有一隻蜜蜂飛入了Thierry口裡，並蜇了一下，導致過敏反應，要由直升飛機送院。

Thierry為了今年世錦賽，在賽前自己走上2000米的高地進行了三個星期特訓，平均每星期練30小時！一整年的努力，都是為了在比賽爭取好成績。

當被問到他在救人與獎牌之間如何抉擇時，他說：「這只是運動。」

～～～～～～～～～～～～～～～～～～～～～～～～～～～～

看完之後，十分佩服！這位真正的運動員！

再續未了緣~運動攀登

2009-08-23T23:14:00.004+08:00

在兩年前，曾經上過一級攀登訓練班～但上完之後，放下了！今日終於去多次啦！不過除了理論上的實際技巧外（三角攀爬），我什麼也不記得！＝＿＝！

不過上完一級攀登後，想玩容易好多，只要你上班個間在攀石場有訓練班，你幾時去黏玩都得～因為有教練在場啊！

今日就捉左天使男陪我去再玩一次～！

去到見個位教練，我唔識佢．．．不過走去同佢講，
Julie：「我係寶教練的學生，我來練習呀！」
教練：「呀寶，佢唔係呢個場bor！咁熱仲玩？！」
Julie：「係呀！唔玩點上二級呀！」
教練：「去睇下有冇你Size的鞋啦！」
Julie：「０我！咁教練你叫乜名呀！」
教練：「......」

於是我同我天使男就去拎鞋！不過事隔兩年，我基本上原全唔記得點扣安全帶～只係記得八字結，而我Friend係未玩過，於是樣衰衰咁走去問位教練，不過我唔會話比佢知我唔識，我只係用我緊餘的記憶扣好，走去問佢我扣得有冇問題。

由於教練佢教緊班，我地又順便聽埋一份！不過教練一直好Cool咁冇理我。有樣好重要的野我唔記得，原來只有上過訓練班的人先可以個“保護~Belay”（其實攀登係一個人爬，但要扣著安全帶，但安全帶係連接著另一個“保護Belay”的人），按呢個原則，未上過班的唔可以做保護，而天使男唔可以做我保護，即係話，我今日冇得玩．．＝＿＿＝

我開始做“Belay”比天使男試玩，基本上都唔使我做，因為佢唔係爬得好高，當然我係冇話比佢知點爬（呢樣野係之前位寶教練都係咁對我地），笑完一輪之後，我開始話比佢知正確的技巧啦，重點三角！試多幾次之後，佢就休息～咁我呢～繼續冇得玩！在等的時間，位助理教練走過來吹水，結果佢成功被我騙了，幫我做“保護”，就係咁，我有得玩啦～！由於太久沒有玩過，而且我跟本都唔識用佢講緊三角攀爬法，所以爬到一半已經係我的極點～冇計，我都仲係用對手去足緊粒石，而且關鍵係我太肥啦！我對手好快已經冇力！而且我隻腳尖好似點都踩唔實個位，故此隻腳點都用唔到力！
我開始發現我應該都有學習障礙，唔知點解我點都上唔到，但望見隔離班熟手，二話不說便上到頂～仲要係最難的一道牆。

其實爬牆是一件好辛的事～可能係我用錯方法去爬，又或者正確0的講話我點都用唔到個正確方法！但我唔明隔離班勁人點可以一路用力又一路叫，乜唔係好累０架咩？

今次我都係爬第一道牆，不過最叻個次都係去到七成高，當Fall的時間凌空吊望到底，而且隻手都冇得足實個石牆，我個心真係好驚！好驚！

下次再有機會要再去多幾次，因為上二級運動攀登的必要條件係～你要成功爬上個頂兩次！

美麗．因為心仍在跳動

2009-08-21T15:32:00.006+08:00

“美麗　~　因為心仍在跳動” －　我真的喜歡這句說話！
這句說話不能解釋，只有會意。（或許我也不明白原意）

星期日的賽事日誌在心情輕鬆之下完成，因為我記下來的事快樂的總比不快的多，或許人活著就應該像這樣。

今天在無意中得知到在星期天的意外出事者最終離開了的消息……心情變得很重，很重！！我還記得當時“還以為送了醫院更沒事，怎料．．．最終他走了！”我不認識他，但在人生圈中，我們也有重疊的一刻～八月十六日出席南丫島野外定向比賽。無疑，因為人生圈中的重疊就更令人變得更傷心，更心痛！坐在工作崗位上的我~哭了。

因為曾經活得精彩，才有失去的可惜！！縱然無法回首過去，那麼我們可以做到的就是守護著未來。為了守護未來，請小心愛護今天！

我不會對人說珍惜現在，因為我相信每個人也用不同的方式去使它更有彩色，只是每個人活著的方式不同，縱然不被世俗認同。

但我知道，只要心仍在跳動，人仍然活著，已經足夠了！

希望所有定向人，不論為了你愛的人，還是愛你的人，請小心比賽！

那位在生命圈曾與我重疊的朋友，願你安息！

願你朋友和家人也能勇敢地在悲痛中站起來！

暈舵舵的南丫島賽

2009-08-16T23:29:00.008+08:00

今日原本有兩個活動選擇：
一）槍會邀請去玩槍，射把；
二）繼續野人定向活動。
結果人總是犯賤，有冷氣的嘆，有槍玩，十分刺激的活動我唔去，跟左班野人去有熱，又鬼咁遠的南丫島跑定向，結果我今日得DISQ.（即係話我今次冇乜賽程可言．．．）

最終選擇放棄了槍會班人仔後，按野人約好的時間搭11：30的船入南丫島。今次冇上次咁失威～搭錯船，十分肯定地走去搭榕樹灣，去到入閘位，見到好多人，在人群中見到會長同夫人，打尖咁走左過去，佢地話11：30已滿座，但會加班船在11：40開出。之後夫人話亞糖已經入閘，佢自已一個早到搭早船，我當時心諗應該會有Harbour或亞飯陪佢搭，但向後一望，佢兩個都係度，即係話真係亞糖一個搭船走先！

上船後，佢地三位女士（夫人，飯，Harbour）都急急腳咁找個中間位坐，話冇咁暈船浪，起初我以為佢地講笑，但當隻船行行下左搖右擺時，佢地三位又合上雙眼默不作聲，我就真係相信佢地係怕暈船浪啦！（其實我以前細細個住圍村村屋冇乜機會搭車同搭船，一有得搭我就一定嘔，但隨年月過去，周圍去，對於暈車浪/船浪呢樣野已經冇乜反應啦～當然如果要我連續坐兩次過山車，我就一定嘔）。今次的確好大浪，落到船，都好似未有腳踏實地的感覺，個頭都有0的暈。

去到碼頭終於我地與糖相遇啦～！今次我們除了自已友之外，小梅帶了兩位朋友來，但好似一直都冇介紹過佢地叫乜名。結果我地九男女就在南丫島的中心位置，有副好大空曠地的大排檔食野，佢地的食物樣樣都好似好好食，大家都唔知食乜之際，我地問左對面位的亞叔佢個碗係乜，結果按佢指示，我地都走出位睇睇有乜好食！佢地的餐牌紙貼在牆上，西式會打橫寫，到燒味類就打直寫，我好暢順咁讀比Harbour聽有乜燒味之際，夫人佢將個餐牌打橫睇，結果明明係叉燒飯，油雞飯，燒肉飯，燒鴨飯同豬頸肉飯。但夫人就睇左“叉油燒燒豬”同埋“燒雞肉鴨頸”！所以佢睇唔明乜野係“叉油燒燒豬”，笑死我！

由於間大排檔位於定向人必經位置，所以要尋人都好容易。亞B同Jason同船，但唔知點解Jason比亞B早到，而且來到又分台坐咁奇怪，就係咁我地呢班人又有故事講啦！！未去比賽前，見仲有時間，大家都行左陣街先去賽事中心。

賽事中心位於士多地方即陰間，由於天氣十分熱，個個都好似想著住件泳衣去跑咁。我之前場比賽借了頂帽比小梅，佢今日還返比我，但因為佢個朋友冇帶帽，結果我與頂帽又再一次分離啦～！

換完衫後，大家都開始準備出發，今日有帶水袋的都帶水去比賽，我都有帶，但唔係好想拎出去，但最終都聽佢地講帶水出去。

去pt.1 唔係難由大路去，不過有個成日講野的年青人，佢周圍問人你去邊個point，pt.1去pt.2先由大路去，但唔知點解行行下轉入山路上山，但其實由大路去係去到gei…咁熱上山好辛苦，好快去到山頂轉個彎，見到大路，去到pt.2附近又和糖相遇啦～！原本去到正pt2個位，我跟本見唔到個point，之後行遠少少睇，見到啦！不過要落去真係好難，我用最原始的方法，滑草落去，打完之後就用個口含實張圖，用雙手爬返上去。上返大路，都跑左少少，但又行番啦，個頭開始痛，而且個嘴唇開始乾，飲完水都好似冇乜變，去到pt.3的石位打完，有少少暈感覺，結果冇繼續上山，見到亞B調轉行，結果我又行返落大路想休一休，落到大路有樹陰，舒服左少少之際，見到亞飯，亞飯話佢唔想玩，聽完呢句之後，我回應佢，好！我都唔玩！而且我好似有少少中暑！

決定放棄之後，我們到一個路丫位有樹陰有風的地方休息了一回，中途見到唔少賽員，感覺有點不好意思～！但的確個頭越來越痛，而且個臉越來越紅！等了一回兒，我們離開啦，行返到point2的位置，頂唔順，我好似又暈暈地咁，又要坐多一陣，在這兒，我和飯遠望山上的賽員，還看到擬似愛麗B同擬似小梅的賽員。

返到賽事中心，個頭又痛臉又紅，好好休息一陣！等了一段時間，佢地返來啦！亞飯第一個落水玩，之後亞B同糖都落水玩！在更衣室換衫之際，聽到有人話有野外定向賽員在山上出事要消防員去救，換完衫後，就問大會人士八卦下啦，結果真有其事，當時由於夫人遲遲未返，我都有問Bruce會唔會係Alice，但佢話大梁在3號point見過夫人，傷者應該唔係佢，之後我地又見到直升機飛來飛去。

等左好耐都未見夫人，使唔使去尋佢呢？不過人地老公都未動身，我地都係去玩下先啦，結果唔單止亞飯，糖同亞B，仲有我，Harbour，小梅＆friends都去玩水啦～！

右面兩位已經Ready啦!

玩完水之後終於見到夫人返來，原來佢頭先一直在救人啊～！我們一直聽佢講經歷，一直都不斷讚“夫人妳好叻呀！” (意外事件經過請參看夫人個blog http://hk.myblog.yahoo.com/laichi-li/article?mid=12370 )

等夫人休息完我地打算起行離開啦，係呢個時候亞B一句“Bruce你調轉衫著”，又令我們笑了一大餐，因為佢呢件“龍城定向”的衫調轉著，已經唔係第一次！

好笑的野會一浪接一浪，我地行出士多不久，亞B又有新發現啦，佢話“Bruce你條褲咁多針gei?”我們一睇，佢pat位的確有針，那一刻，夫人突然醒起個條褲係縫製中的階段，還未完成，佢於是立即將0的針拔出來，我們見到他們那麼狼狽已經笑到出眼水，一路問：「點解Bruce的pat位咁多針，但佢行行坐坐左咁耐都唔覺？」，而另一邊又問：「點解夫人又縫縫下條褲點解又唔縫埋佢，而且又要咁多支針呢？」．．．．．謎

我地一路行一路笑，最終去到亞婆豆腐花啦～！食完豆腐花，行返去碼頭，忽然有兩名定向人急急腳路過，佢地話趕緊6:30的船，但當時已經係6:25（而我們的位置係離開亞婆豆腐花附近），我和亞B打算早走，結果就起勢咁追（只係我，亞B好輕鬆咁跑），追追下突然醒起亞媽托我買手信，唉～！又跑返轉頭去買，結果買完之後我唔使跑，隻船走左啦！去到碼頭，碼頭個位先生叫我入閘搭船，我話我去中環wo，佢話有船呀上啦！我再疑了一回，佢話加左班船，上啦～！就係咁我上左6:40的船離開了！在船上，又遇上其他定向人，PolarBear話佢個仔係童軍，於是我諗住同佢傾下啦，點知佢個肥仔點都唔肯同我講野！！

返到屋企，個頭仲係好痛～！聽其他人講返，槍會好好玩．．．

P.S.

這是8月21日補加的 , 在無意中得知 , 當天的傷者, 已經離開了 ! 安息吧 !

因為生命活得有色彩 , 才會為失去色彩而可惜 .......

後記 : http://juliechiu1008.blogspot.com/2009/08/blog-post_21.html

爛尾公園賽～聯校公園定向計劃2009

2009-08-15T23:33:00.015+08:00

今天好似教練嘉年華會一樣，有數十位教定向教練去天水圍公園協助一場公園定向比賽。

今日有場聯校公園定向賽，對象是6-14歲的中小學生。其實賽前，佢地都已經參加過一些公園定向的推廣活動，所以即使一個6歲的小學生都可以自己睇地圖，你話勁唔勁！

今日我負責賽事中心，即係話由頭到尾都要守住大本營。我們1:00集合，開始見到越多教練到啦～！但今日的天氣係超級熱熱熱！賽事中心位於運動場看台，未佈置前大家都收到消息～天文台發出雷暴警告至下午1:30（到1:30個雷又延至3:00），按康文署指引活動舉行前2小時的話，活動就要取消．．．＝＿＿＝　不過我地都知道家長係唔會睇有冇雷，佢地只會知道係唔係打風落雨，而且我地都ready.

　　　　　　　　　　　　　　　好大片黑雲在天上

時間一分一秒地過，未收到任何消息的情況下，大家都係照去做野，做做下忽然個天響起幾次雷聲，唉～！天呀唔好玩啦！賽事負責人怪傑終於與康文署職員聯絡上，佢地話睇情況而定（幸好佢冇一句話唔玩得），時間又繼續咁過，家長和賽員的數目越來越多，但我地乜都set好，但就唔可以開波。

最終康文署職員來到，看到賽事中心的人流，而雷暴警告又於下午3時取消了，最終比賽還開始，但好可惜成個活動時間推遲了，唯有減了接力部份。在大家的努力下，所有事都好暢順，賽事中心忙完，有時間去睇埋其他賽員的出發。

隨著各組的賽員分批出發後，好快已經半小時過完一次又一次，已經不斷有賽員回來啦！好多家長一見自己的子女回來，為他們抹汗，有比水，之後又與討論賽事和計分！又有一幕幕溫馨的畫面出現啦！！

由於取消了接力賽，還以為個活動可以在下午5時進行頒獎，但好可惜，又出事。今次場比賽是以奪分式計算，每個point的分數都係一樣，限時30分鐘，其實電腦應該可以好快完成，但今次又係過份相信電腦而出事啦！等了一段時間，成績處理的人已經將份初稿交了給我貼上成績公佈區，成績公佈開始時還未有發現有問題，但問題隨著不斷更新成績而不斷發現錯誤！

第一次：學生發現在成績公佈的名單內姓名與校名不付，不過唔緊要，只要名字係自己的，就得啦！

第二次：起初以為因為集體出發減了時間而計錯分，但之後又發現有賽員明明打曬所有point，而且又冇遲返終點，點解唔係滿分，而且還會少了分數呢？初期就只有一兩位來查詢，但後來漸漸越來越來人來登記～咁即係話份成績唔係一、兩位的出錯啦～係所有人成績出錯！陸志軒立即上去撕了份成績，而其他賽員就只有在等更新的成績。傳聞好似因為某人手多，在電腦上按多個指示，結果出事啦！成績最終都用人手計算。佢兩個就慘啦

其實唔單止賽員，所有教練都在呆等！我都好悶，又唔想呆坐，唯有一時走去獎牌睇下，又一時走去同０的小賽員傾下比賽，一時又走去成績處理望望下，總之就等了又等！

最終在下午6時開始頒獎，其實還有組別成績有問題…但唔想取消頒獎環節，大會還是頒了獎！

其實今次所有人都在吸收過往經驗而不斷改善，但可惜“意外就是意外”永遠唔會有人知佢幾時來！如果真係做推廣定向的話，努力到最後先比人一個壞印象，有時真係會有點屠勞無功！

返到屋企成身都濕～熱到濕，而且好累！

食食跑跑食食~深圳賽

2009-08-09T23:56:00.010+08:00

昨天去完迪士尼，開始有點累了．．．．今天幸好到11：15才出發離開屋企。今日去深圳跑定向, 有點特別, 因為今日跑越野 , 微型及百米的公園定向賽。今次去深圳冇跟大隊(會長同夫人) , 因為佢地打算先由皇崗集合再去食街 , 之後再返筆架山公園，我諗跑場比賽，唔使去咁鬼遠食呀，於是我約了文太同怪傑12：00皇崗集合，上樓上食野，樓上間餐廳唔錯呀~有中式，有西式，我地有冷氣嘆，有電視睇，幾好呀!12：30已經食完野，見有時間吹多陣水，聽文太講起佢個仔，好好笑！之後聽返佢地講，我絕對冇後悔我唔跟佢地去的決定。

去到比賽場地，有個好大的草地，感覺好舒服，但好多蚊，痕死我啦～！幸好有部份家長有蚊怕水，有止痕膏．．．當時我心想“始終都係媽媽好！”今次係我第一次玩微型定向，起初我以為可以打曬佢，實冇死啦！原來大會話唔得，打錯左仲要返終點前在眾目葵葵之下跑罰圈～！

由於好多人都未試過咁樣玩，所以都安排左呢部份的負責人B佬負責講解玩法～！我當然好留心咁聽佢講啦！起初B佬負責用廣東話，而有隔離位就用普通話，但由於唔能翻譯原意，最終B佬用佢廣東話版普通話同大家介紹啦！

眼見佢地一個接一個出發，我都好心急tim!

等的時間，我通常會望實同組的賽員一開始會跑去邊，哈～！望完有用，望到地圖的起點之後，就一支箭跑走啦！個場地由於在公園，所以唔係太難，跑到pt.2附近準備入point時，見到好多賽員Bruce同大梁由草叢衝出來啦，之後見到夫人同文太，見唔係差好遠，打完point已經急速起去追佢地啦，結果pt. 3 去pt. 4　中途追到夫人啦，仲比佢影埋相～Yeah！過了夫人，自已繼續跑，因為夫人見我跑，所以都帶動左佢有意志跑，一路我都知佢應該離我不太遠lor !
打完pt.6我好想由湖的霸位去，但再行前少少睇，好以過唔到，何況我唔識游水，一失足成…..所以返轉頭，比我遠遠望見夫人打完pt.6 ，　由pt.6 去pt.7唔由水霸去，就要返轉頭兜大圈，因為中間條穚地圖顯示係封～即唔比賽員過（返到終點睇其他組別先知，原來只有我條course係封）由於當時我以為其他組別都係咁，但又見到有唔少賽員犯規，由橋過，我只好一邊跑，一邊咀咒那班犯規的人。

由pt6去 pt7其他人原來大部份都由紫色路線去 , 本身去到湖角位 , 但好似過唔到 , 結果由紅線走(其實我唔知點解唔由白林去~白痴仔)

我知夫人應該過左我，但我又相信我如無意外，一定追到佢，但跑了一回都唔見佢，我就諗以佢份人應該“過橋”啦！（結果真係）打完pt.7去pt.8原來pt.8係微型定向，由於第一次，我都好小心，最終簡定走人，簡完都有少少唔對路，不過都簡左，算啦！去到pt.9我已經冇氣啦！而且後面有好多人追到我（我想只有我一個傻瓜冇由水霸過去，兜大圈花了不少時間）。去到pt.12又有一個微型定向點，呢個唔難，一路行一路打，走人。

玩完越野部份，轉圖玩百米，唔知點解，個指南針成日都好似歪了少少，不過唔緊要，因為基本上成個場的point都有，行歪了，望返行錯個個係邊就知去邊，但唔知係賽會玩野，定賽員玩野，我有個point先去38再去42但去到38未望到個punch但樹幹上的膠紙寫了42，結果我以為自已去錯，由呢個疑似42再打bearing去38，但點找也找不到，去去下，又比我發現另一個42的point，好奇怪，還未來得及思考點解之際，忽然聽到蔡琪大叫原來38在這兒。我一聽就過左去，點知個個38的位比人用42的膠紙貼在樹幹上，賽員要發現個打咭器才知道是38，結果有人做好心撕了那張膠紙下來。百米除了這個位，其他唔係大問題。

打完百米，先去做第一次下載成績，睇下使唔使跑罰圈，跑到差不多終點，先發現唔止我一個望，B佬佢又望，結果Yeah唔使跑罰圈，而且在耳邊還聽到B佬大聲叫“呢個（Julie）有排威！呢個有排威！”我其實都係一個沉默寡言的人，點會咁認叻呢～！^^

跑完之後，返到去問夫人，結果冇錯～佢真係用橋過！夫人除了比我話之外，原來文太都話佢冇體育精神！

跑完之後，一大班人去食自助餐，本身Bruce話冇人去，但要人有幾難！就係咁，我們一大班人就食得好開心！原來餐飯要成150人仔，我一向去廣州跑比賽，我都係帶$300人仔，但去深圳唔係好遠，車錢唔多，所以以為帶$200去已經夠,點知唔夠錢食自助餐，當我仲諗緊問邊個借比我之際，有位人兄話佢有成$700人仔　～　＞＿＿＜　車！ (我心諗帶成七百幾蚊上深圳只係玩定向~講都冇人信啦!)

當晚有唔少野食，但好可惜我眼闊肚窄，食唔到好多野就投降啦！
~ ~ ~ ~ ~

食飽之後，因為地點近羅湖，結果大家都由羅湖走。我已經成3,4年冇由羅湖返香港啦！好多人！而且唔方便返屋企。在途中問返幾位定向人先知原來佢地和我一樣由皇崗走會快０的，唉～！早知我地由呢度搭的士去皇崗啦～!

咁的型式比賽，我信相暫時香港係唔會有～！最慘冇的原因唔係因為冇人做，而係唔比咁樣做，所以冇去跑的朋友仔，你地又要等啦～！

看不見米老鼠

2009-08-08T23:59:00.004+08:00

今天一早起身，去迪士尼出席一個有關佢地青少年活動計劃的推廣活動，上午是活動介簡，下午自由活動，費用全免，正合我意～！

今早6時半起身，7時15分出門～因為一句逾時不候。結果出到車站先至8時，還有半小時，結果周圍遊。

今日去的全部都「係」童軍領袖，由於時間尚早，一個冷清的迪士尼門口還是第一次見呢～！到了8時30分人齊入場。今日識的人都有數位，所以都唔擔冇人周圍玩。

上午我們還行中學組活動，有通識、物理、動畫等十分有趣，一開始大會人士已經提醒我們，今天我們全部都係學生。在課程中，而最吸引我的是動畫室內一個大「旋轉畫筒」，筒內有很多隻定型公仔，但當畫筒轉起時，在突然的一刻，變成了動畫，非常有趣！在物理部份，我們也用指定的物資拼出一條軌道，讓波子成功完成軌道，我們那組經多番嘗試後，最終成功了～！

呢部份講緊物理啊~!

<完成最後一部份~成功取證書>

下午自由活動與糖、bun、翠、財及兩位新朋友James & Ringo 一起行(結果一行 7 人)，全程由成日唔拎圖的Bunsan帶路及建議。但唔知點解，由於兩位新朋友喜歡交換襟章，結果亦感染到糖也一同參與，最後我見佢地的襟章好靚，都加入了（當然我並不瘋狂）。由於有兩位換襟人士，結果好多時候行行下都會唔見幾個～！唉～！等！

結果我們只是去了巴斯光連、維尼熊、小飛象、唐老鴨電影、探索之旅因機件問題，未能進入、搓車；另外，還有一個濕身巡遊及跳舞巡遊及煙花。都唔係玩左好多，但如果問我入過幾多間店舖的話，我可以講原全多到數唔到。無計個個都好似為章而瘋狂。

黃昏時候，每個人也為換來的心頭好高興，我有一個金色米奇、史迪仔及高飛汽水罐、小仙子等，對我來說不算旱有，但我喜歡。但後來兩者為章瘋狂人士通知了一個消息，原來佢地換來的襟章比他們買回來的價錢便宜，即係話蝕左，但我與糖對這個消息也沒太大反應，因為「易求無價寶，難求心頭好」只要喜歡，也沒所謂！但他們想法不同，結果又來一輪散貨活動～目的係為求換回同等價錢！不單又花時間，又失去了許多美麗的襟章。

尚有時間，未有煙花睇結果我們又去多次巴斯光連，鬥高分。低分的人第一個反應原來係睇下其他人有冇低分過自已，就係咁，小翠的2000幾分比人見到了～嘻～!!

出了巴斯光連去睇煙花，我們又失散了。在煙花前席的就只有我，煻，bun，打電話比佢地才發現他們仍在原地踏步。唉～！明明頭先一齊行架！

在美麗的煙花下結束了今天活動，不過坦白講，行石屎路比行山路便累呢～！
但如果有下次，我諗唔好咁多人啦～！

最終由一入門口講起「今日要與米奇影相」的一句話，未有實現，就連米奇也沒見過呢～！

南葵涌40周年暨澳門交流之旅

2009-08-03T23:32:00.014+08:00

回港後第一天～繼續忙碌

昨天才回港，今天又要出動，早上是活動準備。地點係葵涌和宜合道鄧兆堅童軍中心。由元朗去葵涌理性上點都冇去港島區咁遠，但唔知點解，由屋企去要成粒鐘．．．

愛拼才會嬴

上午是攤位準備，第八旅童軍團、海童軍團、深資童軍團、275旅團及新界1174都要準備一個攤位。今次童軍團負責「愛拼才會嬴」，故名思意即係拼圖遊戲。童軍團有位成員我永遠都唔明佢諗乜，佢居然將個A3 size拼圖平均分為45份，仲要有好多份係相同顏色的～你叫人點砌！我見佢個拼圖第一個反應係「你幫我用1分鐘砌好佢」結果在其他成員的協助之下，最終要4分幾鐘才砌完。（攤位每位參加者限時係30秒）。結果佢副拼圖被我下令收藏，直至有真正挑戰者。

自己玩自己

攤位活動在下午開始，但由於早前流感盛行關係，取消了公開邀請其他外界人士出席，所以今次玩的都係自己班幼童軍（自己人玩自己人！）今日天氣十分熱，著住套制服簡直熱到不得了，隔壁旅團位領袖講講下，我先知道原來澳門交流兩日全程都要穿制服，Oh! My God!　我現家穿緊個套都係帶埋去好（今晚要洗啦），免得到時另一套著到嗅。至於我地個拼圖遊戲，最終深資成員（年青人）在眾人協助下完成了終極版。有位幼童軍好得意，原來佢每次來都會記住自已失敗的次數，佢每次來都會話比人知佢第幾次失敗。由於天氣炎熱，活動最終提早收場。

雖然攤位提早，但黃昏的典禮仍然繼續，又係一輪頒獎儀式。在8時正，活動最終結束了。

第二天～第二次甩鞋底

今天一早去到港澳碼頭，由於時間尚早，由元朗去上環只須30分鐘，講你都唔信。由於今次童軍團得我一個去，唔使理自已班仔。今次除了自己旅團外，還有昨天的九龍275及新界1174，除此之外還有一些高層人士相熟的人士（總之係滕瓜關係），我今次係貨櫃碼頭隊副領隊，但去到認人先知領隊不出席，即係話我要點人。認認０下人突然發覺自已對童軍鞋右腳後爭有點空空，坐底先發現鞋底突然離底．．．當時還不算嚴重，但之後就．．．講起甩鞋底，今次是第二次，第一次係上年中秋前夕上鳳凰山時右底甩了，在下山時左面又甩埋，對鞋結果同期報銷．．．或許大家也沒想過我是如何上山又如何落下…

去到澳門，知道第一站是去澳門童軍中心，於是第一時間找了位接待的澳門童軍問，但好可惜，原來澳門童軍中心係冇童軍鞋賣的，要買要到市集。我就在這一行一停的步伐下瘀爆極了。

童軍是是可信的~ ^^

去到大三巴，在拍攝完團體相之後，大家開始四出購物特遊覽啦～而我就急去買鞋。澳門童軍Melilu帶路，行行下才發現後面仲有多兩名澳門童軍，4位帶隊童軍有3位跟左我走，結果我們一行4人去買鞋啦！

穿新鞋人都醒０的，結果與他人再周圍行下。在行街期間，曾經有3次不同的遊客向我們問路，我相信第1位是香港人～因為佢問我。第2位應該係澳門人。而第3位是國內人士，佢用普通話問我地，3位澳門童軍都唔明佢講乜，因為佢0的普通話唔係好好聽。但唔知點解，我居然聽明佢講乜，仲可以話比佢知點去~無計，之前去完廣西乜都聽得明啦~而且我們剛剛由超級市場出來，我點都可以話到比佢知超市點去的。看來穿著童軍真的給人可靠的形象啊~!

景點?

去完大三巴，先去吃午飯，我與眾多位澳門童軍一圍，在飯席對於他們的專章及考核制度已經原全了解。其後過了對面望一望金蓮花，由於天氣炎熱，大家也沒心情似的。之後去的地方居然係~有百多年歷史的街市及一所不知名的廟宇。唉~由於車上有些老人家，結果高層話返酒店啦~什麼漁人碼頭?觀音像?媽閣廟呢 ?
去到酒店，由於太早來到，結果眾人在大堂等了很久才可上房。

無理…

今次因為個交流團以超值費用供成員參與，結果去到酒店我們要 4人同房~房間一早己分配，我是與一名女領袖及兩位海童軍一間房。入到房間，見到兩張單人床，天啊~雖有驚訝，但也要接受。但位女領袖(簡稱M姐) , 第一句就話：「０下，點訓，我的身形兩個人點訓一張床。」當時我已經回應一句：「大家都係咁，將就下啦～！」佢冇出聲，由於我知道某房間的人士晚上會出去玩，於是我請兩位海童軍去他們的房間取他們不用的被子來，位M姐又出聲啦，「佢地唔返來訓，不如我們兩位領袖用埋佢地房或者兩位海童軍去佢地房，如果唔係今晚點訓。」我當然沒有理佢講野，海童軍取了有用的東西來之後，有位海童軍建議拆床，結果我地合力將一張二層床“玉”的床分兩份，好快二人床變四人床啦～！但問題又來啦，床“玉”一面軟，另一面硬，位M姐第一時間見我地搬完，就即刻講我要訓軟床！好！雖有點不公平，但敬老。

在晚飯中，各旅團均有表演，但由於場地太細，澳門童軍話表演唔到預先節目，結果得位最年青的東少被人出賣了。

晚上自由活動，有新豪天地有龍滕表演老少咸而。好彩有位澳門童軍領袖有車，結果有順風車去，當時我已經感激萬分，M姐又講野啦！佢對人講我地一場來到熱情招待是應該的，佢句句話都講到理所當然，真的有點連自己人也感到無理。

第三天～悶

今早起身之後的活動可以話有，亦可以話冇，只在酒店附近周圍走，有四面佛，同埋手信街，又冇左寄明信片的地方啦～！
之後我們搭二點船回港。因為回來時正好天鵝在港，在澳門海上仍風平浪靜，但去到香港海面浪濤洶湧，有人在船上站著但仍跳跳下！

幸好明天還是放假，可以休息休息～！